इन्सान प्रावि भाँडसरका २ सय विद्यार्थीलाई विद्यालय पोसाकको कपडा वितरण

 

लोकतन्त्र समाचारदाता---
सर्लाही,कात्तिक २८

     सर्लाहीको मलंगवा नगरपालिका वडा नम्बर -५ भाँडसर स्थित इन्सान प्राथमिक विद्यालयका २ सय विद्यार्थीहरुलाई विद्यालय पोशाकको लागि कपडा वितरण गरिएको छ।  भाँडसर निवासी युवा सामाजिक अभियन्ता मनिष कुमार यादवको आयोजनामा उक्त विद्यालयमा अध्यनरत कक्षा १ देखि ५ सम्मका २ सय विद्यार्थीहरुलाई विद्यालय पोशाकको लागि एक-एक जोड कपडा वितरण गरिएको हो । स्थानीय अन्जनी खिडहरीका छोरा मनिष यादवको निजीआर्थिक सहयोगमा उक्त विद्यालयमा अध्यनरत सबै समुदाय तथा वर्गका विधार्थीहरुलाई कपडा वितरण गरिएको विद्यालयका प्राधानाध्यापक जय प्रकाश रजकले बताए। 
   विद्यालय व्यवस्थापन समितिका अध्यक्ष मोहम्मद मेराजुद्दिन मिकरानीको अध्यक्षता,मलंगवा नगरपालिकाका उपप्रमुख शकुन्तला देवी साहको प्रमुख आतिथ्यता तथा पुर्व गाविस अध्यक्ष नुरुल मिकरानी,पुर्व गाविस सचिव माधव प्रसाद यादव,असलम रजा,दशै सहनी,राम नन्दन राय लगायत स्थानीय समाजसेवी ,बुद्धिजीवीहरुको उपस्थितिमा विद्यार्थीहरुलाई विद्यालय पोशाकको कपडा  हस्तान्तरण गरिएको हो ।
   कुनै एक समुदाय अथवा वर्गलाई मात्र नछुट्याइ विद्यालयमा अध्यनरत सबै समुदाय तथा वर्गका विद्यार्थीहरुलाई समान रुपले विद्यालय पोशाकको कपडा वितरण गरेको कार्यक्रमका आयोजक तथा सामाजिक अभियन्ता मनिषले बताएका छन् । विकासको मुल आधार शिक्षानै रहेको र आफ्नो बाबुबाजेले पनि यसै क्षेत्रको विकासको लागि विभिन्न कार्यहरु गरेकोले आफु पनि यसै क्षेत्रलाई रोजेको उनले बताए । भाँडसर मात्र नभइ मलंगवा नगरपालिकाको १२ वटै वडाको विद्यालयमा यस किसिमका कार्यक्रमहरुको आयोजमा गरि आफ्नो सामर्थ्यले भ्याए सम्म सहयोग गर्दै जाने प्रतिबद्धता व्यक्त गर्दै विद्यालयको शैक्षिक स्तर उकास्नको लागि आवश्यक पर्ने सामाग्रीहरुको लागि सम्बन्धित विद्यालयका प्रअले जुनसुकै बेला पनि  आफुसँग सम्पर्क गर्न सक्ने छन् उनले भने ।
    यसअघि समाजिक अभियन्ता मनिषले भाँडसर कै श्री राम गुलाम जनता माध्यमिक विद्यालयमा अध्यनरत ८ सय भन्दा विद्यार्थीहरुलाई विद्यालय पोसाकको कपडा वितरण गरिसकेका छन्।

प्रादेशिक अस्पताल मलंगवा प्रकरण

 

प्रादेशिक अस्पताल मलंगवा प्रकरण 
    तलब सरकारको काम निजी

विद्यानन्द राय----

सर्लाही,भदौ २३

     प्रादेशिक अस्पताल मलंगवाका डाक्टरहरु सरकारी तलब खाएर आफ्नो निजी क्लिनिकमा बिरामी पठाएर उपचारको नाममा ती बिरामीहरुबाट मोटो रकम असुल्ने गरेको गुनासोहरु आएको छ।

    प्रादेशिक अस्पताल मलंगवाका जेनरल सर्जन डा.शिवराज साह र हाडजोर्नी तथा नशा रोग विशेषज्ञ डा.रोशन साहले सरकारी अस्पतालमा उपचार गराउन आउने बिरामीहरुलाई आफैले संचालन गरेको निजी क्लिनिकमा उपचार गराए छिट्टै गरिदिने भन्दै बिरामीलाई आफ्नो क्लिनिकमा पठाएर उपचारको नाममा मोटो रकम असुल्ने गरेको बरहथवाबाट मलंगवा स्थित प्रादेशिक अस्पतालमा छोराको उपचारका लागि आएका पुरुषोत्तम यादवले बताए । उनले छोराको सम्पूर्ण जाँच एक्स रे,भिडियो एक्स रे,प्याथोलोजी लगायतका जाँचहरु सरकारी अस्पतालमै गराई सके पश्चात डाक्टरले छोराको अपरेशन गर्नुपर्छ भनेर अस्पताल बाहिरको आफ्नै निजी क्लिनिकमा पठाएको बताए।

   सरकारी अस्पतालमा माइनर अपरेसनको २ हजार रुपैयाँ मात्र लाग्ने गरेको छ।तर निजी क्लिनिकले भने सोही अपरेशनको १५ हजारदेखि २० हजार रुपैयाँसम्म लिने गरेको मलंगवाका अर्का एक बिरामीका आफन्तले बताएका छन् ।डाक्टर साह द्वय आलोपालो गरि १/२ घण्टाको समय मिलाएर निजी क्लिनिकमा जाने गरेको प्रत्यक्षदर्शीहरुले बताएका छन् । डाक्टर साह द्वय दुवैजना करार सेवामा कार्यरत डाक्टरहरु हुन्।

    उनीहरू सरकारी अस्पतालमा आउने बिरामीहरुलाई आफ्नो निजी क्लिनिकमा पठाएर बिरामीहरुको चाप बढाएका छन् । उनीहरु बिरामीको अपरेसनमा लाग्ने औषधिको पैसा बिरामीसँग असुल्ने तर आवश्यक पर्ने औषधिहरु अस्पतालनाटै लाने गरेका छन् ।

   यस विषयमा प्रादेशिक अस्पतालका मेडिकल सुपरिटेन्डेन्ट नवल किशोर झासँग सम्पर्क गर्न खोज्दा उहाँसँग सम्पर्क हुन सकेन।

 

नेपाली काँग्रेस जिल्ला कार्यसमिति सर्लाहीको पुरानो घर निलाम बिक्री सम्बन्धि ७ दिने सार्वजनिक सूचना ।

सम्पर्क -
    बिगु प्रसाद चौधरी(कोषाध्यक्ष)
☎️9844032132
     ईन्दु योन्जन(स-सचिव)
☎️9854037567
     सुनिल कुशवाहा(स-सचिव)
☎️9844385223

सुनचाँदी व्यवसायी संघ सर्लाहीको अध्यक्षमा विनय कुमार साह प्यानल सहित बिजयी

 

लोकतन्त्र समाचारदाता---

सर्लाही,साउन ३२

    सुनचाँदी व्यवसायी संघ सर्लाहीको आज (शुक्रवार) सम्पन्न निर्वाचनबाट विनय कुमार साहको अध्यक्षतामा १५ सदस्यीय नयाँ कार्यसमिति चयन गरिएको छ।

   सर्लाहीको सदरमुकाम मलंगवामा सम्पन्न भएको निर्वाचनबाट बरिस्ठ उपाध्यक्षमा गणेश साह,सुनार ,प्रथम उपाध्यक्षमा दिनेश प्रसाद साह,द्वितिय उपाध्यक्ष दिपेन्द्र प्रसाद साह,महासचिवमा राकेश सर्राफ ,सचिवमा राम कृपाल साह,कोषाध्यक्षमा अमरनाथ साह र सह-कोषाध्यक्षमा धर्मनाथ साह निर्वाचित भएका छन् । 

    यसै गरी सदस्यहरुमा अनिल कुमार साह,संजिब प्रसाद साह,मुकेश साह,राकेश कुमार सोनार,दयाराम साह,धिरज कुमार साह र रितनन्दन साह निर्वाचित भएको मुख्य निर्वाचन अधिकृत रंजित कुमार पाण्डेले जनाएको छ।

गरिमा विकास बैंक माथि लगाइएको ठगीको आरोप निराधार रहेको बिचौलिया भनिएका कृष्ण कुमार यादवको भनाई

 

    "आफु र ऋणी बीचको लेनदेनका कागजातहरु सुरक्षित रहेकोले जोकोहीले हेर्ने सक्छन्"

 

लोकतन्त्र समाचारदाता----

सर्लाही,साउन ३१

      गरिमा विकास बैंक लिमिटेड मलंगवा शाखाका मेनेजर राम एकवाल साहले ऋणीहरुको रकम ठगी गरेको भनि पिडितहरुले लगाएका आरोपहरु गलत र निराधार रहेको बिचौलिया भनिएका कृष्ण कुमार यादवले बताएका  छन् ।

    गत आइतवार फेकन राय, राजेश भुजेल ,सीता विश्वकर्मा ,मिथलेश सिंह दनुवार लगायत केही अन्य ऋणीहरुले सदरमुकाम मलंगवा स्थित जिल्ला समन्वय समितिको सभा हलमा पत्रकार सम्मेलन गरि आफुलाई बिचौलियाको संज्ञा दिंदै बैंकका मलंगवा शाखा प्रबन्धक राम एकवाल साहले ऋणीहरुको पैसा खाएको भनि झुठो बयान दिएर विभिन्न मिडियामा समाचारहरु प्रकाशन तथा प्रशारण गर्न लगाएर आफुहरुको चरित्रहत्या गरि समाजको बिचमा बदनाम गर्न खोजेको यादवले बताएका छन् ।  विभिन्न मिडियामा एकतर्फी रुपमा  प्रकाशन तथा प्रशारण भएका  समाचारहरु प्रति आपत्ती जनाउँदै उनले  लगाइएका आरोपहरुको खण्डन तथा घटनाको वास्तविकताको बारेमा जानकारी गराएका छन् ।

    गत आइतवार आयोजना भएको  पत्रकार सम्मेलनमा आएका पिडित मध्येका कौडेना गाउँपालिका वडा न-५ निवासी फेकन राय यादवले बताए अनुसार आफ्नो जग्गाको ३० लाख रुपैयाँ मुल्यांकन गरि मलंगवा शाखाका मेनेजर साहले बैंकमै ४ वटा ब्लेङ्क चेकमा हस्ताक्षर गराइ सो चेक आफै सँग लिएर राखि पटकपटक गरि निजले सो चेकको प्रयोग गरि पहिलोपटक ९ लाख ९९ हजार,दोस्रोपटक पुन: ९ लाख ९९ हजार बिचौलिया यादव मार्फत निकलेको र सो को विवरण सम्बन्धि म्यासेज आफ्नो मोबाइलमा आएको थियो। तर आफुले १ लाख २५ हजार रुपैयाँ मात्र झिकेको उनको भनाइ थियो।सो कुराको जानकारी मेनेजर साहलाई गराउँदा समेत निजले वास्ता नगरेको उनले पत्रकारहरुलाई बताएका थिए।उनले आफ्नो रकम बैंकका बिचौलिया यादव,सोही बैंकका कर्मचारी रुपेश यादवसँगको मिलोमतोमा मेनेजर साहले झिकेको कुरा केही दिनपछि मात्र आफुले थाहा पाएको बताएका थिए।

     तर बिचौलिया भनिएका यादवका अनुसार फेकन यादवले गरिमा विकास बैंकबाट बैंकको नियमअनुसार कर्जा माग गरेको र सो बैंकले सम्पूर्ण प्रक्रिया पूरा गरि ऋण बापत ३० लाख रुपैयाँ स्वीकृत गरेपछि निजले आफ्नो राजिखुसी आफुलाई मासिक सैकडा ४ को दरले रकम दिएको र पछि फेकनले जिल्ला प्रहरी कार्यालयमा उजुरी गरिसकेपछि बैंकको कर्मचारी कुनै प्रकारको लेनदेनमा संलग्न नभएको भनि जिप्रकाको मुद्दा फाँटमा रकम मैलेनै लिएको भनि लिखित सम्झौता समेत गरिदिंदा निज फेकनले बैंकका कर्मचारीले रकम हिनामिना गरेको आरोप लगाएर बदनाम मात्र गर्न खोजेको बताए ।

    त्यस्तै अर्का पिडित सीता विश्वकर्माले पनि सोही पत्रकार सम्मेलनमा मेनेजर साहले आफ्नो पैसा खाएको गुनासो सुनाएका थिए। विश्वकर्माका अनुसार आफुले जग्गा धितो राखेर कृषि कार्यको लागि गरिमा बैंकसँग १६ लाख रुपैयाँ बिचौलिया यादव मार्फत श्रृणको लागि आवेदन दिएको तर बैंकले ऋण स्वीकृत भए बापतको १६ लाख रुपैयाँ नदिएको तर पैसा खाता बाट झिकिएको मोबाइलमा म्यासेज मात्र आएको बताएकी थिइन्। तर यादवले विश्वकर्माको उक्त भनाईलाई खण्डन गरेका छन्। उनका अनुसार सीता विश्वकर्माले १६ लाख रुपैयाँ बैंकको नियमअनुसार ऋण लिइ म सँग ८ लाख रुपैयाँको चेक लिएर पैसा दिएकी हुन। आफुले निजको नाममा रहेको गरिमा विकास बैंकको खातामा नगद रु ५ लाख जम्मा गरिदिएको र उनीसँग रहेको मेरो ८ लाख रुपैयाँको चेक मलाई फिर्ता दिएको खण्डमा सो ८ लाख रकम पनि निजको खातामा हालिदिने बताए । विश्वकर्माले आफ्नो राजीखुशी मलाई पैसा दिएकोले यसमा बैंकका मेनेजर साहको कुनैपनि किसिमको संलग्नता नरहेको बल्की उनी आफै विभिन्न समूहका मानिसहरुलाई पैसा दिएर मेनेजर साह र बैंकको प्रतिष्ठामा आँच आउने गरि झुठा बयान दिएर बदनाम गर्न खोजेको कृष्ण कुमार यादवको भनाई छ।

  यसैगरी राजेश भुजेलको बयानलाई पनि खण्डन गर्दै कृष्ण कुमार यादवले भुजेलले बैंकसँग रु.२० लाख ऋण बापत माग गरेकोले बैंकले नियमपुर्वक  ऋण स्वीकृत गरिसके पछि निजले मसँग सैकडा ५ को दरले ब्याजमा रकम दिएको जसको लिखित प्रमाण आफुसँग सुरक्षित रहेको छ। तर निजले आफुलाई बिचौलियाको संज्ञा दिएर मेरो रकम मेनेजर साह र बैंकका कर्मचारीहरु मिलेर खाइदिएको भन्दै विभिन्न मिडियामा समाचारहरु प्रकाशन र प्रशारण गर्न लगाएर आफुहरुको चरित्रसँग खेलवाड गर्न खोजेको भन्दै उनले गुनासो गरेका छन् ।

   त्यस्तै अर्का एक ऋणी भुइल कमलामाई माछापालन फर्मका प्रोपराइटर मिथलेश सिंह दनुवारले पनि बैंकमा रु.४० लाख ऋण माग गरेको र बैंकले पनि सम्पूर्ण प्रक्रियाहरु पूरा गरि निजको नाममा ऋण स्वकृत गरिदिए पनि उनले मलाई ब्यक्तिगत लेनदेनको कागज बनाएर रु.२० लाख दिएको बताए ।उक्त लेनदेनको कागज आफुसँग सुरक्षित रहेको जानकारी गराउँदै उनले पछि आएर मिथलेशले विभिन्न समुहसँग मिलेर मलाई बिचौलिया सावित गर्दै हिडिरहेको छ जबकी उनले मसँग रु.२० लाखको कपाली तमसुक पनि बनाएको र रु.२० लाखको कुमारी बैंकको चेक समेत लिएको छ। यसमा गरिमा विकास बैंकको कुनै किसिमको संलग्नता नरहेको भएता पनि बैंक मेनेजर साह यसमा सामेल भएको भन्दै निजको प्रतिष्ठामाथि खेलवाड गर्ने काम मात्र भइरहेको कृष्ण कुमार यादवले स्विकारेका छन् ।

    आफुसँग पैसाको लेनदेन सम्बन्धि  ऋणीहरुले बनाएको कागजात र निजहरुको खातामा जम्मा गरिदिएको रकमको रसिद सुरक्षित रहेकोले जुनसुकै बेला जोकोहीले पनि उक्त कागजातहरु हेर्न सक्ने उनले बताए। साथै उनले यस विषयमा समाचार बनाउँदा एकपटक आफ्नो पनि कुरा राख्ने मौका दिन  पत्रकारहरुसँग अनुरोध गरेका छन् ।

जन्मदिनको अवसरमा अति विपन्न तथा एकल महिलाको शल्यक्रिया गराइदिने डा.झा को घोषणा

मनोज यादव----
सर्लाही,साउन २६ 

      सर्लाहीको सदरमुकाम मलंगवा नगरपालिका वडा न-१० स्थित रहेको स्तुति सौम्या हेल्थ केयरका संचालक एवं समाजसेवी डा.गुणेश्वर झाले आफ्नो जन्मदिन फरक तरिकाले मनाउने भएका छन् । 

  पछिल्लो समय समाजमा आफ्नो रवाफ देखाउनैका लागि हजारौं ,लाखौं रुपैयाँ खर्च गरेर विभिन्न होटल तथा पार्टी प्यालेसमा समारोहको आयोजना गरि केक काटेर जन्मदिन मनाउने चलन सुरु भएको छ। तर त्यस्ता मानिसहरुको भिडमा डा.झाले आफ्नो जन्मदिनको अवसर पारेर सर्लाही जिल्लाका विभिन्न गम्भीर रोगबाट ग्रसित १० जना अती विपन्न तथा एकल महिलाहरुको छनौट गरि आफ्नै खर्चमा शल्यक्रिया गरादिने घोषणा गरेका हुन।

    पश्चिमी संस्कृतिको नक्कल नगरी डा.झाले हाइड्रोसिल,हर्निया,गल ब्लडरको पथरी र पाठेघर(आंङ्ग)खस्ने समस्याबाट पिडित भएका एकल महिला बिरामीहरुको बिरगंज ,जनकपुर,काठमाडौ लगायत सहरका ठूला अस्पतालमा लगेर आफ्नै खर्चमा शल्यक्रिया(अपरेशन) गराइ दिने बताएका छन् । जन्म दिनमा हजार्रौं रुपैँया मादक पदार्थमा खर्चिनेहरुलाई पनि सामाजिक कार्यमा मन जाओस् र पैसाको अभावमा उपचार सेवाबाट बन्चित हुनु परेका र सही उपचार नपाएर अकालमा ज्यान गुमाउनु परेका अतिविपन्न वर्गका बिरामीहरुको ज्यान बचाउन सकियोस् साथै समाजमा सकारात्मक संदेश समेत जावोस् भन्ने उद्देश्यका साथ आफुले यो कार्य गरेको उनको भनाई छ ।

     डा.झा विगत केही वर्ष यता सम्बृद्ध सर्लाही निर्माण नामक संस्थाको माध्यमबाट सकृय रुपमा सामाजिक कार्य गरिरहेका छन् । जन्मदिन मनाउने थुप्रै तरिका भए पनि यो कार्य उदाहरणीय रहेको स्थानीय बुद्धिजीवीहरुको भनाई छ ।  

💐हार्दिक श्रद्धाञ्जली🙏

            💐हार्दिक श्रद्धाञ्जली🙏

राष्ट्रिय प्रजातन्त्र पार्टीका केन्द्रीय सदस्य तथा पुर्व भुमिसुधार राज्यमन्त्री एवं सर्लाही जिल्लाकै चर्चित सबैसँग अतिमिलनसार व्यक्तित्वका धनी स्व.रामचन्द्र रायको गत साउन ६ गते राती भएको असामयिक दु:खद निधनको आज परेको १३ औं दिनको पुण्य तिथिमा भावपुर्ण श्रद्धाञ्जली अर्पण गर्दै यस दु:खद घडीमा शोकाकुल परिवारजनमा ईश्वरले धैर्य धारण गर्ने शक्ति प्रदान गरून् भन्ने कामना सहित हार्दिक समवेदना प्रकट गर्दछौं ।

नागेन्द्र प्रसाद यादव(अध्यक्ष)             राजनहरि श्रेष्ठ (महाप्रबन्धक),                               राम लक्षण यादव(प्रवन्ध निर्देशक)

       राजश्री सेविंग्स एण्ड क्रेडिट को-आपरेटिभ सोसाइटी लिमिटेड प्रधान कार्यालय मलंगवा,सर्लाही 
              तथा सम्पूर्ण परिवार

   

@ आगो

  

सुवास कर्ण,मलंगवा 
          शिक्षक 

    जब छाती पिडा ले पोल्छ जब मन दर्द ले छट्पटीन्छ जब आशाहरु हराउन थालेको महसुस हुन्छ तब एउटै शब्द मन मा खेल्छ त्यो हो आगो ।आज काठमाडौ नगरपालिका का नगर प्रमुख ज्यु लाई ठुलै आगो को छाती पोलेको अनुभव  भएको छ ।त्यही भएर आगो लगाइ दिन्छु भनेर चेतावनी समेत दिनु भयो । कारण एउटै बिदा को दिन सरकारी गाडी मा वहाँ को आफन्त ले भोगेका पिडा ले गर्दा । हे सरकार यस्तै पिडा र बेदना बाट आम नागरिक पनि गुजि्ररहेको कहिले कसैले पनि अनुभव गर्न सकेन अनुभव भए पनि छाती मा कहिले आगो ले पोलेन ।एम्बुलेन्स गाडी होस या यातायात को कुनै सुबिधा अस्पताल को सुबिधा नभएको दुर्गम क्षेत्र गाउँ का गरिब जनताहरु यसरी नै पिडा र बेदना हरु छाती मा लिएर बाच्न बाध्य भएका छ्न कति त बाटो मै ज्यान गुमाउन बाध्य भए ।तर कहिले पनि उनिहरुको पक्ष मा कसैले आगो लगाउने जमर्को कसेन हिम्मत गरेन ।आखिर किन सबै नागरिक बाच्न पाउने अधिकार छ राज्य को सेवा सुबिधा प्रयोग गर्न पाउने अधिकार छ तर सबै अधिकार जनप्रतिनिधि आफै मा आफ्नो घर परिवार रिस्तेदार को सुख सुबिधा का लागि सिमित राखेका छ्न ।एउटा जनप्रतिनिधि को छोराछोरी सरकारी गाडी बाट बिधालय बाटओसारपसार गर्न पाउने तर त्यही व्यथा ले च्यापिएका आम नागरिक बाटो मा भेट्दा सारकारी गाडी सुबुधा लिन न पाउने श्रीमती सपिङ का लागि सरकारी गाडी प्रयोग गर्न पाउने तर एउटा बास को भाटा बाधेर पिडा र बेदना ले छ्टपटिएका जनता गाडी छढ्न न  पाउने ।के मानवता यहि हो नैतिकता त कता हरायो थाहै छैन । तर पिडा र छट्पटी सबै मा हुदो रहेछ यो बुझ्न सकियो ।यो भोगाइ लाई कहिले पनि न बिर्सिनु होला यसलाई आगो सल्किए झै सल्काएर राख्नु होला ताकी जब कुनै गरिब असहाय लाई यस्तै पिडा मा देख्नु भयो भने सहयोग को हात पछि न गर्नु होला ।हुन्त तपाईं ले काठमाडौ मा एक कल मा आम जनताको लागि एम्बुलेन्स को फ्री व्यवस्था गर्नु भएको छ त्यसको लागि धन्यबाद सायद कम होला तर सराहनीय छ । अन्तमा आमा, सनतान को सुस्वास्थय को कामना गर्दै  पिता बन्नु भएको मा बधाइ छ । यहाँ सगै यहाको नवजात सन्तान ले देश परिवर्तन को सन्देश ल्याएको छ  पशुपति नाथ ले कल्याण गरून्। 

उपमेयरकै अगाडि लालबन्दी नगरपालिकाका कर्मचारी तथा जनप्रतिनिधिहरु द्वारा चिकित्सक माथि कुटपिट

 ---नेपाल चिकित्सक संघद्वारा दोषी माथि कारबाहीको माग---

लोकतन्त्र समाचारदाता----

सर्लाही,असाढ २७

    पछिल्लो समय सर्वसाधारण नागरिकहरुबाट कुटपिटको सिकार हुँदै आएका चिकित्सकहरु स्थानीय निकायका कर्मचारीबाट समेत कुटपिटको सिकार हुन थालेका छन् ।जसले गर्दा उनीहरू आफुलाई चारै तिरबाट असुरक्षित भएको महसुस गरिरहेका छन् । यस किसिमका घटना बारे प्रहरी र स्थानीय प्रशासनलाई उजुरी गर्दा पनि पिडकहरु माथि कुनै किसिमको कार्यवाही नभएको चिकित्सकहरुको गुनासो छ।

    गएको ६ दिन अगाडी सर्लाहीको लालबन्दी नगरपालिकाका केही जनप्रतिनिधि तथा कर्मचारीहरु सोही पालिकाको वडा न-१ स्थित नवलपुरमा रहेको मनीषा हेल्थ केयरले सवारी दुर्घटनाका घाईतेलाई उपचारमा चर्काे शुल्क असुलेको साथै सामान्य घाउ चोटमा पनि भाँचिएको भनेर प्लाष्टर लगाएको तथा चिकित्सक मुकेश कुमार साहले अनुगमनमा गएका पालिकाका जनप्रतिनिधिहरु र कर्माचारीहरुकाे टिममाथि दुर्व्यवहार गरेको आरोपहरु लगाएर उपमेयर कल्पना माया पाख्रिनकै   उपस्थितिमा डिउटीमा रहेका चिकित्सक डा.मुकेश कुमार साह माथि कुटपिट गरि प्रहरीको जिम्मा लगाएको भन्ने घटना माथि नेपाल चिकित्सक संघ जनकपुरकको गम्भीर ध्यानाकर्षण भएको भन्दै संघका अध्यक्ष डा. रामजी यादव र सचिव डा. रामज्ञान यादवले संयुक्त रूपमा विज्ञप्ति जारी गर्दै डा. साहमाथि आक्रमण गर्नेलाई कारबाहीको माग गरेका छन्। दोषीमाथि कानूनी कारबाही नगरिए संघले आन्दोलनका कार्यक्रमहरू घोषणा गर्न बाध्य हुने विज्ञप्तिमा मार्फत चेतावनी समेत दिइएको छ । उपचारमा संलग्न चिकित्सक माथि भएको कुटपिट जस्तो निन्दनीय कार्यको संघले घोर भर्त्सना गर्दै घटनामा संलग्नमाथि ‘स्वास्थ्यकर्मी तथा स्वास्थ्य संस्थाको सुरक्षा सम्बन्धी (पहिलो) संशोधन ऐन २०७९’ बमोजिम कडा कारबाही गर्न संघले माग गरेको छ। 

     मनिषा हेल्थ केयरका इन्चार्ज एम.डी साहिद खानका अनुसार ६ दिन अगाडी हामीले RTA (दुर्घटना) को बिरामी पायौं।   गत असार १८ गते लालबन्दी र हरिवन नगरपालिकाको सिमाना स्थित लखनदेही पुलमा बा ४६ प ९५४८ नम्बरको मोटरसाईकलमा सवार हरिवन नगरपालिका वडा न- ५ का राज हुसेन र शेष कादीरलाई लालबन्दी नगरपालिकाको योजना शाखा प्रमुख रुपेश चौलागाईले चलाएको बा ८६ प ५८५७ नम्बरको मोटरसाईकलले ठक्कर दिएर सामान्य घाईते भएपछि उनीहरुलाई उपचारका लागि हाम्रो अस्पतालमा ल्याइयो। हामीले सबै प्रारम्भिक अनुसन्धान गर्यौं, हाम्रो ड्यूटी डाक्टरले तिनीहरूलाई २४ घण्टा अवलोकनको लागि राख्ने निर्णय गरे।  तर, त्यो रात नगरपालिका स्वास्थ्य विभागका दुईजना कर्मचारी १५-२० जनासहित हाम्रो अस्पतालमा आएर दुर्घटना हाम्रै सिनियर सरले गरेको हो उहाँले बिरामीलाई डिस्चार्ज गरेर अन्य सरकारी अस्पताल जस्तै रकम तिर्न चाहनुभएकोले यदी तिमीहरु यसमा  सहमत छैनौं भने हामी यो अस्पताल सिल गर्ने छौं भनेर धम्की दिएको डा.झा ले बताए । हामीसँग प्रमाणको लागि यस कुराकानीको अडियो रेकर्डिङ र सि.सि.टिभी फुटेज पनि उपलब्ध रहेको उनले बताए ।

     त्यसको दुई दिनपछि नगपालिकाको टोली आएर अस्पताललाई जबर्जस्ती सिल गर्‍यो । हाम्रो कर्मचारीले हामीसँग  सबै कागजात रहेको र सो कागजातहरु देखाउँदा देखाउँदै र अनुरोध गर्दागर्दै पनि उनीहरूले अस्पताल सिल गरे साथै   ड्युटीमा रहेका हाम्रा डाक्टरलाई टोलीमा आएका वडाअध्यक्ष, उपमेयर र नेपाल प्रहरीको उपस्थितिमा कुटपिट गरे। जसको प्रमाण हामीसँग सीसीटीभी फुटेजको रुपमा सुरक्षित छ इन्चार्ज खानले बताए । कुटपिटबाट घाइते पिडित डाक्टर साह हाल उपचारको क्रममा भक्तपुर स्थित अस्पतालमा रहनुभएको मनिषा हेल्थ केयरका इन्चार्ज खानले जानकारी गराएको छ।

   एउटा सार्वजनिक पद सम्हालेका जनप्रतिनिधि र कर्मचारीहरु दादागिरी शैलीमा आएर चिकित्सक माथि कुटपिट गर्ने र विरोध गर्न खोज्दा अनुगमनको नाममा विभिन्न बहाना बनाएर अस्पताललाईनै सिल गरिदिने लालबन्दी नगरपालिकाको यस किसिमको निन्दनीय कार्य प्रति आफुहरु घोर भत्सर्ना गर्छौ र चाँडो भन्दा चाँडो दोषीहरु उपर कार्यवाहीको माग गर्छौ भन्दै सर्लाही जिल्लाभरीका डाक्टरहरुले सामुहिक रुपमा विरोध जनाएका छन् ।  

     इलाका प्रहरी कार्यालय लालबन्दीसहित अन्य प्रशासनिक निकायलाई समेत घटनाको विषयमा लिखित रुपमा अवगत गराइसकेको भएपनि अहिलेसम्म जिल्लाका सिडियो साहेब र एसपी साहेबले कुनै प्रतिक्रिया दिनुभएको छैन हेल्थ केयरका संचालक  डा.राजिब झा ले गुनासो गरे।

    नगरस्तरिय अनुगमन समितिकी संयाेजक एवं उपमेयर पाख्रिनकै अगाडी नगरपालिकाका कर्मचारी तथा जनप्रतिनिधिहरु मिलेर समाजमा प्रतिष्ठित एउटा डाक्टर जस्तो ब्यक्ति माथि यसरी सार्वजनिक रुपमा कुटपिट गर्नु निन्दनीय कार्य रहेको र यस्तो हुँदा समेत प्रहरी प्रशासन चुप लागेर बस्दा यस्ता गलत प्रवृत्तिका ब्यक्तिहरुको मनोबल झन बढ्दै जाने र आगामी दिनहरुमा पनि यसैगरी घटनाहरु घटाउँदै जाने भएकोले दोषीहरु माथि तुरुन्त कार्यवाही गर्न नेपाल चिकित्सक संघले नियमन निकायसँग जोडदार माग गरेका छन् ।

   उता इलाका प्रहरी कार्यालय लालबन्दीले भने पिडित र पिडक दुबै पक्षबाट उजुरी परिसकेको र सुक्ष्म तरिकाले अनुसंधान भइरहेको जानकारी गराएको छ।इप्रका लालबन्दीका अनुसार पिडित डाक्टर मुकेश कुमार साह सम्पर्कमा नआएकोले उहाँसँग सम्पर्क गर्ने प्रयास भइरहेको बताएका छन् ।

हरिवन स्थित नापी र मालपोत कार्यालय आफ्नै सुविधा सम्पन्न भवनमा ,मन्त्री द्वय भूमि व्यवस्था सहकारी तथा गरिबी निवारण मन्त्री अधिकारी र रक्षामन्त्री उप्रेती द्वारा संयुक्तरूपमा उद्घाटन सम्पन्न

 

मनोज यादव---

सर्लाही,असाढ १४

      सर्लाहीको हरिवनस्थित नापी र  मालपोत कार्यालयको सम्पूर्ण निर्माणकार्य पूरा भएपछि यसको विधिवत उद्घाटन  गरिएको छ।ती दुवै कार्यालय भवनको शुक्रवार एक समारोहका बिच संघीय सरकारका भूमी व्यवस्था सहकारी तथा गरिबी निवारण मन्त्री बलराम अधिकारी र रक्षामन्त्री हरि प्रसाद उप्रेतीले संयुक्तरूपमा उद्घाटन गरेका हुन्।

     उद्घाटन कार्यक्रमलाई सम्बोधन गर्दै रक्षामन्त्री उप्रेतीले  १२ वर्षको जनआन्दोलनले गर्दा खराब स्थितिमा पुगिसकेको नेपाललाई सम्बृद्ध बनाउछुन भनेर सबै नेपाली जनता एकैसाथ अठोट गरे अबको १० वर्षको भित्रमा हाम्रो देश पनि छिमेकी देश भारत र चिनको जस्तै सम्बृद्ध हुने बताएका छन्  । अढाई करोड जनता र प्राकृतिक सम्पदाले भरिपुर्ण हाम्रो देश १२ वर्षको जनआन्दोलनले गर्दा पछाडी परेको बताउँदै उनले जनआन्दोलनको बेला हाम्रा भौतिक संरचनाहरु भत्किने क्रममा थिए भने सो अवधीमा छिमेकी देशमा ठुला ठुला संरचनाहरु निर्माण भइरहेका थिए भन्दै चिन्ता ब्यक्त गरेका थिए।

    हरिवन नगरपालिका वडा न–१०, नोचाँमा निर्माण भएको उक्त कार्यालयको भवन निर्माणका लागि स्थानीय बासुदेव निरौला र विश्वनाथ भट्टराईले जग्गा दान गरेका थिए। सोही अवसरमा जग्गादाता निरौला र भट्टराईलाई मन्त्री अधिकारी र उप्रेतीले दोसल्ला ओढाएर कदरपत्रसहित सम्मान गरेका थिए।

     भ्याट रकमबाहेक करिव ६ करोड ३१ लाख रुपैयाँमा मालपोतको ३० वटा भन्दा बढी कोठाको साढे तीन तले भवन निर्माण गरिएको छ भने भ्याट रकम बाहेक करिब ३ करोड ४ लाख रुपैयाँको लागतमा नापी कार्यालयको साढे ३ तले भवन निर्माण गरिएको छ। नेपाल सरकार ,शहरी विकास मन्त्रालय ,शहरी विकास तथा भवन निर्माण विभाग ,संघीय आयोजना कार्यान्वयन इकाई ,धनुषाको प्राविधिक सुपरिवेक्षणमा उक्त भवनहरु निर्माण भएको नापी अधिकृत छत्र बहादुर लुंगेलीले जानकारी दिए।

       यस अघि यी दुई कार्यालयका भवनहरु छुट्टाछुट्टै भाडाको घरबाट संचालन हुँदा सेवाग्राहीलाई समस्या हुँदै आएकोमा अब सुलभ पहुँच भएको स्थानबाट कार्यालय संचालन हुँदा जिल्लाको हरिवनसहित,बागमती ,लालबन्दी र हरिपुर नगरपालिकाका करिब १ लाख भन्दा बढी जनताहरुलाई सेवा लिन सहज भएको नापी प्रमुख लुंगेलीले बताए ।

    उद्घाटन समारोहमा भूमी व्यवस्था मन्त्रालयका मुख्य सचिव गोकर्णमणि दवाडी ,हरिवन नगरपालिकाका नगरप्रमुख रमेश बुढाथोकी लगायत जिल्लाका ५ वटै सुरक्षा निकायका प्रमुख  र स्थानीय जनप्रतिनिधिहरुको उपस्थिति रहेको थियो।

कबिलासीका न्यायीक समिति तथा जनप्रतिनिधिहरुलाई न्याय सम्पादन सम्वन्धी तालिम प्रदान

लोकतन्त्र समाचारदाता---

सर्लाही,असाढ १४

     सर्लाहीको कबिलासी नगरपालिकाले आफ्ना जनप्रतिनिधि र न्यायीक समितिका सदस्यहरुलाई न्याय सम्पादन  सम्वन्धी ३ दिने तालिम प्रदान गरेको छ । नगरपालिकाको न्यायीक समितिको कार्यालयको आयोजना तथा सामाजिक विकास केन्द्र नेपालसँगको सहकार्यमा संचालित उक्त  तालिमको हिजो(बिहीबार) समापन गरिएको छ ।

    सदरमुकाम  मलंगवा स्थित महेन्द्र होटलमा संचालन भएको उक्त तालिममा सहभागी भएका १० वटा वडाका वडाअध्यसहित न्यायीक समितिका सदस्यहरुलाई जिल्ला अदालत सर्लाहीका न्यायाधीश द्वय सुर्य बहादुर थापा,विष्णु रेग्मी तथा श्रेस्तेदार सदन अधिकारी,फोकल पर्सन दिनकर राय यादव र सामाजिक विकास केन्द्र नेपालका कार्यक्रम निर्देशक बिरेन्द्र गुप्ता 

लगायतले स्थानीय तहमा न्याय सम्पादन,संवैधानिक व्यवस्था ,कानुनी व्यवस्था ,न्यायीक समितिको गठन ,अधिकार क्षेत्र, न्याय सम्पादन प्रक्रिया तथा कार्यविधि ,समस्या र समाधानका उपाय,मेलमिलापकर्ताको आचार संहिता तथा गर्न नहुने काम लगायतका कानूनको बारेमा प्रशिक्षण दिएका थिए।

   तालिममा सहभागी प्रशिक्षार्थी वडाअध्यक्षहरुले स्थानीय स्तरमा न्याय सम्पादन गर्न यस किसिमको तालिम अतिआवश्यक रहेकोले प्रशिक्षण लिइसके पश्चात् गाउँघरमा हुने विभिन्न सामाजिक घटनाहरुको समाधान गर्न सहज हुने बताएका छन् ।

     तालिमको समापन सत्रमा न्यायीक समितिका संयोजक एवं उपमेयर पुनम कर्णले प्रशिक्षक द्वय जिल्ला न्यायाधीश सुर्य बहादुर थापा र श्रेस्तेदार सदन अधिकारीलाई सहभागीहरुलाई सहजीकरण गरेकोमा धन्यवाद दिंदै दोसल्ला ओढाएर सम्मान गरेका थिए।

     नगर उपप्रमुख कर्णको अध्यक्षता  तथा नगरप्रमुख ब्रम्हदेव रायको प्रमुख आतिथ्यतामा सम्पन्न भएको कार्यक्रममा प्रमुख प्रशासकीय अधिकृत विष्णु यादव,  कार्यपालिका सदस्य विनय कर्ण,वडा न-९ सलेमपुरका वडाअध्यक्ष राम दिनेश राय,वडा न-६ जमुनियाका पुरुषोत्तम राय लगायत विभिन्न वडाका वडाअध्यक्ष ,न्यायीक समिति सदस्य र पत्रकारहरुको उपस्थिति रहेको थियो।

कबिलासीका न्यायिक समिति र जनप्रतिनिधिको लागि ३ दिने न्याय सम्पादन सम्बन्धी तालिम सुरु

  

 

लोकतन्त्र समाचारदाता---

सर्लाही,असाढ ११

     सर्लाहीको कबिलासी नगरपालिकाका न्यायिक समिति र वडाका जनप्रतिनिधिहरुको लागि न्याय सम्पादन सम्बन्धी ३ दिने तालिम मंगलबारबाट सुरु भएको छ । 

कविलासी नगरपालिकाले सामाजिक विकास केन्द्र नेपाल मलंगवासँग सहकार्य गरी आफ्ना न्यायीक समितिका सदस्य र वडाअध्यक्षहरुलाई तालिम दिन सुरु गरेको हो । 

     जिल्लाको सदरमुकाम मलंगवा स्थित सुजाता होटलमा संचालन भइरहेको तालिममा १२ वटा वडाका वडाअध्यक्ष र न्यायीक समितिका सदस्यहरु गरि २० जना सहभागी भएका छन् ।

    उक्त  तालिमको मंगलबार बिहान उपमेयर एवं न्यायीक समितिका संयोजक पुनम कर्णको अध्यक्षता,जिल्ला समन्वय समितिका प्रमुख कौशल किशोर सिंहको प्रमुख आतिथ्यता तथा विशिष्ट अतिथि नगरप्रमुख ब्रम्हदेव राय, कार्यपालिका सदस्य विनय कर्ण, प्रमुख प्रशासकीय अधिकृत विष्णु यादव,सामाजिक अभियन्ता एवं सामाजिक विकास केन्द्रका कार्यक्रम अधिकृत विरेन्द्र गुप्ताकोसहितको उपस्थितिमा उद्घाटन गरिएको हो। 

    असाढ १३ गतेसम्म संचालन हुने तालिममा स्थानीय तहमा न्याय सम्पादन,संवैधानिक व्यवस्था ,कानुनी व्यवस्था ,न्यायीक समितिको गठन ,अधिकार क्षेत्र, न्याय सम्पादन प्रक्रिया तथा कार्यविधि ,समस्या र समाधानका उपायहरुको साथै न्यायीक कार्य सम्बन्धि विभिन्न व्यवस्थाहरुको बारेमा बारेमा जानकारी गराइने न्यायीक समितिका संयोजक एवं उपप्रमुख कर्णले बताए।

   उक्त तालिममा जिल्ला अदालत सर्लाहीका न्यायाधीश विष्णु रेग्मी र इजलास समितिका सिकिन्दर कापडले सहभागीहरुलाई सहजीकरण गरिरहेका छन् । 

वक्तित्व कला प्रतियोगितामा मावि भसेडवा प्रथम

 

दिपेश कुमार शाह----

रौतहट,असाढ ८

रौतहटको कटहरीयामा नगर स्तरीय वक्तित्व कला प्रतियोगिता सम्पन्न भएको छ । कटहरीया वडा ४ अध्यक्ष चन्दन कुशवाहाको आयोजनामा भएको सुनवलो नगर स्तरीय अन्तरगत  विद्यालय वक्तित्व कला प्रतियोगितामा  मावि भसेडवा प्रथम भएका छन।  

नेपालमा भ्रष्टाचारको अखाडा बनाएको छ्न,मेयर अन्य कर्मचारी किनन्होश लूट तन्त्रर मात्रै हो अध्यक्ष चन्दन कुशवाहाले बताए ।

   LIC जीवन बिमाका  रौतहट इन्चार्ज जाटाशंकर सोनीले  खुसीभई प्रथम विद्यार्थीलाई  नगद पुरस्कार रु १५०० दिएर सम्मान गरेको हो 

   घरहरूमा भित्री वायु प्रदूषणको तह व्यापक छ र यो तुलनात्मक रूपमा कम जानकारी बाहिरिएको क्षेत्र हो, किनभने मेरो छिमेकीको घरमा मेरो घर भन्दा फरक वायु प्रदूषणको स्तर हुन सक्छ।घर वा कार्यालय भित्र हुने प्रदूषण सम्बन्धी विषय अत्यन्त जटिल छ र यसको नियमन पनि फितलो छ। यस्तो प्रदूषण अक्सर व्यक्तिगत नियन्त्रण भन्दा बाहिर हुन्छ। उदाहरणका लागि सवारीसाधनहरूले नाइट्रोजन डाइअक्साइड उत्पन्न गर्छन् भने आर्द्रता र संरचनात्मक समस्याहरूले भवनहरूलाई बिगार गर्न सक्छन्।उच्च क्षमता भएका हाइ एफिसिएन्सी पार्टिकुलेट एअर (हेपा) फिल्टरहरू भएका 'एयर प्युरिफायर' हरूले भने मद्दत गर्न सक्छन्।तर सुरुवाती लागत अनि त्यसलाई सञ्चालन गर्न आवश्यक पर्ने ऊर्जा भने केही घरपरिवारको पहुँच भन्दा बाहिर जान सक्छ।सस्तो पर्ने हुँदा पनि हावा सफा गर्नका लागि गमलामा रोप्न सकिने बिरुवाबारे सोच्नु आकर्षक मानिन्छ।बोट बिरुवाहरूले कार्बन डाइअक्साइड र अन्य प्रदूषण ग्रहण गर्छन् जुन केही हदसम्म बिरुवाहरूले खपत गर्छन् र बाँकी निष्क्रिय पारि दिन्छन् जनता मा बिका नेपाली शिक्षा अचल साहीले बताए।

जसमा प्रथम  मावि भसेडवाका अनु कुमारी यादव , दृतिय अबि मावि डुमारिया की छात्रा खुस्बु नेशा  ,तृतीय जनता मा बी  कटहरीया छात्रा कविता कुमारी कुशवाहा  ,स्थान अधार भुत बिधालय बिर्ती प्रस्टोका ग्राउन्डमा सम्पन्न भएको थिए । प्रथम,दृतिय, तृतीय लगाएताका सबैजनालाई समान सुरुप  नगद र प्रशासा पत्र सहित सम्मान गरिएको थियो ।

प्रतियोगितामा ९ विद्यालयका १८ विद्यार्थीको सहभागीता रहेको कटहरीया वडा नं ४ अध्यक्ष चन्दन कुशवाहाले   बताउनुभयो ।  त्यसै वडाका वडा अध्यक्ष समकन्त प्रसाद यादव र नगरपालिकाको शिक्षा संयोजक अनिल कुमार निधि गुजरा नगरपालिकाको शिक्षा संयोजक शिव मङ्गल प्रसाद शाह वडाका सचिव छोटेलाल मिश्र लगायतका विद्यार्थीहरू   सहभागी रहेका थिए।

रास्वपा सर्लाहीले दोस्रो वार्षिकोत्सव विविध कार्यक्रमहरु गरि मनाउने

 

लोकतन्त्र समाचारदाता---

सर्लाही,असाढ ४

 राष्ट्रिय स्वतन्त्र पार्टीले आफ्नो स्थापनाको दोस्रो वर्षमा प्रवेश गरेको अवसरमा विभिन्न कार्यक्रमहरु गर्ने भएको छ । केन्द्रीय निर्देशन अनुसार जिल्ला कार्यसमिति सर्लाहीले पनि नगर तथा वडा स्तरमा विविध कार्यक्रमहरु गरि स्थापना दिवस मनाउने रास्वपा सर्लाहीले जानकारी गराएको छ।

      वार्षिक उत्सव मनाउने विषयलाई लिएर लालबन्दी नगरपालिका वडा न-१ स्थित पार्टी कार्यालयमा बसेको  जिल्ला स्तरीय बैठकको निर्णय अनुसार असाढ ३ गते पत्रकारहरुलाई कार्यक्रम बारे जानकारी गराइसके पश्चात् असाढ ५ गते   सबै वडा तथा नगरका विभिन्न सार्वजनिक ठाँउहरुको सरसफाइ तथा वृद्धा आश्रम, बाल आश्रम,गरिब जेहेन्दार ब्यक्तिलाई फलफूल तथा केही सरसमान वितरण गर्ने,असाढ ६ गते  विभिन्न वडा तथा नगरमा बृक्षारोपन कार्यक्रम गर्ने र ७ गते सदरमुकाम मलंगवामा चियापान कार्यक्रम तय भएको जिल्ला संयोजक कमलेश साहले जनाएको छ। 

    यही असाढ ७ गते रास्वपा गठन भएको दुई वर्षपुग्दैछ । 

कबिलासीका दलित ,गरिब र विपन्न समुदायका लागि ३ दिने जनचेतना तथा सीपमूलक तालिम सुरु

लोकतन्त्र समाचारदाता---

सर्लाही,जेठ ३१

     सर्लाहीको कबिलासी नगरपालिकामा ३ दिने जनचेतना तथा सीप विकास तालिम बिहीबारबाट सुरु भएको छ। कबिलासी न.पा को आर्थिक वर्ष २०८०/०८१ को नगर स्तरीय कार्यक्रम अन्तर्गत श्री साई बाबा सामुदायिक विकास उत्थान संस्था सलेमुपुर द्वारा आयोजित उक्त उक्त कार्यक्रमको बिहिवार नगर उपप्रमुख पुनम कर्णले उद्घाटन गर्नुभएको हो।

    कबिलासी नगरपालिकाका विभिन्न वडामा बसोबास गर्ने दलित,गरिब र विपन्न वर्ग समुदायका महिला तथा पुरुषहरुको जिवनस्तर उकास्न विभिन्न सीप तथा रोजगार सम्बन्धि ज्ञान दिई ती समुदायका मानिसहरुमा जनचेतना अभिबृद्धि गर्ने उदेश्यले तालिमको आयोजना गरिएको उद्घाटन कार्यक्रमका संचालक एवं आयोजक संस्थाका सदस्य  आकाश कुमार यादवले बताए ।

    असाढ १ गते शनिवार सम्म संचालन हुने उक्त तालिममा सहभागी भएका लक्षित समुदायका महिला तथा पुरुषहरुलाई सुजित साह,बनिता कार्की र बिरेन्द्र गुप्ताले सहजिकरण गरिरहेका छन् ।

    बिहिवार सम्पन्न भएको तालिमको उद्घाटन कार्यक्रममा प्रमुख अतिथि उपप्रमुख कर्ण,वडा न-९ का वडाअध्यक्ष दिनेश राय,वडा न-८ का वडाअध्यक्ष विरेन्द्र साह,वडा न-७ का वडाअध्यक्ष धर्मेन्द्र राय,कबिलासी-९ का स्थानीय राजकुमार यादव लगायतको उपस्थिति रहेको थियो।

    

   

 विद्यार्थीहरुबाट शुल्क लिएको भन्ने समाचार प्रति जनज्योति मावि लालबन्दीको गम्भिर ध्यानाकर्षण

लोकतन्त्र समाचारदाता----

लालबन्दी,फागुन २०

जनज्योति माध्यमिक विद्यालय लालबन्दीले  रसिद बिनानै विद्यार्थीहरुबाट शुल्क लिएको भन्ने समाचार प्रति गम्भिर ध्यानाकर्षण भएको जनाएको छ ।

विद्यालयले आज (आइतवार ) एक ध्यानकर्षण पत्र जारी गर्दै कक्षामा अधिक अनुपस्थित हुने र परीक्षा दिनबाट बञ्चित भएका विद्यार्थीहरुको पुःन परीक्षा संचालन र व्यवस्थापन गर्न सहयोग स्वरुप केहि रकम लिएको र उक्त रकम नियमानुसार विद्यालयको खातामा जम्मा गरिएको जनाएको छ ।

समाचारमा उल्लेख गरिएअनुसार नभई  रकमको रसिद विद्यार्थीहरुलाई उपलब्ध गराइएको र उक्त रकम विद्यालयबाट नियमानुसार खर्च गरिनेछ ध्यानकर्षण पत्रमा उल्लेख छ   ।

ध्यानकर्षण पत्रमा समाचार उल्लेख भए अनुसार नभई प्राविधिक शिक्षा तर्फको प्रयोगात्मक कक्षा संचालन सम्बन्धमा पाठ्यक्रममा तोकिएको प्रयोगात्मक कक्षाहरु नियमित रुपमै संचालन गरिएको उल्लेख छ ।  

यस विषयमा विद्यालयका प्रधानाध्यापक विष्णु बहादुर पाेखलले  सञ्चारकर्मी संग कुरागर्दै समाचारले समाजमा भ्रम सृजना गर्ने काम गरेकाकाे बताए ।

प्रधानाध्यापक पाेखलले  समाचार भनिए जस्तो विद्यालयका कर्मचारीले व्यक्ति लाभका लागि कहिले पनि विद्यार्थीहरुबाट रकम असुल्ने काम नगरेको बताए । 

उनले विद्यार्थीलाई  अनुशासनमा राख्न र विद्यालयकाे बिकाशका लागि अभिभावकहरुबाट विद्यालय सहयोगका लागि लिएको रकम पनि बैंक दाखिला गरि आवश्यकता अनुसार खर्च गर्ने गरेको बताए । यसरी प्राप्त हुन आएको रकम फूलबारी निर्माण लगायत विद्यालयकाे बिकाशकामा खर्च गर्ने गरिएको बताए ।

 डिप्रोक्स लघुवित्त मलंगवा शाखाद्धारा केन्द्र प्रमुख गोष्ठी तथा वित्तीय साक्षरता कार्यक्रम सम्पन्न

लोकतन्त्र समाचारदाता---

सर्लाही,फाल्गुन १० गते

   डिप्रोक्स लघुवित्त वित्तीय संस्था लिमिटेडले शाखा कार्यालय मलंगवाले  केन्द्र प्रमुख गोष्ठी तथा वित्तीय साक्षरता कार्यक्रम सम्पन्न गरेको छ । 

   मलंगवा शाखा अन्तर्गतका केन्द्र  प्रमुखहरुलाई वित्तीय साक्षरता तथा बैंकिङ कारोबारमा हुने अपराध(सम्पत्ती सुद्धिकरण),कर्जा तथा बचतको महत्त्व ,कर्जाको सही उपयोग ,लिएको कर्जा कति लिने र कसरी तिर्ने,संस्थाले उपलब्ध गरेका कर्जा निति ,नेपाल राष्ट्र बैंकको १ श्रृणी १ संस्था निति र व्यवसायीक बन्नको लागि आवश्यक पर्ने विभिन्न तालिमहरु लगायतका विषयहरुको बारेमा जानकारी गराउने उदेश्यले कार्यक्रमको आयोजना गरिएको संस्थाले जनाएको छ। ती उदेश्यको बारेमा सहभागीहरुलाई भिडियो मार्फत समेत स्पष्ट गरिएको थियो ।

    उक्त कार्यक्रममा सर्लाही जिल्ला भरीका १० वटा पालिकाबाट ८७ जना केन्द्र प्रमुख महिलाहरुको सहभागिता रहेको थियो । कार्यक्रममा जिल्ला भेटेरिनरी तथा पशु सेवा विज्ञ कार्यालय मलंगवाका प्रमुख  उपेन्द्र सिंहले पशु सेवा कार्यालयसँग डिप्रोक्सको सहकार्य भएको बताउँदै  विभिन्न किसिमका कृषि बाली तथा पशु पालन तालिमको बारेमा सहभागीहरुलाई जानकारी गराएका थिए।

    मलंगवा नगरपालिका वडा न-९ स्थित सुजाता होटलमा सम्पन्न भएको कार्यक्रममा अतिथिको रुपमा उपस्थित भएका जनप्रतिनिधिहरु यस्ता गोष्ठीले समाजमा वित्तीय अराजकता र अफवाह फैलाउने तत्वहरुबाट बच्नको लागि सहयोग पुर्याउने भएकोले त्यस्ता व्यक्तिको पछि नलाग्न सहभागीहरु सँग अनुरोध गरेका थिए।समाजलाई आर्थिक चलायामन बनाइ राख्नु जरुरी रहेको रहेकोले हाल मिटर व्याजीको कारणले समाजमा आर्थिक मन्दी छाइरहेको अवस्थामा यस्ता वित्तीय संस्थाहरुले सघाइरहेकोले यस्को सदुपयोग गर्न समेत जनप्रतिनिधिहरुले अनुरोध गरे।

    संस्थाका अध्यक्ष सौभाग्यवती सिंहको सभापतित्व तथा  पशु सेवा कार्यालयका प्रमुख सिंहको प्रमुख आतिथ्यतामा र मलंगवा नगरपालिका वडा न-४ का कार्यवाहक वडाअध्यक्ष  घनश्याम झाको विशिष्ठ आतिथ्यतामा सम्पन्न भएको कार्यक्रममा संस्थाका अनुगमन अधिकृत सूर्यबहादुर विष्टले संस्थाको कर्जा तथा बचतको विषयमा जानकारी गराएका थिए भने बैंकिङ  अपराध तथा साक्षरता सम्बन्धि जानकारी प्रदेश प्रमुख देशबन्धु चौधरीले गराएका थिए। कार्यक्रममा स्वागत मन्तव्य मलंगवा शाखाका प्रमुख धर्मेन्द्र प्रसाद चौधरीले राखेका थिए। यसै कार्यक्रममा उत्कृष्ट भएका दुईवटा  वटा केन्द्रहरुलाई सम्मान समेत गरिएको थियो ।

   वि.स २०५९ साल भदौ ९ गते सर्लाहीको सदरमुकाम मलंगवामा स्थापना भएको यस शाखामा जम्मा सदस्य संख्या ३ हजार ७ सय ५५ जना रहेका छन् । १० वटा पालिकालाई कार्यक्षेत्र बनाएर संचालन भइरहेको यस संस्थाको लगानी ३० करोड १२ लाख ७६ हजार रहेको छ भने बचत रकम ११ करोड ९७ लाख ६४ हजार रहेको डिप्रोक्सले जानकारी गराएको छ।

 ग्लोबल आइएमई बैंक मलंगवा  शाखाद्वारा डिजिटल वित्तीय साक्षरता कार्यक्रम सम्पन्न 

लोकतन्त्र समाचारदाता----

सर्लाही,फाल्गुन ८

   ग्लोबल आइएमई बैंक लिमिटेड मलंगवा शाखाको आयोजनामा  डिजिटल वित्तीय साक्षरता कार्यक्रम सम्पन्न भएको छ ।

  आफ्ना सेवाहरुलाई डिजिटल प्रविधिमय बनाउदै संजाल विस्तारमा समेत तीब्र ढंगले अघि बढेको ग्लोबल आइएमई बैंक प्रालिले मंगलबार मलंगवा नगरपालिका वडा न-९ स्थित कुसुम पार्टी प्यालेसमा सो कार्यक्रम सम्पन्न गरेको हो ।

    डिजिटल बैंकिङ र जालसाजी विरुद्ध सुरक्षित सुरक्षाका सम्बन्धमा स्थानीय जनतालाई सचेत गराउने उदेश्यले कार्यक्रमको आयोजना गरिएको शाखा प्रबन्धक नवीन कुमार गुप्ताले जानकारी दिए।

     कार्यक्रममा सहभागी भएका ग्लोबल आइएमई बैंकमा आवद्ध ग्राहक तथा महिला, रेमिटान्स प्राप्तकर्ता, नियमित आय धारक, निश्चित आय समूह, विद्यार्थी तथा पत्रकारहरु लगायतलाई  मोबाइल बैंकिङ्ग, इन्टरनेट बैंकिङ्ग, डेविड, क्रेडिट कार्ड, क्यूआर कोड पेमेन्ट, ट्राभल कार्ड, युज कार्ड, मिस्कल बैंकिङ्ग, कर्पोरेट पेलगायतका विषयमा जानकारी प्रदान गरिएको थियो ।

   कार्यक्रमको अन्त्यमा सहभागीहरुबाट आएका प्रश्न तथा जिज्ञासाहरुको आयोजकको तर्फबाट शाखा प्रबन्धक गुप्ता (बीएम) र कर्मचारीहरु अन्जु कुमारी पण्डित, अभिषेक रेग्मी र मो. दिलावर अन्सारीले सहजिकरण गरेका थिए।  

 भूमीहिनको माग सम्बोधन गर्न माग गर्दै लालबन्दी नगरपालिकाले प्रधानमन्त्रीलाई बुझाए ज्ञापनपत्र 

लोकतन्त्र समाचारदाता---

सर्लाही,फाल्गुन ७

    लालबन्दी नगरपालिकाले भूमिहिन दलित र भूमिहिन सुकुम्बासीलाई जग्गा वितरण गरि व्यवस्थित बसोबासको व्यवस्था मिलाइदिन माग गर्दै चार बुँदे ज्ञापनपत्र बुझाएको छ । लालबन्दीका नगर प्रमुख बासुदेव अधिकारीसहितको टोलीले आइतवार प्रधानमन्त्री तथा मन्त्रीपरिसदको कार्यालय सिंहदरबारलाई सर्लाहीका प्रमुख जिल्ला अधिकारी कोमल प्रसाद धमला मार्फत ज्ञापनपत्र बुझाइएको हो ।

    वन ऐन र भूमी ऐन बासिन्दा जग्गा दर्ता कार्यमा ढिलासुस्ती भएको बुझिएकोले बाझिएका कानुनी व्यवस्थालाई खारेजी,भूमीहिन दलित,भूमीहिन सुकुम्बासीको कार्य अन्तर्गत लालबन्दी नगरपालिका वडा न-९ को स्थानीय तहले र नापी टोलीबाट पठाइएको कागजात राष्ट्रिय भूमी आयोग जिल्ला समिति सर्लाहीबाट जग्गाधनी दर्ता प्रमाणपुर्जा तयार गरि वितरण गर्न खोज्दा मधेस प्रदेश उद्योग पर्यटन तथा बन मन्त्रालयको मिति २०८० बैशाख ७ गतेको पत्र र मिति २०७९ साल चैत्र २९ गतेको टिप्पणी आदेश निर्णयबाट रोक्का गरिएको कार्य फुकुवा,अव्यवस्थित बसोबासीको जग्गा दर्ता प्रक्रिया अगाडी बढाउनुपर्ने र विगतका आयोग,समिति र कार्यदलका बाँकी कामहरु सम्पन्न गर्ने सम्बन्धि कार्यविधि २०७८ परिच्छेद २ मा बाँकी कामहरु सम्पन्न गर्ने गराउने सम्बन्धि (३,४,५,६,७)ले दिएको अधिकार प्रयोग गरि लालबन्दी नगरपालिकाको वडा न-६,८,९ र १० को अधुरा अपुराको कार्य अघि बढाउनुपर्ने लगायतका माग राख्दै ज्ञापनपत्र बुझाएको नगर प्रमुख अधिकारीले बताए।
    

साथै सोही विज्ञप्ति मार्फत विगतमा भएका त्रुटि र कमिकमजोरीका कारण जनमानसमा पर्न गएको आसंका अन्त्य गर्न र करोडौं खर्च गरेर नगरपालिकाले सम्झौता बमोजिम तयार गरेका श्रेस्ता अनुसारका जग्गाधनी दर्ता  प्रमाणपुर्जा (लालपुर्जा)वितरण गर्ने व्यवस्था शिघ्र मिलाउन यथोचित निर्देशन सरोकार मन्त्रालय तथा आयोगलाई दिन प्रधानमन्त्रीलाई अनुरोध गरिएको छ।

 सदरमुकाम मलंगवा लगायत सर्लाही जिल्लाभरीका शिक्षालयहरुले विविध कार्यक्रम गरि भब्यताका साथ सरस्वती पूजा मनाए

मनोज यादव----

सर्लाही,फाल्गुन २ 

    सर्लाही लगायत मधेस प्रदेशको विभिन्न जिल्लाहरुमा रहेका शिक्षालयहरुमा सरस्वती पूजा भव्य रुपमा मनाइएको छ । कतिपय स्थानमा सरस्वती पूजाकै अवसर पारेर सांस्कृतिक कार्यक्रम समेत भएको छ ।

   यसै क्रममा सर्लाहीको सदरमुकाम मलंगवामा रहेका सरकारी तथा निजी संस्थागत विद्यालय,कोचिङ्ग सेन्टर,तालिम केन्द्र लगायत दर्जनौं शिक्षण संस्थाहरुमा देवी सरस्वतीको पूजाआजासहित विशेष कार्यक्रम गरिएको छ । विद्यार्थी तथा शिक्षक शिक्षिकाहरु विद्यालय परिसरमा भव्य रुपमा सजाइएको सरस्वतीको प्रतिमामा काँपी,कलम ,फुल प्रसाद चढाएर सामुहिक रुपमा बन्दना गरि पुजा गरेका छन् ।

    पुजा र प्रसाद ग्रहण गर्ने कार्यक्रम  पश्चात् मलंगवाका केही विद्यालयहरुले साँस्कृतिक कार्यक्रम तथा पुरस्कार वितरणको साथसाथै विद्यार्थीहरुले तयार पारेका सामाग्रीहरुको प्रदर्शनी गरेका थिए। 

    आजैका दिन सरस्वतीको पूजा गरी विद्यारम्भ गरेमा सर्वसिद्धि प्राप्त हुन्छ भन्ने विश्वास रहेको छ। सोही विश्वासलाई कायम राख्दै अभिभावकले आफ्ना स-साना छोराछोरीलाई अक्षराम्भ गराएका छन् । विद्यालयले पनि आजको दिनलाई विशेष अवसरको रुपमा लिंदै आएकोले सदरमुकाम मलंगवासहित जिल्लाभरीका निजी विद्यालयले पिजी, नर्सरी, एलकेजी र यू केजीका बालबालिकालाई निशुल्क भर्ना लिएका छन् ।

    पछिल्लो समय सरस्वती पुजाको आडमा बढ्दै गएको सामाजिक विकृति र गलत फैसनलाई ध्यानमा राखेर  यसपटकदेखि  मलंगवा नगरपालिकाले पालिका क्षेत्र भित्र संचालित सबैखाले  शिक्षण संस्थामा अध्यनरत विद्यार्थीहरुलाई पुजाको दिन सम्बन्धित शिक्षण संस्थाको पोसाक लगाएर मात्र पुजामा सहभागी हुन भनि सूचना जारी गरेकोले छात्रछात्राहरु विद्यालय पोसाकमै पुजामा सहभागी भएका थिए। 

    बिहानैदेखि विभिन्न स्थानमा रहेका सरस्वतीको मन्दिरमा पुजा गर्न खासगरी विद्यार्थीहरुको घुइँचो लागेको थियो।

 आज श्रीपञ्चमी, विद्यार्थीहरु आ-आफ्नो शिक्षण संस्थामा विभिन्न कार्यक्रमहरु गरि सरस्वती पुजा गर्दै

मनोज यादव---

सर्लाही,फाल्गुन २

      प्रत्येक वर्ष माघ शुक्ल पञ्चमीका दिन मनाइने बसन्त पञ्चमी अर्थात श्रीपञ्चमी आज देशभर विद्याकी देवी माता सरस्वतीको पुजा अराधना गरी हर्षोल्लासका मनाइँदैछ । यस दिन देवी सरस्वतीको पूजा गरे विद्या र बुद्धि बढ्ने जनविश्वास रहेको छ ।सूर्य उत्तरतिर लागी दिन लामो हुने र वसन्त ऋतु प्रारम्भ हुने विश्वासका साथ आजका दिनलाई ‘वसन्तपञ्चमी’ पनि भन्ने गरिन्छ।

   आज(बुधबार) बिहानैदेखि गाउँ ,नगर बस्तीमा रहेका देवी सरस्वतीको मन्दिरमा पुजा गर्न खासगरी विद्यार्थीहरुको घुइँचो लागेको छ। श्रीपञ्चमीको अवसर पारेर सर्लाहीको सदरमुकाम मलंगवासहित जिल्लाभरीका शिक्षण संस्थामा अध्यनरत विद्यार्थी तथा शिक्षक-शिक्षिकाहरु आ-आफ्नो विद्यालय तथा क्याम्पसमा विभिन्न कार्यक्रमहरुको आयोजना गरेका छन् । अधिकांश शिक्षण संस्थाहरुमा सरस्वतीको पुजा र प्रसाद वितरणको साथ साथै विद्यार्थीहरु द्वारा साँस्कृतिक कार्यक्रम र विद्यार्थीहरुले नै तयार पारेका सामाग्रीहरुको प्रदर्शनी राखिएका छन् ।यसका लागि विद्यार्थीहरुले १०/१५ दिन अगाडीदेखिनै तयारी गरेका छन् ।

   यसपटक मलंगवा नगरपालिकाले नगरपालिका क्षेत्र भित्र संचालित विद्यालय,क्याम्पस लगायत अन्य शिक्षण संस्थामा अध्यनरत विद्यार्थीहरुलाई पुजाको दिन सम्बन्धित विद्यालय,क्याम्पस र शिक्षण संस्थाको पोसाक लगाएर मात्र पुजामा सहभागी हुन सूचना जारी गरेकोले छात्रछात्राहरु विद्यालय पोसाकमै पुजामा सहभागी भएका छन् ।

   यस दिन बालबालिकालाई शिक्षारम्भ गराउनुका साथै नाक–कान छेडिदिने गरिन्छ ।‘गान्धर्व पुराण’मा आजका दिन सरस्वतीको पूजा गरी विद्यारम्भ गरेमा सर्वसिद्धि प्राप्त हुन्छ भन्ने उल्लेख छ ।

     देवी सरस्वती विद्या र सिर्जनाकी देवी भएकीले विशेष गरी साहित्यकार, कलाकार, पत्रकार, शिक्षक र विद्यार्थीहरु आआफ्ना कला–साधनाका वस्तु कलम, कापी, कुची र वाद्ययन्त्र आदिलाई सरस्वतीको रूपमा पूजाराधना गर्छन् ।

आजकै दिन विवाह, व्रतबन्ध, गुफा राख्ने र बेलविवाह  जस्ता सामाजिक तथा धार्मिक कार्य गर्न साइत हेर्नुपर्दैन भन्ने विश्वास रहँदै आएको छ ।

 विद्यार्थीहरुले सरस्वती पुजाको दिन विद्यालयकै पोसाक लगाउनुपर्ने अधिकारकर्मीहरुको निर्णय 

   

लोकतन्त्र समाचारदाता---

सर्लाही,माघ २९

      पछिल्लो समय सरस्वती पुजाको नाममा  विकृति र विसंगति बढ्दै गइरहेको छ।जसको नकारात्मक असर पुरै समाजमा पर्दै गइरहेको छ। सोही विकृति र विसंगतिलाई रोक्न नागरिक समाज,पत्रकार र मानवअधिकारकर्मीहरु बीच छलफल गरिएको छ।

    नजिकिँदै गरेको सरस्वती पुजालाई लिएर सदरमुकाम मलंगवामा मानवअधिकार रक्षक संजाल सर्लाहीका अध्यक्ष मुकेश मिश्रको अध्यक्षतामा बैठक बसी नागरिक समाजका अगुवा, विभिन्न क्षेत्रका अधिकारकर्मी र संचारकर्मीहरु बीच छलफल गरि विभिन्न निर्णयहरु गरिएको छ।

   बैठकमा सरस्वती पुजाको दिन विद्यार्थीले सम्बन्धित विद्यालय तथा शैक्षिक संस्थाले निर्धारण गरेको पोसाक लगाएर विद्यालयमा आउनु पर्ने यसकालागि शिक्षकले समेत प्रोत्साहित गर्नुपर्ने ,विद्यालय क्षेत्रमा बालबालिकाहरुलाई नकारात्मक असर पार्ने खालका कुनैपनि भाषाको अश्लित गीत संगीत नबजाउनु पर्ने र मुर्ति विसर्जन गर्दा विद्यालय प्रशासनको नियन्त्रणमा सुन्दर गीत संगीत बजाएर बेलुका ५ बजेसम्म गरिसक्नुपर्ने सर्वसम्मतिबाट निर्णय भएको संजालका अध्यक्ष मिश्रले जानकारी दिएको छ।

   ती निर्णयहरुको कार्यान्वयन भए नभएको अनुगमन तथा निगरानी गर्न मिश्रको संयोजकत्वमा ११ सदस्यीय अनुगमन समिति समेत गठन गरिएको छ।

 कुल देउताको पुजामा उम्लिरहेको दूधले नुहाउने मुसहर समुदायको पुर्ख्यौली तथा धार्मिक परम्परा

मनोज यादव---

सर्लाही,माघ २६ 

    तराई मधेसमा विभिन्न जाती समुदायको बसोबास रहेको छ। ती सबै जाती समुदायको पहिचान झल्काउने आफ्नै संस्कृति र परम्परा छन् । मुसहर समुदायको पनि एउटा अलग्गै परम्परा छ।सर्लाही  लगायत तराई मधेस क्षेत्रका मुसहर समुदायमा उम्लिरहेको दूधले नुहाउने परम्परा छ ।

    उम्लिरहेको तातो दुधले पनि कोही व्यक्ति नुहाउन सक्छ भन्ने कुरा सुनेपछि जोकोहीलाई पनि आश्चर्य लाग्न सक्छ होला । तर यो सत्य हो। तराई मधेसमा बसोबास गर्ने मुसहर समुदाय आफ्नो कुल देउता `भुइँया महाराज´ को पुजा गर्दा उम्लिरहेको  दुधले नुहाएर देउतालाई खुसी पार्ने गर्दछन् । पुस्तौदेखि चल्दै आएको यस परम्परालाई मुसहर समुदायले निरन्तरता दिदै आइरहेका छन्। 

    कुल देउता `भुइँया महाराजको पुजा गर्दा पूजा स्थलमा फूल, प्रसाद,पहेँलो धोती ,परेवा, रक्सी, पान, सुपारीसँगै दुईवटा माटोको भाँडोमा दूध राख्ने गरिन्छ । दुधमा कुनै किसिमको मिलावट गरेको हुनु हुँदैन । सकेसम्म गाई-भैंसीको थानबाटै दुहेर ल्याएको दूध हुनुपर्दछ ।व्याउन लागेको गाई-भैंसीको दूध पनि हुनु हुँदैन । सो दुधलाई दुईवटा माटोको भाँडोमा राखेर चुल्होको आगोमा उमालिन्छ। त्यही उमालिएको तातो दुधबाट मूल झाँक्री(धामी)हरु  स्नान गर्ने गर्दछन् ।

    तराई मधेसमा लोपोन्मुख ढोल, करताल र घुँघुर लगायतका सांस्कृतिक तथा परम्परागत बाजागाजाको धुनमा महराई(झाँक्री खेलाउँदा गाइने एक किसिमको गीत) गाउँदै र नाच्दै झाँक्रीहरू तातो दूध जिउमा खन्याएर स्नान गर्ने गर्छन् । 

   मुसहर समुदायका अगुवा जितु माझीका अनुसार भुइँया महाराजले भाकल गरेको मनोकामना पूरा गरेपछि यस्तो पुजा गर्ने गरिन्छ। यो पुजा मुसहर समुदायले मात्र नभइ भाकल गरेका अन्य समुदायले पनि गर्ने गरेको माझीले बताए।

    पौराणिक  कथा अनुसार दिना-भद्रीको नाउँले ‘भुईया महाराज’ लाई बुझिन्छ । दिना-भद्री दुबै दाजुभाई थिए । उनको जन्म नेपालकै सप्तरीको तत्कालिन नेगारा गाविस जोगिया जाजरमा भएको थियो । उनीहरु एउटा योद्धा थिए । मुसहर समुदायमाथि भई रहेको अत्याचार र अमानवीय व्यवहारलाई रोक्न दिना-भद्रीले प्रतिकार गरेको र प्रतिकारकै क्रममा दुबै दाजुभाईको मृत्यु भएको थियो । दिना-भद्री सप्तरी जिल्लाको कटैया भन्ने ठाउँमा शिकार गर्न जाँदा तन्त्र मन्त्र द्वारा उनीहरुलाई आफ्नो मतमा लिई हत्या गराएको झाँक्री मिठु माझीको कथन छ।

  नेपालमा बसोबास गर्ने आदिवासीहरूमध्येका मुसहर जाती अझै पनि गरिबी र अशिक्षाका कारण पिछडिएका छन् । उनीहरू अतिनै मेहनती हुने गरेका छन् ।

 मलंगवा नगरपालिकाको बिरुद्धमा नेपाल शिक्षक महासंघले सुरु गरेको धर्ना स्थगित/नगरपालिका माग प्रति सकारात्मक रहेको महासंघको भनाइ

लोकतन्त्र समाचारदाता----

सर्लाही,माघ २२

    विभिन्न माग राखेर नेपाल शिक्षक महासंघ नगर कार्य समितिले आइतवारदेखि  मलंगवा नगरपालिकाको प्रांगणमा सुरु गरेको ३ दिने धर्ना कार्यक्रम आज(सोमबार)साँझबाट स्थगित गरेको छ। 

   २ बुदै माग राखेर आन्दोलनमा उत्रिएका महासंघ २१ गतेदेखि २३ गतेसम्मको लागि चेतावनी स्वरुप धर्नामा बसेका थिए। सोमबार प्रदेश सभा सदस्य कौशल किशोर रायको रोहबरमा महासंघ नगर कार्यसमिति र नगरप्रमुख नागेन्द्र प्रसाद यादव,प्रमुख प्रशासकीय अधिकृत होमनाथ सुवेदी लगायत पालिकाका अन्य प्रतिनिधिहरु बिच दिनभर भएको वार्तामा शिक्षक कर्मचारीहरुको माग प्रति नगरपालिका सकारात्मक भएपछि घर्नासहित आन्दोलनका सम्पूर्ण कार्यक्रमहरु स्थगित भएको महासंघका नगर सचिव बरुण सिंहले जानकारी दिए।

    नगरपालिकाले म्याद थप सम्बन्धि ल्याएको कानुन शिक्षक कर्मचारीहरुको हकहितमा नभएकोले सो कानुनलाई निरस्त गर्नुपर्ने भन्दै उनीहरूले आफ्नो माग अघि सारेका थिए। नगरपालिकाले केही महिना अघि शिक्षक,कर्मचारी र सहयोगी कार्यकर्ताहरुको दरबन्दी मिलानको नाउँमा गरेको सरुवाबाट विद्यालयहरुमा पर्न गएको नकारात्मक वा सकारात्मक प्रभावहरुको समीक्षा नगरिएका कारण कतिपय विद्यालयहरुले अनावश्यक परेसानी झेलिरहेको उनीहरूको भनाइ छ।दरबन्दी मिलानका लागि गरिएको सरुवाको केही महिना नबित्दै पावर र पहुँचको आधारमा दुईजना शिक्षकलाई पुन:पुरानै विद्यालयमा फर्काएर नगरपालिकाले बनाएको आफ्नै नियम र निर्णयलाई तोडेको आन्दोलनरत शिक्षकहरुले आरोप लगाएका छन् ।

   नेपाल सरकारले संघीय कानुन सम्बन्धि अन्तिम टुंगो नलगाए सम्मको लागि म्याद सम्बन्धि सुरु भएको कार्य स्थगित गर्नुपर्ने साथै संघीय निर्णय बमोजिमको बाल विकास सहयोगी कार्यकर्ता एवं कर्मचारीहरुको थप तलब भत्ता अविलम्ब उपलब्ध गराउनुपर्ने उनीहरूको माग रहेको छ।

    

 मलंगवा नगरपालिकाको बिरुद्धमा नेपाल शिक्षक महासंघले सुरु गरे चरणबद्ध आन्दोलन ,पलेटी कसेर नगरपालिका अगाडी धर्नामा

मनोज यादव----

सर्लाही,माघ २२

     विभिन्न माग राखेर नेपाल शिक्षक महासंघ नगर कार्य समितिले आइतवारदेखि मलंगवा नगरपालिका अगाडी धर्ना सुरु गरेका छन् । २ बुदै माग राखेर आन्दोलनमा उत्रिएका महासंघ २१ गतेदेखि २३ गतेसम्मको लागि चेतावनी स्वरुप रिले अनसनसहित धर्नामा बसेका हुन् ।

    कार्यलयको प्रांगणमा पलेटी कसेर धर्नामा बसेका शिक्षकहरुले आफुहरुको माग तत्काल सम्बोधन हुने पर्ने माग गरेका छन । नगरपालिकाले म्याद थप सम्बन्धि ल्याएको कानुन शिक्षक कर्मचारीहरुको हकहितमा नभएकोले सो कानुनलाई निरस्त गर्न गत माघ ९ गते नगरपालिकामा ज्ञापनपत्र बुझाउँदा पनि सो प्रति कुनै प्रतिक्रिया र चासो नदिए पछि पुनः १९ गते स्मरण पत्र बुझाएको र तर नगरपालिकाले सो प्रति पनि कुनै प्रतिक्रिया नदिएपछि बाध्य भएर धर्नामा बस्नु परेको शिक्षकहरुले बताए ।

   नगरपालिकाले केही महिना अघि शिक्षक,कर्मचारी र सहयोगी कार्यकर्ताहरुको दरबन्दी मिलानको नाउँमा गरेको सरुवाबाट विद्यालयहरुमा पर्न गएको नकारात्मक वा सकारात्मक प्रभावहरुको समीक्षा नगरिएका कारण कतिपय विद्यालयहरुले अनावश्यक परेसानी झेलिरहेको उनीहरूको भनाइ छ।दरबन्दी मिलानका लागि गरिएको सरुवाको केही महिना नबित्दै पावर र पहुँचको आधारमा दुईजना शिक्षकलाई पुन:पुरानै विद्यालयमा फर्काएर नगरपालिकाले बनाएको आफ्नै नियम र निर्णयलाई तोडेको आन्दोलनरत शिक्षकहरुले आरोप लगाएका छन् ।

   नेपाल सरकारले संघीय कानुन सम्बन्धि अन्तिम टुंगो नलगाए सम्मको लागि म्याद सम्बन्धि सुरु भएको कार्य स्थगित गर्नुपर्ने साथै संघीय निर्णय बमोजिमको बाल विकास सहयोगी कार्यकर्ता एवं कर्मचारीहरुको थप तलब भत्ता अविलम्ब उपलब्ध गराउनुपर्ने 

समेत उनीहरूले माग अघि सारेका छन् ।

    माघ २३ गते बेलुकासम्म  आफुहरुको माग सम्बोधन नभए २४ गतेदेखि अनिश्चितकालका लागि नगरभित्रका सम्पूर्ण विद्यालयहरु बन्द गरि धर्ना प्रदर्शन गर्ने आन्दोलनरत शिक्षक,कर्मचारीहरुले चेतावनी दिएका छन् ।

 देवश्री द्वारा मलंगवाको दुर्गम पल्सी टोलमा संचालित एकदिने नि:शुल्क स्वास्थ्य शिविरबाट ४ सय बढीले सेवा लिए 

मनोज यादव---

सर्लाही,माघ २२

    सर्लाहीको सदरमुकाम मलंगवा नगरपालिका वडा न-११ मा रहेको पल्सी टोलमा देवश्री पोलिक्लिनिक द्वारा संचालित एक दिने नि:शुल्क स्वास्थ्य शिविरबाट ४ सय ५६ जना बिरामीहरुले सेवा लिएका छन् । 

   देवश्रीका संस्थापक सोनेलाल रायले नगरपालिका भित्र परेपनि अधिकांश गरिब तथा दलित समुदायको बसोबास रहेको पल्सी टोलका बासिन्दाहरुलाई लक्षित गरेर नि:शुल्क स्वास्थ्य शिविर सञ्चालन गरेको बताए ।

   उक्त शिवरमा विशेषज्ञ चिकित्सकहरुद्वारा हड्डी तथा नशा रोग,बाबासिर,भगन्दर,चिनी लगायतका रोगहरुको जाँच गरि नि:शुल्क औषधि वितरण गरिएको थियो।यसअघि पनि  आफ्नै खर्चमा रायले मलंगवा तथा कबिलासी नगरपालिकाका विभिन्न गरिब तथा दलित बस्तीमा यसैगरी नि:शुल्क स्वास्थ्य शिविर संचालन गरिसकेका छन्।

   यसभन्दा पहिले कुनै पनि स्वास्थ्य शिविर संचालन नभएको पल्सी टोलका बासिन्दाहरु नि:शुल्क रुपमा स्वास्थ्य जाँच गराउन पाउँदा निकै खुसी देखिन्थे।

 झण्डै डेढ दशक पछि सर्लाहीका सम्पूर्ण प्रमुख काँग्रेस नेताहरु एउटै मञ्चमा सहभागी 

लोकतन्त्र समाचारदाता---

सर्लाही,माघ १८

    विगत १५ वर्षको लामो अन्तराल पछि सर्लाही जिल्ला भरीका सम्पूर्ण प्रमुख काँग्रेस नेताहरु एकैसाथ एउटै मञ्चमा उपस्थित भएका छन् ।बुधबार सदरमुकाम मलंगवामा आयोजना भएको समुदायमा काँग्रेस अभियान कार्यक्रमको अवसरमा झण्डै डेढ दशक लामो समयदेखि पार्टीको कार्यक्रमहरुमा छुट्टाछुट्टै सहभागी हुँदै आएका सर्लाही  जिल्लाका प्रमुख काँग्रेसी नेताहरु एकैसाथ सहभागी भएका हुन।

    मलंगवा स्थित पार्टी कार्यालयमा  नेपाली काँग्रेस श्रेत्रीय कार्यसमिति क्षेत्र नं -२ सर्लाहीको आयोजनामा क्षेत्रीय सभापति कौशल किशोर रायको अध्यक्षतामा सम्पन्न भएको क्षेत्रीय भेलामा प्रमुख अतिथि  केन्द्रीय सदस्य गणेश लामा,विशिष्ट अतिथिहरू पुर्व जिल्ला सभापति लक्ष्मण राय, पुर्व जिल्ला सभापति  नगेन्द्र कुमार यादव, जिल्ला सभिपति सुरेन्द्र प्रसाद सिंह, प्रदेश सांसद जंगीलाल राय, प्रदेश सदस्य सकुनती राम, उपाध्यक्ष द्वय  नविन कुमार अधिकारी, उपसभापति  सरोज कुमार यादव, जिल्ला सचिव  मनोज कुमार यादव,काँग्रेस नेता एवं पालिका प्रमुखहरू  विनोद साह, मनोज मनी अचार्य , रूपेश कुमार यादव, धिरेन्द्र यादव, रामपदारथ साह,तरूण दलका अध्यक्ष सुर्य नारायण यादव, ने वि संघ सभापति,प्रदेश सदस्यहरू, महाधिवेशन प्रतिनिधि वडा सभापति लगायतको उपस्थित रहेको थितो। 

 

 सो अवसरमा उपस्थित भएका नेताहरुले पछिल्ला सबै तिक्तताहरु र आन्तरिक मतभेदलाई बिर्सेर आजैको दिनदेखि सबै जना मिलेर अगाडी बढ्ने  प्रतिबद्धता जनाएका थिए। 

  नेपाली कांग्रेसले देशव्यापी रूपमा   “समुदायमा कांग्रेस अभियान” संंचालन गरेको छ।

 सर्लाहीको हरिवनमा महा आइशर तीनदिने एक्सचेञ्ज  मेला सुरू

लोकतन्त्र समाचारदाता---

सर्लाही,माघ १६

    सर्लाहीको हरिवनमा तीनदिने महा आइशर एक्सचेञ्ज  मेला सुरु भएको छ। नेपालका लागि आइशर कमर्सियल भेइकलको एकमात्र आधिकारिक वितरक बतास एम.ए.डब्लू. कमर्सिअल भेईकल प्रा.लि.ले वडा न-११ मा रहेको बराईली ईन्जिनियरीङ्ग वर्कशपमा सो मेलाको आयोजना गरेको हो।

   बराईली ईन्जिनियरीङ्गका संचालक किशोर बराईलीको अध्यक्षतामा मंगलबार दिउँसो सम्पन्न भएको समारोहका बिच प्रमुख अतिथि नगरप्रमुख रमेश बुढाथोकी, विशिष्ट अतिथि नगर उपप्रमुख हरिमाया घलान,पुर्व प्रदेश सभा सदस्य डिल्ली प्रसाद उप्रेती ,समाजसेवी चुडामणी वाग्ले,बिदुर प्याकुरेल ,हरिवन न.पा वडा न-११ का वडाअध्यक्ष शेख मेहमुद रेजा र बतास एम.ए.डब्लू. कमर्सिअल भेईकल प्रा.लि का प्रतिनिधिले संयुक्तरूपमा रिबन काटेर मेलाको औपचारिक रुपमा उद्घाटन गरेका थिए। 

     कार्यक्रममा बराईली ईन्जिनियरीङ्गका संचालक बराईलीले आइशर गाडीको माइलेज ,पावर र विशेषताहरु बारे जानकारी गराउँदै  तीन दिनसम्म चल्ने यस मेलाबाट ग्राहकले भरपुर फाइदा लिन सक्ने बताउनुभयो । यस्तो मेलाले मध्यम वर्गका ग्राहकले पनि सजिलै स्वरोजगार भई आत्मनिर्भर हुने उहाँले जानकारी दिनुभयो।२५ लाख रुपैयाँको आकस्मिक बीमाले चालकहरुमा थप उर्जाको संचार समेत हुने बराईलीले बताउनुभयो ।

   

आइशरले आफ्ना ग्राहकको आवश्यकतालाई महसुस गर्दै यस्ता किसिमका कार्यक्रम समयसापेक्ष आयोजना गर्दै आएकोले नेपालसहित विश्वबजारमा आइशर ग्राहकहरुको पहिले रोजाई बन्दै आइरहेको छ।क्यासलेश योजना मार्फत् दुर्घटना भएको खण्डमा आइशर मोटर्सका गाडीका खरिदकर्ताहरू बतास एम.ए.डब्लूका आधिकारिक सर्भिस सेन्टरहरूमा सिधै गई गाडी मर्मत वा बीमा रकम दाबी गर्न सक्नेछन् ।

क्यासलेश इन्स्योरेन्स अन्तरगत ग्राहकले सवारीसाधन दुर्घटनामा परेको खण्डमा सोझै आइशरको आधिकारिक वर्कसपमा गई मर्मत गराउन सक्नेछन् र ग्राहकले बिमा रकमबाहेकको रकम मात्र तिर्नुपर्ने हुन्छ । बाँकी रकम बिमा कम्पनी र बतास एम.ए.डब्लूबीच कारोबार हुनेछ। 

    सो मेला माघ १६ गतेदेखि १८ गतेसम्म सञ्‍चालन हुनेछ ।

 सर्लाहीमै यातायात व्यवस्था कार्यालय संचालनमा आए देखि जिल्लाका हजारौं जनतालाई सहज

मनोज यादव---

सर्लाही,माघ १६

    सर्लाहीमा यातायात व्यवस्था कार्यालय संचालनमा आएपछि जिल्लाका हजारौं नागरिकहरुलाई सहज भएको छ । मधेश प्रदेश सरकारले  २०८० साल मंसिर १७ गते जिल्लाको सदरमुकाम मलंगवामा प्रदेश सरकारको श्रम तथा यातायात मन्त्रालय मातहतको यातायात कार्यालय संचालनमा ल्याएपछि यातायात सम्बन्धी सम्पूर्ण कामका लागि अन्यत्र जानुपर्ने बाध्यता हटेको छ। 

     मलंगवा नगरपालिका वडा न-१०  स्थित जिल्ला समन्वय समितिको भवनमा रहेको यस कार्यालयबाट दैनिक ७० देखि ७५ जनाले सेवा लिँदै आएको कार्यालय प्रमुख राकेश यादवले बताए। हाल यस कार्यालयबाट ट्रायल लिने ठाउँ तयार नभइ सकेकोले नयाँ लाइसेन्स बनाउने काम र मेकेनिकल सुपरभाइजर आइनसकेकोले सवारीसाधनको जाँच पास बाहेक सेवाग्राहीलाई  लाइसेन्स नवीकरण, सवारी नामसारी, रुट परमिट,सवारी साधनको कर तिर्ने लगायतका यातायात सम्बन्धि सेवाहरु प्रदान गर्दै आएको  यादवले बताए । चालु आर्थिक वर्षको मंसिर मसान्तदेखि हलसम्ममा करिब ५६ लाख रुपैयाँ राजस्व आम्दानी गरेको यस कार्यालयको सेवाबाट  सेवाग्राहीहरु सन्तुष्ट रहेको कार्यालय प्रमुख यादवले बताए ।

     आफ्नै जिल्लाबाट यातायात सम्बन्धि सम्पूर्ण सेवाहरु पाउन थालेपछि  सेवाग्राहीहरु समेत उत्साहित भएका छन्। राजश्व तिर्नुपर्ने शुल्क भन्दा बढी खर्च जान आउन र खान बस्नमै हुने गरेको कार्यालय परिसरमा भेटिएका एक सेवाग्राहीले बताए । समय पनि कम लाग्ने र छिटो छरितो रुपमा सेवा पाउन थालेपछि सेवाग्राही उत्साहित भएका हुन । 

    यसअघि सर्लाही जिल्लाका सेवाग्राहीलाई महोत्तरीको बर्दिबास,जनकपुरधाम,रौतहटको गौर र बिरगंज जानुपर्ने अवस्था थियो । 

  

 

 मलंगवाका कालिगढहरुलाई देवी सरस्वतीको मुर्ति  बनाउन भ्याइनभ्याइ

मनोज यादव----

सर्लाही,माघ १४

    जतिजति विद्याकी देवी सरस्वतीको पूजा नजिकिदै गइरहेको छ त्यति-त्यति कालिगढ (मूर्तिकार)हरूको मूर्ति बनाउने गति बढी रहेको छ।उनीहरु यतिबेला विभिन्न आकार-प्रकारका देवी सरस्वतीको मुर्ति बनाउन व्यस्त भएका छन् । सरस्वती पूजा नजिकिदै गर्दा राम्रो आम्दानी लिन आकर्षक मूर्ति बनाउन उनीहरु व्यस्त भएका हुन् । 

    विद्यालयहरुमा देवी सरस्वतीको पूजाको लागि मुर्तिको प्रयोग गरिने भएकाले देवीको मूर्ति बनाउन कालिगढहरु दिनरात लागिपरेका छन् ।

मूर्तिको आकार हेरेर मूल्य तोकिने गरिन्छ। एउटा मुर्ति २ हजार देखि १४  हजार सम्ममा बिक्री हुने गरेको मलंगवा नगरपालिका वडा न-४ का मुर्तिकार राम ईशवर पंडितले बताए ।गणेश पुजा,कृष्ण जन्माष्टमी,विश्वकर्मा पुजा र दुर्गा पुजामा गरि जम्मा  करिब २ देखि ३ लाख  रुपैयाँसम्मको मूर्ति बिक्री हुने गरेको    उनले बताए । 

   मुर्ति बनाउन एकजनाले मात्र नसक्ने भएकोले घर परिवारकै सदस्य र सहयोगी कालिगढ राखेर मूर्ति बनाउन लागेको लक्ष्मी पंडितले बताए । सरस्वती पुजाको लागि भनेर 

विगतको भन्दा यस वर्ष बढी मुर्तीहरुको अर्डर आएको पंडितले बताए । उनले वर्षभरी मूर्ति बेचेर वार्षिक तीन लाखसम्म आम्दानी गर्ने गरेको बताए ।  

   खासगरी कुम्हार जातीले मात्र मुर्ति बनाउने गरेपनि केहि समययता अन्य जाती समुदायहरुले पनि मुर्ति  बनाउने पेशा अपनाउन थालेका छन् । 

   अधिकांश निजी तथा सामुदायिक विद्यालयहरुले सरस्वती पूजाको लागि  आफ्नो चाहना अनुसारको मुर्ति बनाइदिन भन्दै एक-डेढ  महिना अगावै मुर्तिकारलाई अर्डर दिने गरेका छन् ।विद्यालय बाहिर टोल बस्तीमा गरिने पुजाको लागि भने पुजाको एकदिन अगाडी बिक्री स्थलमा गएर आफ्नो आर्थिक सामर्थ्यले भ्याउने मुर्ति छानेर खरिद गर्ने गरेका छन् ।

     मुर्तिको साइज हेरेर ३ हजार देखि १० हजार र सो भन्दा बढी मुल्य पर्ने गरेको मुर्तिकार   ले बताए।  अर्डर राम्रो आए र बनाएको मुर्ति जति सबै बिक्री भएको खण्डमा सिजनमा सबै खर्च कटाएर करिब १ लाख बराबरको आम्दनी हुने गरेको उनले बताए ।मुर्ती पेशाबाट आफुहरु संतुष्ट रहेको घरपरिवार पनि राम्रै चलेको उनीहरुले बताएका छन् ।

  

 

 नेपाल भारत मैत्री संघले मनाए भारतको ७५ औं गणतन्त्र दिवस 

लोकतन्त्र समाचारदाता---

सर्लाही ,माघ १४

      नेपाल भारत मैत्री संघ शाखा सर्लाहीले जिल्लाको सदरमुकाम मलंगवामा मित्र राष्ट्र भारतको ७५ औं  गणतन्त्र दिवस  मनाएको छ । संघका जिल्ला अध्यक्ष  सत्यनारायण अग्रवालको अध्यक्षतामा मलंगवा-३ स्थित महेन्द्र होटलको सभाहलमा अन्तरक्रिया कार्यक्रमहरुको आयोजना गरि दिवस मनाइएको हो ।

   कार्यक्रममा प्रमुख अतिथि जिल्ला समन्वय समिति सर्लाहीका प्रमुख कौशल किशोर सिंह,विशिष्ट अतिथि जिसस उपप्रमुख जितेन्द्र कुशवाहा सहित अतिथिहरु प्रमुख जिल्ला अधिकारी कोमल प्रसाद धमला,मलंगवा नगरपालिकाकी उपप्रमुख शकुन्तला देवी साह,प्रहरी उपरीक्षक प्रविण धिताल,सशस्त्र प्रहरी उपरीक्षक तुल बहादुर भण्डारी,उप-अनुसंधान निरिक्षक संतोष ढुंगेल ,भुपु सर्लाही क्याम्पस प्रमुख कृष्णदेव यादव,रामबाबु साह कलवार,प्राधानाध्यापक तिलक क्षेत्री,गौतम सर्राफ लगायतले नेपाल-भारत बिचको सम्बन्ध तथा मित्रताको बारेमा चर्चा गरेका थिए ।  

   कार्यक्रमको उद्घाटन संघका अध्यक्ष अग्रवाल ,प्रमुख अतिथि सिंह,विशिष्ट अतिथि कुशवाहा र प्रजिअ घमलासहितका अतिथिहरुले भारतका राष्ट्रपिता महात्मा गाँधीको तश्विरमा माल्यार्पन गरेर गरेका थिए। सोही अवसरमा द सगरमाथा आधारभुत अंग्रेजी विद्यालयका विद्यार्थीहरुले दुबै मित्र राष्ट्रको सम्मानमा दुवै देशको राष्ट्रिय गान गाएर कार्यक्रमको शोभा बढाएका थिए।

   संघका सचिव सुवोधहरि राजोपाध्यायले स्वागत मन्तव्य राखेको कार्यक्रमको  संचालन नागरिक समाज सर्लाहीका महासचिव शिवचन्द्र चौधरीले गरेका थिए।

 चिसो बढ्न थालेपछि जेसिज द्वारा मलंगवामा निःशुल्क दाउरा वितरण

लोकतन्त्र समाचारदाता---

सर्लाही,माघ १४

    अत्यधिक रुपमा शीतलहर बढ्न थालेपछि मलंगवा जेसिजले सर्लाहीको सदरमुकाम मलंगवा स्थित विभिन्न स्थानमा निःशुल्क दाउरा वितरण गरेको छ। मलंगवा जेसिजले आफ्नो विजनेस पार्टनर डिस होम फाइबर नेट सर्लाहीसँगको साझेदारी तथा लालबन्दी साझेदारी वन व्यवस्थापन समुहको सहयोगमा शनिवार मानिसहरूको बढी उपस्थित रहने मलंगवा बजारको विभिन्न स्थानमा दाउरा वितरण गरेकि हो। सुरु गरेको हो ।

   शीतलहरमा सर्वसाधारण  नागरिकलाई सहज होस् भनेर दाउरा वितरण गरेको मलंगवा जेसिज २०२४ का अध्यक्ष दिलिप कुमार झाले बताए।

शीतलहर बढेर चिसोको प्रभाव बढेपछि जेसिज द्वारा  मलंगवाको करिब १ दर्जन भन्दा बढी स्थानम दाउरा वितरण गरिएको छ । चौक चौकमा ताप्नको लागि दाउरा पाएपछि स्थानीय नागरिकहरु खुसी भएका छन् । 

   शनिवार बिहानैदेखि सुरु गरिएको दाउरा वितरण कार्यक्रममा मलंगवा जेसिज, मलंगवा जूनियर जेसिज लालबन्दी साझेदारी बन व्यवस्थापन समुहका भूपू अध्यक्ष अजय यादव,सचिव विनोद जैसवाल, वडा न-१० का वडाअध्यक्ष मुकेश झा,डिसहोमका सुभास गुप्ता लगायत नेपाल प्रहरीको सहभागीता रहेको थियो। 

   मलंगवा जेसिजले यसअघि दुर्घटना न्युनिकरणका लागि मलंगवाको अतिव्यस्त स्थानमा जेब्रा क्रसिंङ समेत बनाएका थिए।