लोकतन्त्र समाचारदाता---
सर्लाही,असाढ ४
राष्ट्रिय स्वतन्त्र पार्टीले आफ्नो स्थापनाको दोस्रो वर्षमा प्रवेश गरेको अवसरमा विभिन्न कार्यक्रमहरु गर्ने भएको छ । केन्द्रीय निर्देशन अनुसार जिल्ला कार्यसमिति सर्लाहीले पनि नगर तथा वडा स्तरमा विविध कार्यक्रमहरु गरि स्थापना दिवस मनाउने रास्वपा सर्लाहीले जानकारी गराएको छ।
वार्षिक उत्सव मनाउने विषयलाई लिएर लालबन्दी नगरपालिका वडा न-१ स्थित पार्टी कार्यालयमा बसेको जिल्ला स्तरीय बैठकको निर्णय अनुसार असाढ ३ गते पत्रकारहरुलाई कार्यक्रम बारे जानकारी गराइसके पश्चात् असाढ ५ गते सबै वडा तथा नगरका विभिन्न सार्वजनिक ठाँउहरुको सरसफाइ तथा वृद्धा आश्रम, बाल आश्रम,गरिब जेहेन्दार ब्यक्तिलाई फलफूल तथा केही सरसमान वितरण गर्ने,असाढ ६ गते विभिन्न वडा तथा नगरमा बृक्षारोपन कार्यक्रम गर्ने र ७ गते सदरमुकाम मलंगवामा चियापान कार्यक्रम तय भएको जिल्ला संयोजक कमलेश साहले जनाएको छ।
यही असाढ ७ गते रास्वपा गठन भएको दुई वर्षपुग्दैछ ।
No comments:
Post a Comment