सर्लाहीको हरिपुर्वामा गोली चलाएर सहकारीका एक कर्मचारीसँग ५ लाख लुटियो

मनोज यादव---

सर्लाही,मंसिर २८

    सर्लाहीको हरिपुर्वामा अज्ञात लुटेराहरुले गोली चलाएर सहकारी संस्थामा कार्यरत एक कर्मचारीसँग ५ लाख  रुपैयाँ लुटेर फरार भएको छ। 

हरिपुर्वा नगरपालिका वडा न–५ स्थित जयगंगा बचत तथा ऋण सहकारीको शाखा कार्यालय बसन्तपुरका लागि एनआइसी बैंकबाट निकालिएको ५ लाख रकम लूटपाट भएको हो । 

   हरिपुर्वा स्थित एनआइसी बैंकबाट जयगंगा सहकारी बसन्तपुर शाखाका प्रवन्धक रामनाथ राय र त त्यहाँ कार्यरत कर्मचारी नीरा रायले ५ लाख नगद झिकीशाखा कार्यालय तर्फ जाने क्रममा हरिपुर्वा वडा न–६ हनुमान चोक नजिकबाट हवाइ फायर गरेर लूटपाट भएको जयगंगा सहकारीकाअध्यक्ष गणेश कुमार यादवले बताए । उनका अनुसार बैंकबाट पैसा भिकेर ना १५ प ९८९२ नम्बरको मोटरसाइकलमा जाँदै गरेका शाखा प्रवन्धकको टोलीलाई नम्बर नखुलेको अपाचे मोटरसाइकलमा सवार दुई जनालेले रोकेर पैसाको झोला मागेका थिए । पैसाको झोला दिन नमानेपछि लूटेरा समुहले हवाई फायर गरेर पैसा बोकेको झोला खोसेर छिमेकी जिल्ला महोत्तरी तर्फ फरार भएका थिए।

   प्रहरीले लुटपाटमा संलग्नको खोजी कार्य तीव्र पारेको जनाएको छ ।प्रहरीको टोली  हरिपुर्वा आसपासका क्षेत्रमा आवतजावत गरिरहेका मोटरसाइकलहरुलाई रोकेर कडाईका साथ चेकजाँच गरिरहेको जिल्ला प्रहरी कार्यालय सर्लाहीका प्रवक्ता डिएसपी  दिपेन्द्र पंजियार थारुले जानकारी दिए।