सर्लाहीको ३ स्थानमा चेतनाको निःशुल्क आँखा शिविर, ४ सय भन्दा बढी बिरामीको मोतियाबिन्दुको शल्यक्रिया गरियो

 

सर्लाहीको ३ स्थानमा चेतनाको निःशुल्क आँखा शिविर, ४ सय भन्दा बढी  बिरामीको मोतियाबिन्दुको शल्यक्रिया गरियो

मनोज यादव----

सर्लाही,पुस १४

    चेतना मलंगवाको आयोजनामा सर्लाही जिल्लाको तीन वटा पालिकामा भएको  निःशुल्क आँखा परिक्षण तथा मोतियाबिन्दुको शल्यक्रिया शिविरबाट  १ हजार ६ सय ५० जना स्थानीय बिरामीहरुले सेवा लिएका छन् ।जिल्लाको हरिपुर्वा नगरपालिका तथा  ब्रम्हपुरी गाउँपालिका र पर्सा गाउँपालिका सम्पन्न भएको नि:शुल्क शिविरमा आँखा परिक्षण गराएका १ हजार ६ सय ५० जना मध्येबाट ४ सय ३४ जना बिरामीहरुको मोतिबिन्दुको निःशुल्क शल्यक्रिया गरिएको छ ।  

   चेतनाको आयोजना एवं  कतार च्यारेटीको  प्राविधिक सहयोगमा शिविर सञ्चालन गरिएको हो।

    पुस ११ गते ब्रम्हपुरी गाउँपालिका,१२ गते हरिपुर्वा नगरपालिका र १३ गते पर्सा गाउँपालिकासँगको समन्वयमा सम्बन्धित पालिकाको नोकैल्वा,डुमरिया र सितलपुर गाउँमा चलेको आँखा शिविरमा बिरामीहरुको आँखा जाँच गरि शिविर स्थलमै औषधि र चस्मा वितरण गरिएको थियो भने जाँचको क्रममा फेलापरेका मोतिबिन्दुका बिरामीहरुलाई सदरमुकाम मलंगवा स्थित रहेको मलंगवा आँखा अस्पतालमा लगेर नि:शुल्क शल्यक्रिया गरिएको थियो ।

    आँखा उपचारको पहुँच र आर्थिक अभावमा लामो समयदेखि दृष्टिविहिन बस्न बाध्य भएका बिरामीहरुको लागि उनीहरूको  घर आँगनमै पुगेर उपचार सेवा दिएको भन्दै पर्सा गाउँपालिकाका गाउँपालिका प्रमुख धिरेन्द्र यादव विस्पतले आयोजक संस्थालाई  धन्यवाद समेत दिएका छन् । शिविरमाआँखा जाँच गराउन आएका बिरामीहरुले पनि स्वास्थ्यकर्मी तथा चिकित्सकहरुलाई धन्यवाद दिंदै  यस किसिमको शिविर प्रत्येक वर्ष संचालन गर्न सुझाव दिएका थिए।

   कोहि पनि नागरिक पहुँच र आर्थिक अभावमा दृष्टिविहिन भएर बस्न नपरोस् भन्ने हेतुले प्रत्येक वर्ष यसै समयमा कतार च्यारेटीको आर्थिक सहयोगमा निःशुल्क आँखा जाँच तथा शल्यक्रिया शिविरहरु संचालन गर्दै आइरहेको चेतना मलंगवाका कार्यक्रम संयोजक चन्दन कुमार कर्णले बताए । उनले गएको वर्षहरुको तुलनामा यसवर्ष मोतियाबिन्दुका बिरामीहरुको संख्या अलिबढी भएको बताए ।

    आँखाको शल्यक्रिया गराएका बिरामीहरु पहिलाको भन्दा अहिलेको हेराइमा धेरैनै सहज महसुस भएको बताएका छन् ।

   संस्थाले  शल्यक्रिया गराउने बिरामीहरुलाई घरदेखि अस्पतालसम्म लान र अस्पतालदेखि घरसम्म पुर्याउन नि:शुल्क  बसको ब्यवस्थाको साथै बिरामी र कुरुवाहरुको लागि खाना र बासको समेत ब्यवस्था गरेका थिए।

   

 ईश्वरपुरमा १५ वटै वडाका विद्यालयका विद्यार्थीका निःशुल्क आँखा परीक्षण हुने 

प्रकाश मैनाली ----

सर्लाही,पुस १३

      सर्लाहीको ईश्वरपुर नगरपालिकामा रहेका १५ वटा वडाा ३८ वटै सामुदायिक विद्यालयका विद्यार्थीको निःशुल्क आँखा परीक्षण हुने भएको छ । 

   भरतपुर आँखा अस्पताल, नेपाल नेत्रज्योति संघ भरतपुर र आँखा उपचार केन्द्र ईश्वरपुरको संयुक्त आयोजनामा आगामी माघ मध्यबाट विद्यार्थीको आँखाको उपचार गरिनेभएको छ । त्यसका लागि शुक्रवार ३८ वटै विद्यालयका शिक्षकलाई प्रशिक्षण दिएर पठाइएको छ । ती शिक्षकले अब विद्यालयमा गएर विद्यार्थीको आँखाको प्राथमिक परीक्षण गर्ने र समस्या देखिएका बिरामीलाई शिविरमा ल्याएर औषधि उपचार गर्ने निर्णय गरिएको छ । 

    माघ १४ गतेदेखि २९ गतेसम्म क्रमश: वडा नं. १ देखि १३ सम्मका विद्यालयक विद्यार्थी तथा फागुन ३ गते वडा नं. १४ र फागुन १५ गते वडा नं. १५ का विद्यार्थीका लागि बयलवास ल्याएर आँखा परीक्षण, उपचार र निःशुल्क औषधि वितरण गर्ने मिति तय गरिएको हो । शुक्रवार भएको छलफलमा ईश्वरपुरका नगरप्रमुख मनोजकुमार आचार्य, नेपाल नेत्रज्योति संघ भरतपुरका रमेश घिमिरे, विष्णु हरि मैनाली, शिक्षा शाखाका प्रमुख हरि दाहाल, स्वास्थ्य शाखाका प्रमुख सुगेन्द्र महतोलगायतको सहभागीता रहेको थियो।

 

विद्यालय व्यवस्थापन समिति गठनमा अभिभावक र विद्यार्थीहरुको असन्तुष्टि अयोग्य व्यक्तिलाई अध्यक्ष बनाएको उनीहरूको आरोप

 विद्यालय व्यवस्थापन समिति गठनमा अभिभावक र विद्यार्थीहरुको असन्तुष्टि

   अयोग्य  व्यक्तिलाई अध्यक्ष बनाएको उनीहरूको आरोप

मनोज यादव---

सर्लाही,पुस ९

       सर्लाही जिल्लाको सदरमुकाम मलंगवा नगरपालिका नजिकै र नेपाल भारत सीमा छेउमै पर्ने ब्रह्मपुरी गाउँपालिका वडा न– ४ त्रिभुवननगर स्थित रहेको श्री सुराज माध्यमिक विद्यालयको व्यवस्थापन समिति चयनमा विद्यालय प्रशासन  र राजनीतिक दलले  हस्तक्षेप गरेको भन्दै विद्यार्थी र अभिभावकहरुले आपत्ती जनाउँदै विरोध  गरेका छन् । विद्यालय व्यवस्थापन समिति गठनका विषयमा सनिवार आयोजना गरिएको अभिभावक भेलामा प्राधानाध्यापक रघुनन्दन यादवले केही राजनीतिक दलका स्थानीय नेताहरु सँग मिलेमतो गरि अयोग्य  व्यक्तिलाई विद्यालय व्यवस्थापन समितिको अध्यक्ष पदमा चयन गरेको भन्दै अध्यनरत विद्यार्थी तथा अभिभावकहरुले आपत्ती जनाएका हुन्।

      वि.सं २०१७ सालमा स्थापना भएको यस  विद्यालय भित्र हुने राजनीतिक चलखेलका कारण  विद्यालयको शैक्षिक अवस्था दयनीय बनेको अभिभावकहरुले बताए छन् । बस्तीको बिचमा अवस्थित यो विद्यालय स्थापना कालदेखि नै कम्पाउण्ड विहिन रहँदै आएको छ । कम्पाउण्ड नहुँदा स्थानीय गाउँलेहरु आ–आफ्ना पशुचौपाया लगेर विद्यालयको हाता भित्र चराउने र बाँध्ने गरेका छन् । विद्यार्थीहरु पनि पठाइ बिचमै छाडेर भाग्ने गरेका छन् ।

    दरबन्दी अनुसार विद्यालयमा शिक्षक शिक्षिकाहरुको पनि कमि रहेका छन् ।जसका कारण दैनिक ३ देखि ४ घण्टी खाली रहने गरेको विद्यार्थीहरुले बताएका छन् । विषयगत शिक्षकको समेत कमि रहेकाले एउटै विषय ३ –४ जना शिक्षकहरुले पढाउँदै आएका छन् । अंग्रेजी, नेपाली , गणित, विज्ञान लगायतका मुख्य विषयको शिक्षक नहुँदा अन्य विषयका शिक्षकले ती विषय पढाउने गरेको विद्यार्थीहरुले बताए । विद्यालयमा १२ वटा कम्पियुटरहरु रहेता पनि खरिद गरेर ल्याएको २ वर्षको अवधीमा हालसम्म १ घण्टी पनि कम्पियुटर विषयको पढाइ नभएको विद्यार्थीहरुले गुनासो गरे।

    स्थानीय अभिभावक राम ईश्वर साहले सुराज माद्यामिक विद्यालय धेरै पुरानो विद्यालय रहेकोले त्रिभुवननगर र आसपासका केही गाउँका विद्यार्थीहरु मावि तहसम्मको पढाइको लागि यसै विद्यालयमा जाने गरेको बताए। पहिले देश जनप्रतिनिधि बिहिन बन्दा यो विद्यालय लथालिङ्ग अवस्थामा रहेको थियो ।अहिले स्थानीय सरकारको मातहतमा आएपनि अवस्था जस्ताको त्यस्तै रहेको उनको भनाइ छ ।

राजनितीक चलखेलका कारण विगत चारवर्षदेखि व्यवस्थापन समितिविहिन बन्दै आएको यस विद्यालयमा लामो प्रयास पछि बल्लतल्ल गठन गरिएको समितिमा अयोग्य व्यक्तिलाई समितिको अध्यक्ष र सदस्यमा चयन गरेर विद्यालय र विद्यार्थीहरुको भविष्य सँग खेलवाड गर्ने काम भएकोले यसलाई तुरुन्त सच्याएरअगाडी बढ्नु पर्ने विद्यार्थी रअभिभावकहरुको संयुक्त माग रहेको छ।

     प्र.अ यादवका अनुसार आफुले विद्यालयबाट सूचना जारी गरेर विद्यार्थीहरु मार्फत प्रत्येक अभिभावकलाई विद्यालय व्यवस्थापन समिति गठनको विषयमा जानकारी गराएको साथै ठाउँठाउँमा सूचना समेत टाँस्न लगाएर शनिवार अभिभावक भेला गरेर सबैजनाको सहमतिमा समिति गठन गरिएको हो।

 

 बलरा र गोडैता नगरपालिकामा नगरस्तरिय परियोजना सल्लाहकार समितिको बैठक सम्पन्न

लोकतन्त्र समाचारदाता---

सर्लाही,पुस ७

    सर्लाहीको बलरा र गोडैता नगरपालिकामा नगरस्तरिय परियोजना सल्लाहकार समितिको बैठक सम्पन्न भएको छ।

  बलरामा बलरा नगरपालिकाको आयोजना तथा नगर प्रमुख रामाशंकर प्रसाद कुशवाहाको अध्यक्षता र उपप्रमुख कोशिला देवी ,प्रमुख प्रशासकीय अधिकृत सुशील कुमार साह,राष्ट्रिय रोजगार प्रबर्द्धन केन्द्र मलंगवाकी  अध्यक्ष गायत्री देवी महतो, परियोजना संयोजक संजिब कुमार चौधरी ,वडा न-७ का वडाअध्यक्ष,पालिकाका अन्तर्गतका विभिन्न शाखाका शाखा अधिकृत तथा संस्थाका कर्मचारीहरु लगायतको उपस्थितिमा संयुक्त अनुगमन बलरा न.पा को समन्वयमा प्रबर्द्धन केन्द्र मलंगवा र सेभ द चिल्ड्रेनको सहयोगमा  संचालित समुन्नति कार्यक्रम अन्तर्गत बलरा न.पा को वडा न-५ स्थित रहेको श्री शितला माई प्रा.वि को Deep tubewell को कार्य र सोही वडाको हरित गाउँ ,वडा न-९ को सीताराम आधारभुत विद्यालयमा कक्षा कोठा मर्मत सम्भार कार्य र सोही वडाको प्राथमिक स्वास्थ्य केन्द्रमा संयुक्तरूपमा अनुगमन गरि आउने दिनहरुमा पालिका पनि संयुक्तरूपमा कार्य गरि शिक्षा,स्वास्थ्य ,कृषि गुणस्तरात्मक सुधार ल्याउने भन्दै बालबालिकाको विषयलाई पनि प्राथमिकतामा राख्ने भनि नगरप्रमुख द्वारा प्रतिबद्धता जनाइएको थियो।

  कार्यक्रममा संस्थाहरुले वर्ष भरीमा गरेका कार्यहरुको समीक्षा गरि सहभागीहरु सँग सुझाव समेत संकलन गरि आउने दिनहरुमा शिक्षा र स्वास्थ्यको क्षेत्रलाई सबै मिलेर राम्रो बनाउने प्रतिबद्धता गरेका थिए।

   यस्तै गोडैतामा गोडैता नगरपालिकाको आयोजना तथा प्रमुख प्रशासकीय अधिकृत रमेश प्रसाद यादवको अध्यक्षतामा,राष्ट्रिय रोजगार प्रबर्द्धन केन्द्र मलंगवाकी  अध्यक्ष गायत्री देवी महतो, सेभ द चिल्ड्रेनका परियोजना संयोजक कान्ति खडका,प्रबर्द्धन केन्द्रका परियोजना संयोजक  संजिब कुमार चौधरी ,वडा न-८ का वडाअध्यक्ष,,पालिकाका अन्तर्गतका विभिन्न शाखाका शाखा अधिकृत ,बाल क्लन संजाल तथा विभिन्न  संस्थाका कर्मचारीहरु लगायतको उपस्थितिमा संयुक्त अनुगमन गोडैता न.पा को समन्वयमा प्रबर्द्धन केन्द्र मलंगवा र सेभ द चिल्ड्रेनको सहयोगमा  संचालित समुन्नति कार्यक्रम अन्तर्गत वडा न-४ रोहुवामा व्यवसायमुलक तालिम ,बर्थिङ्ग सेन्टर,वडा न-९ को मदिना हरियाली कृषक समूह ,वडा न-११ को श्री भोथी कपलेश्वर आधारभुत विद्यालयमा कक्षा कोठा मर्मत सम्भार कार्यको संयुक्तरूपमा अनुगमन गरिएको छ।

   अनुगमन गरिसके पश्चात् बैठक कक्षमा  अनुगमन गरिएका क्षेत्रहरुको समीक्षा गर्दै आफु पनि ती क्षेत्रहरुमा सहयोग गरि अझ प्रभावकारी बनाउने घोषणा गर्नुका साथै संस्थाहरुले वर्ष भरीमा गरेका कार्यहरुको समीक्षा गरि सहभागीहरु सँग सुझाव समेत संकलन गरि यस पालिकालाई नमुना पालिका बनाउनको लागि आउने दिनहरुमा शिक्षा ,स्वास्थ्य सरसफाइ र बाल संरक्षण जस्ता क्षेत्रमा सबै संस्थाहरु लगायत पालिकाको पनि संयुक्त  लगानीमा कार्यहरु गरि आउने दिनहरुमा अनुगमनको क्षेत्रलाई अझ प्रभावकारी बनाउन हरेक क्षेत्रमा सुधार गर्ने साथै विभिन्न कृषक समूह, बाल क्लब साथै नीति नियम बनाउने काममा बढी ध्यान दिंदै कार्य गर्ने प्रप्रअ यादवले घोषणा गरे।

 डिस होम कोपरेट  सुपर सिक्स क्रिकेटमा मलंगवाका १० टिम खेल्दै

लोकतन्त्र समाचारदाता---

सर्लाही,पुस ७

    डिस होम फाइबर नेट कोपरेट सुपर सिक्स  क्रिकेट टुर्नामेट सोमबारदेखि सर्लाहीको सदरमुकाम मलंगवामा शुरु हुँदैछ । पुस ९ गतेदेखि  १० गतेसम्म आयोजना हुने प्रतियोगितामा मलंगवाका १० वटा बैंकहरुले प्रतिस्पर्धा गर्ने छन् ।

   १० वटा टिमलाई २ समूहमा विभाजन गरिएको प्रतियोगिताका सबै खेल मलंगवा नगरपालिका वडा न-१० स्थित तिनबिघे मैदानमा संचालन हुने आयोजक डिस होम फाइबर नेटका अधिकृत बिक्रेता लक्ष्मी इन्टरप्राइजेजका संचालक सुवास गुप्ताले जनाएको छ।

   सहभागि टोलीहरुमा कुमारी बैंक ,सहारा मल्टिपर्पस,नविल बैंक ,राजश्री सेविंग्स एण्ड क्रेडिट ,मलंगवा नगरपालिका ,हिमालयन बैंक ,एनएमबी बैंक ,प्रभु बैंक,प्रोग्रेसिभ फाइनान्स र  एनआईसि एसिया रहेका छन् ।

मलंगवामा अन्तर्राष्ट्रिय आप्रवासी श्रमिक दिवस २०२३ मनाइयो

 

मलंगवामा अन्तर्राष्ट्रिय आप्रवासी श्रमिक दिवस २०२३ मनाइयो 

लोकतन्त्र समाचारदाता---

सर्लाही,पुस ३

    सर्लाहीको सदरमुकाम  मलंगवामा अन्तर्राष्ट्रिय आप्रवासी श्रमिक दिवस २०२३ विभिन्न कार्यक्रमहरु गरि मनाइएको छ।"आप्रवासीको योगदानको कदर र अधिकारको सम्मान"भन्ने नाराका साथ मलंगवा नगरपालिकाको आयोजनामा यो दिवस मनाइएको हो।

   दिवसको अवसरमा प्रमुख जिल्ला अधिकारी कोमल प्रसाद धमलाको अध्यक्षतामा सुरक्षित आप्रवासन कार्यक्रम अन्तर्गत  सुरक्षित वैदेशिक रोजगारीको लागि आप्रवासी श्रमिक  सम्बन्धी अन्तरक्रिया कार्यक्रम गरिएको छ। मलंगवा नगरपालिकाको सभा हलमाभएको कार्यक्रममा वैदेशिक रोजगारको बर्तमान अवस्था, चुनौती तथा अवसरहरुका बारेमा अन्तरक्रिया गरिएको थियो।  अन्तरक्रिया पश्चात् नगरपालिका चौकमा दिप प्रज्वलन समेत गरिएको थियो।

   नगरपालिकाका शाखा अधिकृत राम पुकार यादवले संचालन गरेको  कार्यक्रममा जिल्ला समन्वय समितिका प्रमुख कौशल किशोर सिंह,नगर उपप्रमुख शकुन्तला देवी साह,प्रमुख प्रशासकीय अधिकृत रंजित कुमार यादव ,सूचना अधिकृत राजकुमार अधिकारी,प्रहरी उपरीक्षक ,नेपाली काँग्रेस नहर कमिटी अध्यक्ष चन्द्र किशोर साह,वडा न-१२ का वडाअध्यक्ष राम दरेश यादव,सामी हेल्भेटासका प्रतिनिधि ,मानवअधिकारकर्मी मुकेश मिश्र,नगरपालिकाका कर्मचारीहरु तथा पत्रकारहरु लगायतको उपस्थिति रहेको थियो।

 अचलगढ प्राथमिक स्वास्थ्य केन्द्रलाई स्वास्थ्य सामाग्री हस्तान्तरण 

  

लोकतन्त्र समाचारदाता----

सर्लाही,मंसिर ३०

    सर्लाही जिल्लाको बलरा नगरपालिका  अन्तर्गतको अचलगढ प्राथमिक स्वास्थ्य केन्द्र  (PHC)लाई स्वास्थ्य सामाग्री हस्तान्तरण गरिएको छ । सेभ द चिल्ड्रेनको आर्थिक सहयोगमा राष्ट्रिय रोजगार प्रबर्द्धन केन्द्र मलंगवाले PHC का इन्चार्ज नितेश कुशवाहालाई विभिन्न स्वास्थ्य सामाग्रीजरु हस्तान्तरण गरिएको हो ।

   स्वास्थ्य सामाग्रीहरूमा Baby warmer,IV stand,Perilight,Emergency medicine trolley लगायतका सामाग्रीहरु हस्तान्तरण गरिएको संस्थाले जनाएको छ।

मलंगवामा सिकाई अनुभव आदानप्रदान कार्यक्रम सम्पन्न

 

मलंगवामा सिकाई अनुभव आदानप्रदान कार्यक्रम सम्पन्न

लोकतन्त्र समाचारदाता----

सर्लाही,मंसिर ३०

     सर्लाहीको सदरमुकाम मलंगवा नगरपालिकामा सहयात्रा र एक्टिभ परियोजना मार्फत समावेशी शिक्षामा प्राप्त सिकाई अनुभव आदानप्रदान कार्यक्रम सम्पन्न भएको छ । शिक्षाका लागि राष्ट्रिय अभियान नेपाल (NEC Nepal)को आयोजना र भि.एस.ओ को प्राविधिक सहयोगमा कार्यक्रम सम्पन्न भएको हो।

      NEC Nepal का सर्लाही जिल्ला संयोजक राजेश पासवानको अध्यक्षतामा भएको कार्यक्रममा भि.एस.ओ का कार्यक्रम व्यवस्थापक श्याम सिंह धामी र परामर्शदाता रेवती ढकालले परियोजनाको बारेमा जानकारी गराउनुका साथै विद्यालय शिक्षा सम्बन्धि कानुनलाई संशोधन र एकिकरण गर्न बनेको विधेयक २०८० मा शिक्षाका लागि राष्ट्रिय अभियान नेपाल लगायत शिक्षा र बालबालिकाको क्षेत्रमा कार्यरत नागरिक समाजका विभिन्न संघसंस्था तथा शिक्षाविद् द्वारा एकीकृत रुपमा तयार पारिएको दफादार टिप्पणीहरुको सम्बन्धमा अनुभव आदानप्रदान गर्दै सुझाव संकलन गरेका थिए।

   शुक्रवार मलंगवा स्थित सुजाता होटलमा सम्पन्न भएको कार्यक्रममा ,मलंगवा नगरपालिकाकी उपप्रमुख शकुन्तला देवी साह,NEC Nepal का केन्द्रीय सचिव टेकराज अवस्ति,मलंगवा न.पा का प्रतिनिधि राम पुकार राय,नागरिक समाज सर्लाहीका अध्यक्ष उग्रकान्त झा,बाल कल्याण समाजका अध्यक्ष सुन्दर श्याम यादव,नेपाल राष्ट्रिय दलित समाज कल्याण संघका सदस्य प्रमोद पासवान ,राम गुलाम मावि भाँडसरका प्राधानाध्यापक मनोज कुमार कुशवाहा,महिला अधिकारकर्मी ममता साह लगायत ३० जनाको सहभागीता रहेको थियो।

    प्रदेश स्तरमा मुख्यमन्त्रीको उपस्थितिमा सुझाव संकलन तथा अध्यन प्रतिवेदन माथि छलफल गर्न मंसिर ३० गते जनकपुरघाममा पनि कार्यक्रम हुने आयोजकले जनाएको छ।

मानव अधिकार वर्ष पुस्तक २०२४ का लागि वार्षिक पुर्व समीक्षा कार्यक्रम सम्पन्न

 

मानव अधिकार वर्ष पुस्तक २०२४ का लागि वार्षिक पुर्व समीक्षा कार्यक्रम सम्पन्न

लोकतन्त्र समाचारदाता----

सर्लाही,मंसिर ३०

   नेपाल मानव अधिकार वर्ष पुस्तक २०२४ का लागि संकलन गरिएका  घटनाहरूको प्रकाशन पूर्व वार्षिक समीक्षा शुक्रवार सर्लाहीको सदरमुकाम मलंगवामा सम्पन्न भएको छ।

   कार्यक्रममा इन्सेक सर्लाही जिल्ला प्रतिनिधि बुधन साहले ०७९ साल पुस १७ गतेदेखि २०८० साल मंसिर २६ गतेसम्म संकलन गरिएका जम्मा १४७ वटा घटनाहरु प्रस्तुत गरेका थिए।

    एकवर्षको अवधिमा सर्लाही जिल्लामा परिवार जनबाट हत्या  ३,अन्यबाट हत्या २,दुर्ववहारका घटना ४ ,बलात्कार, बलात्कार प्रयास बालिका र महिलाहरु गरि जम्मा ५२ वटा घटना, मानव बेचविखनको ४, तोडफोडका ३,बहुविवाहका ९,बोक्सीको ५,झडप तथा कुटपिटका ९,दाइजो प्रथाका ६,जातिय विभेदका ५,गोली प्रहार अपरिचितबाट १,घरेलु हिंसाका ४२ र अपहरणको प्रयासका २ वटा घटनाहरु भएको जिल्ला प्रतिनिधि साहले जानकारी गराएका थिए। कार्यक्रममा प्रस्तुत गरिएका घटनाहरुमा ३१ जनाको गिरफ्तारी भएको साहले जानकारी गराए।

   जिल्ला समन्वय समितिको सभाहलमा सम्पन्न भएको कार्यक्रममा मलंगवा नगरपालिकाकी उपप्रमुख शकुन्तला देवी साह,प्रमुख जिल्ला अधिकारी,कोमल प्रसाद धमला,मानवअधिकारको क्षेत्रमा कामगर्ने विभिन्न संघसंस्थाका प्रमुख तथा प्रतिनिधि लगायतको सहभागीता रहेको थियो।

एकैसाथ १२ हजार ब्यक्तिलाई रोजगारी दिएको नेपालको नम्बर १ सहकारी संस्था राजश्रीको शेयर पूंजी ७४ करोड भन्दा बढी

 

एकैसाथ १२ हजार ब्यक्तिलाई रोजगारी दिएको नेपालको नम्बर १ सहकारी संस्था राजश्रीको शेयर पूंजी ७४ करोड भन्दा बढी

मनोज यादव----

सर्लाही,मंसिर २८

     एकैसाथ १२ हजार व्यक्तिहरुलाई प्रत्येक्ष रोजगारी दिन सफल नेपालकै सबै भन्दा ठूलो तथा प्रथम स्थान ओगट्न सफल सर्लाहीको मलंगवामा रहेको राजश्री सेविंग्स एण्ड क्रेडिट को–आपरेटिभ सोसाइटी लिमिटेडको २३ औँ वार्षिक साधारण सभा सम्पन्न भएको छ । बुधबार मलंगवा स्थित सुजाता होटलमा आयोजित एक समारोहबीच राजश्रीको साधारणसभा सम्पन्न भएको हो ।

   पुर्वमन्त्री  रामचन्द्र रायको प्रमुख आतिथ्यतामा भएको कार्यक्रममा  संस्थाका कार्यकारी अध्यक्ष नागेन्द्र प्रसाद यादवले आर्थिक वर्ष २०७९/०८० को आय–व्यय प्रस्तुत गरेका थिए ।अध्यक्ष यादवले प्रस्तुत गरेको वासलातमा उल्लेख भए अनुसार संस्थाको एक वर्षको अवधिको निक्षेप संकलन १६ अर्व २५ करोड १४ लाख ३३ हजार रुपैयां रहेको छ भने श्रृण लगानी  १३ अर्ब ६ करोड ५७ लाख ९९ हजार रुपैया रहेको  छ । संस्थाले सोही आर्थिक वर्षमा ७६ लाख २० हजार ४ सय ४६ रुपैयां नाफा कमाएको अध्यक्ष यादवले जानकारी दिए ।

    कार्यक्रममा स्वागत मन्तव्य राख्दै प्रबन्ध निर्देशक राम लक्षण रायले राजश्री नाफामा गएको संस्था रहेको बताउँदै संस्थालाई नाफामा पुर्याउन र देशमै नम्बर एक बनाउनमा सहयोग पुर्याउन सम्पुर्ण कर्मचारी, सेयरधनी, बचतकर्ता, फिल्ड कर्मचारीहरुको ठूलो योगदान रहेको भन्दै संस्थाको तर्फबाट धन्यवाद दिएका थिए। सोही अवसरमा संस्थाको तर्फबाट कार्यकारी अध्यक्ष यादवले संस्थाको सेवा केन्द्र  मलंगवामा सबै भन्दा बढी ५ करोड ७८ लाख रुपैया निक्षेप असुल गरेर उत्कृष्ट फिल्ड कर्मचारी बन्न सफल भएका मलंगवाका खुशीलाल यादवलाई कदरपत्र र पुरस्कारद्वारा सम्मानित गरेका थिए ।यादवसंगै दोस्रो स्थान हासिल गरेका राकेश मल्लिक र तेस्रो स्थान हासिल गर्न सफल भएका संतोष साहलाई पनि कार्यकारी अध्यक्ष यादवले कदर पत्र र पुरस्कारद्वारा सम्मानित गरिएको थियो ।

पूर्व मन्त्री  रामचन्द्र रायको प्रमुख आतिथ्यमा सम्पन्न कार्यक्रममा विशिष्ट अतिथि मधेस प्रदेश सांसद कौशल किशोर राय, पुर्व सांसद लक्षमण राय, राजश्रीका मुख्य प्रबन्धक राजनहरी श्रेष्ठ ,समाजसेवी एवं व्यापारी संजय गुप्ता , संस्थाका उपाध्यक्ष सत्यनारायण अग्रवाल, संचालक समितिका सदस्य, विभिन्न सेवा केन्द्रका कार्यालय प्रमुख, कर्मचारी, सेयरधनी, बचतकर्ता तथा पत्रकारहरु लगायतको उपस्थिति रहेको थियो । कार्यक्रममा सगरमाथा आवासीय प्राथमिक  विद्यालय मलंगवाका विद्यार्थीहरुले विभिन्न साँस्कृतिक कार्यक्रम प्रस्तुत गरेका थिए भने कार्यक्रमको संचालन सुवोधहरि राजोपाध्यायले गरेका थिए।

 सर्लाहीको हरिपुर्वामा गोली चलाएर सहकारीका एक कर्मचारीसँग ५ लाख लुटियो

मनोज यादव---

सर्लाही,मंसिर २८

    सर्लाहीको हरिपुर्वामा अज्ञात लुटेराहरुले गोली चलाएर सहकारी संस्थामा कार्यरत एक कर्मचारीसँग ५ लाख  रुपैयाँ लुटेर फरार भएको छ। 

हरिपुर्वा नगरपालिका वडा न–५ स्थित जयगंगा बचत तथा ऋण सहकारीको शाखा कार्यालय बसन्तपुरका लागि एनआइसी बैंकबाट निकालिएको ५ लाख रकम लूटपाट भएको हो । 

   हरिपुर्वा स्थित एनआइसी बैंकबाट जयगंगा सहकारी बसन्तपुर शाखाका प्रवन्धक रामनाथ राय र त त्यहाँ कार्यरत कर्मचारी नीरा रायले ५ लाख नगद झिकीशाखा कार्यालय तर्फ जाने क्रममा हरिपुर्वा वडा न–६ हनुमान चोक नजिकबाट हवाइ फायर गरेर लूटपाट भएको जयगंगा सहकारीकाअध्यक्ष गणेश कुमार यादवले बताए । उनका अनुसार बैंकबाट पैसा भिकेर ना १५ प ९८९२ नम्बरको मोटरसाइकलमा जाँदै गरेका शाखा प्रवन्धकको टोलीलाई नम्बर नखुलेको अपाचे मोटरसाइकलमा सवार दुई जनालेले रोकेर पैसाको झोला मागेका थिए । पैसाको झोला दिन नमानेपछि लूटेरा समुहले हवाई फायर गरेर पैसा बोकेको झोला खोसेर छिमेकी जिल्ला महोत्तरी तर्फ फरार भएका थिए।

   प्रहरीले लुटपाटमा संलग्नको खोजी कार्य तीव्र पारेको जनाएको छ ।प्रहरीको टोली  हरिपुर्वा आसपासका क्षेत्रमा आवतजावत गरिरहेका मोटरसाइकलहरुलाई रोकेर कडाईका साथ चेकजाँच गरिरहेको जिल्ला प्रहरी कार्यालय सर्लाहीका प्रवक्ता डिएसपी  दिपेन्द्र पंजियार थारुले जानकारी दिए। 

सर्लाहीको मलंगवा र कौडेनामा पालिका स्तरमा नीतिगत पैरवी कार्यक्रम सम्पन्न

 

सर्लाहीको मलंगवा र कौडेनामा पालिका स्तरमा नीतिगत पैरवी कार्यक्रम सम्पन्न

लोकतन्त्र समाचारदाता----

सर्लाही,मंसिर २५

     EU को आर्थिक सहयोग  तथा  VSO को नेतृत्वमा जनजागरण युवा क्लब (JJYC)बारा द्वारा संचालित सहयात्रा परियोजना अन्तर्गत सोमबार सर्लाहीको मलंगवा र कौडेनामा नीतिगत मुल प्रवाहिकरणका लागि पालिका स्तरमा नीतिगत पैरवी कार्यक्रम सम्पन्न भएको छ।कौडेनामा गाउँपालिका उपाध्यक्ष नगीना देवीको प्रमुख आतिथ्यता तथा मलंगवा र कौडेनामा  युवा क्लबका कोषाध्यक्ष सियाराम यादवको अध्यक्षतामा कार्यक्रम सम्पन्न भएको हो।

     सोमबार मलंगवा नगरपालिका र कौडेना गाउँपालिकामा भएको कार्यक्रममा  शिक्षालाई मुलप्रवाहिकरण गर्न ,लैंगिक प्राथमिकतामा आधारित बजेट विनियोजन गर्न र अनिवार्य शिक्षा ऐन २०७५ को दफा १९ अनुसार २०८५ बैशाख १ गतेसम्म सबैले कसरी आधारभूत शिक्षा हासिल गर्न सक्छन भन्ने विषयमा सरोकारवालाहरु सँग वृहत् रुपमा छलफल गरिएको थियो। छलफलको क्रममा सहभागीहरुले स्थानीय तहहरुले नि:शुल्क रुपमा सार्वजनिक शिक्षा प्रदान गर्नु पर्ने साथै शिक्षालाई प्रविधि मैत्री बनाउनु पर्नेमा जोड दिएका थिए। यसमा अभिभावकहरुलाई पनि उत्तिकै सचेत हुनपर्ने  उनीहरूको भनाइ थियो।

    मलंगवा नगरपालिकाको वडा न-३ स्थित महेन्द्र होटलमा भएको कार्यक्रममा JJYC का कार्यक्रम प्रबन्धक मनोज यादव,भिएसओ का देवी न्यौपाने ,प्रेरणाका कार्यसमिति सदस्य मुकेश झा,संयोजक राजु लामा,कौडेना गा.पा का प्रमुख प्रशासकीय अधिकृत शम्भु प्रसाद यादव,शिक्षाका लागि राष्ट्रिय अभियान नेपाल (NCE Nepal)सर्लाहीका संयोजक राजेश पासवान,मलंगवा नपा र कौडेना गापा का कार्यपालिका सदस्यहरु,वडाअध्यक्षहरु,विभिन्न शाखाका शाखा प्रमुखहरु र नागरिक समाजका अगुवाहरु लगायतको सहभागीता रहेको थियो।

 

 ७५ औं मानवअधिकार दिवसको अवसरमा मलंगवा नगरपालिकाका नगरप्रमुख नागेन्द्र प्रसाद यादव सम्मानित 

  

लोकतन्त्र समाचारदाता ----

सर्लाही,मंसिर २५

   ३२ औं अन्तर्राष्ट्रिय लैंगिक हिंसा बिरुद्धको १६ दिने अभियान विभिन्न कार्यक्रमहरु गरि आइतवार मलंगवामा सम्पन्न भएको छ। ७५ औं मानवअधिकार दिवसको अवसरमा मलंगवा नगरपालिकाले नगर प्रमुख नागेन्द्र प्रसाद यादवको अध्यक्षता तथा मधेस प्रदेश सांसद कौशल किशोर रायको प्रमुख आतिथ्यतामा  आयोजना गरेको कार्यक्रमका बिच १६ दिने अभियानको समापन गरिएको हो।

     मलंगवा स्थित महेन्द्र होटलमा भएको कार्यक्रममा आयोजक नगरपालिकाले लैंगिक हिंसा बिरुद्धको १६ दिने अभियानलाई सफल बनाउन आ-आफ्नो स्तरबाट सहयोग पुर्याएका नगरप्रमुख यादवसहित वडा न-१ का वडाअध्यक्ष नवल किशोर राय,वडा न-२ का वडाअध्यक्ष धिरेन्द्र साह र वडा न- ३ का वडाअध्यक्ष प्रमोद रायलाई कदरपत्रसहित दोसल्ला ओढाएर सम्मान गरेका थिए।मंसिर ९ गतेदेखि मंसिर २४ गतेसम्म चलेको लैंगिक हिंसा  विरुद्धको १६ दिने अभियानको अवधीभर अभियानलाई सफल बनाउन सहकार्य गरेका शिक्षाका लागि राष्ट्रिय अभियान नेपाल  ( NCE Nepal ) सर्लाही ,ओरेक सर्लाही ,नेपाल राष्ट्रिय दलित समाज कल्याण संघ (NNDSWO ) ,मानव अधिकार रक्षक  संजाल ,साप नेपाल ,पहिचान नेपाल लगायत दुई दर्जन स्थानीय साझेदार संस्थालाई पनि सोही अवसरमा कदरपत्रका सम्मानित गरिएको थियो।

   कार्यक्रममा प्रमुख जिल्ला अधिकारी कोमल प्रसाद धमला,प्रहरी उपरीक्षक प्रविण धिताल,नेपाली सेनाका सेनानी राजन कँडेल ,राष्ट्रिय अनुसंधान सर्लाहीका प्रमुख संतोष ढुंगेल , मलंगवा नगरपालिका अन्तर्गत विभिन्न वडाका वडाअध्यक्ष,विभिन्न गैरसरकारी संघसंस्थाका प्रमुख तथा प्रतिनिधि ,मानवअधिकारकर्मी,समाजसेवी ,पत्रकार लगायतको उपस्थिति रहेको थियो।

   कार्यक्रमको संचालन मैथिली गायक संतोष कर्णले गरेका थिए।

  बलरामा स्वास्थ्य  तथा पोषण सम्बन्धि नीति निर्माणको लागि सुझाव संकलन 

लोकतन्त्र समाचारदाता---

सर्लाही,मंसिर २२

सेभ द चिल्ड्रेन तथा राष्ट्रिय रोजगार प्रबर्द्धन केन्द्र मलंगवाको आर्थिक सहयोगमा सर्लाहीको बलरा नगरपालिकाले स्वास्थ्य तथा पोषण नीति निर्माणको लागि  सुझाव संकलन गरेको छ।

    नगरप्रमुख रामाशंकर कुशवाहाको अध्यक्षतामा अचलगढ प्राथमिक स्वास्थ्य केन्द्रमा सुझाव संकलका लागि बिहीबार र शुक्रवार आयोजना भएको कार्यशाला गोष्ठीमा सहभागी भएका स्थानीयबासी,स्वास्थ्यकर्मी ,स्वास्थ्य स्वयंसेवक ,स्थानीय जनप्रतिनिधि लगायतकाहरु सँग बलरा न.पा मा  स्वास्थ्य तथा पोषण सम्बन्धि के-कस्ता कार्यक्रमहरु कसरी संचालन गर्ने भन्ने विषयमा सुझाव संकलन गरि प्रारम्भिक मस्यौदा  तयार गरिएको आर.आर.पी.के का स्वास्थ्य अधिकृत  सृजना घिमिरेले जानकारी गराउनु भएको छ।

    स्वास्थ्य शाखा प्रमुख बालकिशोर यादवले संचालन गरेको कार्यक्रममा नगर उपप्रमुख,कार्यपालिका सदस्यहरु,  आर.आर.पी.के का अध्यक्ष गायत्री देवी,उपाध्यक्ष बजरंगबली साह,कोषाध्यक्ष पिंकी साह र सेभ द चिल्ड्रेनका पदाधिकारीहरु लगायतको उपस्थिति रहेको थियो।

मेलम्चीको पानी पथान्तरण गर्ने प्रकृया अगाडि बढाइने

 

सत्यप्रकाश यादव ---

काठमाडौ ।

आज मिति २०८०।८।२० गते वुधवारका दिन खानेपानी मन्त्रालयको सभाहलमा माननीय खानेपानी मन्त्री श्री महिन्द्र राय यादवज्यूको अध्यक्षतामा काठमाडौं उपत्यकाभित्रका तीनै जिल्लाबाट प्रतिनिधि सभामा प्रतिनिधित्व गर्ने माननीय सांसदज्यूहरू, काठमाडौं उपत्यकाभित्रका सबै स्थानीय तहका प्रमूखज्यूहरू एवम् प्रतिनिधिज्यूहरू,  हेलम्वु गाउँपालिकाका अध्यक्षज्यू, उपभोक्ता समितिका प्रतिनिधिज्यूहरू तथा सम्बन्धित सरोकारवालाहरू समेतको समुउपस्थितिमा काठमाडौं उपत्यका भित्रका खानेपानी तथा सरसफाइ क्षेत्रको सम्पत्तिको दिगो व्यवस्थापन र संचालन तथा प्रभावकारी नियमनको व्यवस्था गर्ने, काठमाडौं उपत्यका खानेपानी लिमिटेडको वित्तिय र प्राविधिक क्षमतामा सुधार गरी खानेपानी सेवा वितरणमा गुणस्तर वृद्धि गर्न काठमाडौं उपत्यका खानेपानी व्यवस्थापन बोर्ड, काठमाडौं उपत्यका खानेपानी लिमिटेड र आयोजना कार्यान्वयन निर्देशनालयको पुनर्संरचना तथा मेलम्ची खानेपानी आयोजनाको दिगो समाधानको लागि Short, Medium and Long term Solution सम्बन्धी Project Scope निर्धारण तथा इन्टेक स्थान्तरण सम्बन्धमा पृष्ठपोषण संकलन गर्ने उद्देश्यका लागि छलफल कार्यक्रम सम्पन्न भयो ।   

उक्त बैठकमा मूख्यतः सुख्खायाम शुरू भईसकेको अवस्थाले गर्दा काठमाडौं उपत्याकाभित्र खानेपानीको समस्या दिनप्रतिदिन बढ्दै गएको सन्दर्भमा तत्काल मेलम्चीको पानी पथान्तरण गर्ने प्रकृया अगाडि बढाउनुपर्ने भन्ने सुझाव प्राप्त हुन आएको छ । यस्तै स्थानीय तहहरूमा अवस्थित पानीका श्रोतहरूको पहिचान, प्रयोग, संरक्षण तथा पूनर्भरण सम्बन्धमा पनि राम्रा सुझावहरू आएका छन् । काठमाडौं उपत्यकाभित्र खानेपानी व्यवस्थापनमा संलग्न निकायहरूको पूनर्संरचना सम्बन्धमा अझ व्यापक छलफल गरी निर्णय गर्नुपर्ने धारणा उपस्थित माननीयज्यूहरू तथा नगरप्रमूखज्यूहरूबाट आएको हुँदा आगामी दिनमा प्राप्त पृष्ठपोषण तथा सुझाव अनुसार खानेपानी मन्त्रालयले योजना तयार गरी आफ्ना कार्यक्रमहरू कार्यान्वयन गर्दै जाने प्रतिवद्धता जनाएको छ ।

पोलभरी झुन्डिएकाअव्यवस्थित तारहरुका कारण कुरुप बन्दै मलंगवा शहर के गर्दै छ नगरपालिका ?

 

 पोलभरी झुन्डिएकाअव्यवस्थित तारहरुका कारण कुरुप बन्दै मलंगवा शहर 

   के गर्दै छ नगरपालिका ?

मनोज यादव----

सर्लाही,मंसिर २०

     सर्लाहीको सदरमुकाम मलंगवाका हरेक गल्ली, चोक र मोडमा तारहरु लत्रिएका छन्। बिजुली तथा दुरसञ्चारका पोहहरुमा बिजुली टेलिफोन र इन्टरनेटका तारहरु बटारिएका छन् भने कयौैँ  पोलका तारहरु भुँइमा छुनेगरि झुन्डिएका छन् । अव्यवस्थित रूपमा झुन्डिएका तारहरुले सदरमुकामलाई कुरूप बनाएको छ। ती झुन्डिएका तारहरुका कारण कतिबेला दुर्घटना निम्तिने हो  ठेगान छैन। 

   अव्यवस्थित तारका कारण  जोखिम बढे पनि त्यसको समाधानतर्फ सरोकारवाला निकायको ध्यान पुगेको देखिदैंन । मलंगवाको मेन चौक, बालमन्दिर चौक, पुरानो बसपार्क लगायतका मुख्य स्थान तथा गल्लीहरुमा  जोखिमपूर्ण अवस्थामा विजुली, इन्टरनेट र टेलिफोनका तारहरु लत्रिएको र झुन्डिएको देख्न सकिन्छ । यस्ता तारहरुको व्यवस्थापनमा ध्यान नपुर्‍याउँदा जुनसुकै बेला पनि दुर्घटना हुन सक्ने स्थानीयहरुले बताए।विशेषगरी भूकम्प, आगलागी, हावाहुरी जस्ता प्राकृतिक विपदामा  झनै जोखिम बढ्ने स्थानीय बासिन्दाहरु बताउँछन्। 

   तार व्यवस्थापनमा सम्बन्धित निकायको बेवास्ताका कारण जोखिम  बढेको स्थानीय राकेश यादवले बताए । विद्युत् प्राधिकरणका कर्मचारीलाई पनि कुन सेवाग्राहीको कुन तार हो भन्ने छुट्याउन मुस्किल पर्ने गरेको छ। इन्टरनेटमा समस्या आउँदा प्राविधिकलाई पनि काम गर्न समस्या हुने गरेको मलंगवा वडा न ९ का एक औषधि व्यवसायी गणेश श्रेष्ठले सुनाए।

     डिस होम फाइबर नेटका आधिकारिक बिक्रेता सुवास गुप्ताका अनुसार इन्टरनेट कम्पनीहरुले प्रत्येक पोलको नेपाल सरकारलाई राजस्व तिर्दै आइरहेकोले यसको व्यवस्थापन गर्ने र राजस्व नतिर्ने कम्पनीको तार काट्ने जिम्मेवारी सम्बन्धित निकायको रहेको छ।

   तार व्यवस्थापनको लागि नगरपालिकाले के कस्तो कदम चाल्दै छ भन्ने विषयमा जानकारी लिन मलंगवा नगरपालिकाको कार्यालयमा पुग्दा सूचना अधिकृत राजकुमार अधिकारीले सडक निर्माणको काम चलिरहेकोले पोलहरु अस्तव्यस्त भएको र केही स्थानमा व्यवस्थापन पनि गरिसकेकोले थप व्यवस्थापन गर्नको लागि केही दिनभित्रै नेटवर्क कम्पनीहरुलाई पत्राचार गरि बैठक बोलाएर कसोगरि तारहरु व्यवस्थित गर्न सकिन्छ भन्ने निस्कर्ष निकाल्न लागेको जानकारी गराउनुभयो।

    बजार क्षेत्रका सडकमा टाँगिएका होचा तार ठूला सवारीसाधनले चुँडाल्ने र बिगार्ने हुँदा लाइन सट हुने जोखिम उत्तिकै रहेको  छ। पोलभरी लत्रिएका र झुन्डिएका तारहरु प्रति न त बिजुली कार्यालयको ध्यान छ ,न त टेलिकम र कुनै इन्टरनेट कम्पनीको । कतिबेला कसको धनजनको क्षति हुने हो, टुंगो छैन।

 मलंगवामा मनाइयो ३२ औं अन्तर्राष्ट्रिय अपाङ्गता दिवस

लोकतन्त्र समाचारदाता---

सर्लाही,१८

    राष्ट्रिय मधेशी अपाङ्ग महासंघ नेपाल तथा अपाङ्गता जिल्ला समन्वय समिति सर्लाहीको संयुक्त आयोजनामा ३२ औं अन्तर्राष्ट्रिय अपाङ्ग दिवस विविध कार्यक्रमहरु आयोजना गरि मनाइएको छ ।जिल्ला समन्वय समिति सर्लाहीका प्रमुख कौशल किशोर सिंहको प्रमुख आतिथ्यतामा आइतवार सदरमुकाम मलंगवामा पनि दिगो विकास लक्ष्य प्राप्तिको प्रतिबद्धता, अपाङ्गता भएका व्यक्तिको अपनत्व र नेतृत्व सहितको ऐक्यबद्धता भन्ने नाराका साथ यो दिवस मनाइएको छ ।

    अपाङ्गता जिल्ला समन्वय समिति सर्लाहीका अध्यक्ष विरेन्द्र यादवको अध्यक्षतामा भएको कार्यक्रममा संस्थाको तर्फबाट अपांगता भएका १ जना ब्यक्तिलाई एकजोर बैसाखी र ६१ जनालाई हाइजेनिक कीट प्रदान गरिएको छ।

  अपाङ्गता भएका व्यक्तिहरुको हक अधिकारका सवालहरुलाई विश्वव्यापी रुपमा उजागर गर्न सन् १९९२ देखि संयुक्त राष्ट्रसंघको आह्वानमा संसारभरि हरेक वर्ष ३ डिसेम्बरका दिन यो दिवस मनाउने गरिन्छ ।

  जिल्ला समन्वय समितिको सभाहलमा भएको कार्यक्रममा देवनारायण ,नन्द किशोर ठाकुर,नरेश राय,पत्रकार बख्तियार अली ,जिल्लाको विभिन्न पालिकाबाट आएका अपाङ्गता भएका ब्यक्तिहरु लगायतको उपस्थिति रहेको थियो।

 सर्लाहीको सदरमुकाम मलंगवामा यातायात व्यवस्था कार्यालयको उद्घाटन सम्पन्न 

मनोज यादव---

सर्लाही,मंसिर १८

    सर्लाहीको सदरमुकाम मलंगवामा यातायात व्यवस्था कार्यालयको समुद्घाटन सम्पन्न भएको छ। मधेस प्रदेश सरकारका श्रम तथा यातायात व्यवस्था मन्त्री चन्दन सिंहले जिल्ला समन्वय समितिको भवनमा स्थापना भएको यातायात व्यवस्था कार्यालयको आइतवार एक समारोहका बिच उद्घाटन गरेका छन् ।

    कार्यालयको उद्घाटन गर्दै मन्त्री सिंहले घरघरमा जनताराजको स्थापना गर्न आफु र आफ्नो पार्टी लागिपरेको बताए।जनमत पार्टीबाट मन्त्री बनेका मन्त्री सिंहले हाम्रो पार्टीले श्रम तथा यातायात व्यवस्था मन्त्रालय र शिक्षा मन्त्रालय गरि  दुईवटा मन्त्रालय पाएको र ती दुबै मन्त्रालय जनतासँग प्रत्येक्ष सरोकार राख्ने भएकोले पार्टीको सिद्धान्त बमोजिम जनताराजको स्थापना गरि जनताको घरघरमा सेवा पुर्याउन आफु र आफ्नो पार्टी लागिपरेका बताए ।अनलाइन सिस्टमको व्यवस्था गरिएकोले लाइसेन्स लिनको लागि प्रदेशको जुनसुकै ठाउँबाट आवेदन फारम भर्न सक्ने मन्त्री सिंहले बताए ।

 उनले यातायात कार्यालय जनतासँग  सरोकार राख्ने कार्यालय भएकोले यसको स्थापनापश्चात सर्लाहीका जनताहरूले प्रत्यक्ष रूपमा फाइदा पाउने  बताए । 

   यातायात  कार्यालय नहुदाँ यहाँका जनताहरूले सवारी साधनको कर बुझाउन,लाइसेन्स लिन,सवारी दर्ता गराउन लगायतका कामका लागि महोत्तरीको बर्दिबास,बिरगंज ,जनकपुरधाम लगायतका स्थानमा जानुपर्ने बाध्यता रहेको थियो ।समयमा शुल्क बुझाउन नसक्दा करभन्दा पनि जरीवाना तिर्नुपर्ने अवस्था रहेको थियो। कार्यालय स्थापनासँगै जनताको पैसा र समय दुवै बचत हुने भएको छ । 

    उद्घाटन कार्यक्रममा प्रदेस सांसद जंगीलाल राय,कौशल किशोर राय,उपेन्द्र महतो,पुर्व मन्त्री हरि उप्रेती ,पुर्व सांसद प्रमोद साह ,जिल्ला समन्वय समिति सर्लाहीका प्रमुख कौशल किशोर सिंह,जि.स.स उपप्रमुख जितेन्द्र कुशवाहा ,प्रमुख जिल्ला अधिकारी कोमल प्रसाद धमला लगायतका अतिथिहरुको उपस्थिति रहेको थियो।

  

शिक्षाका लागि राष्ट्रिय अभियान नेपाल द्वारा मलंगवामा सम्वाद कार्यक्रम सम्पन्न

     

   शिक्षाका लागि राष्ट्रिय अभियान नेपाल द्वारा मलंगवामा सम्वाद कार्यक्रम सम्पन्न 

लोकतन्त्र समाचारदाता---

सर्लाही,मंसिर १४

     नि:शुल्क गुणस्तरीय सार्वजनिक शिक्षामा लैंगिक  हिंसाको प्रभाव बिषयक एकदिने सम्वाद कार्यक्रम सर्लाहीको सदरमुकाम मलंगवामा सम्पन्न भएको छ। शिक्षाका लागि राष्ट्रिय अभियान नेपाल जिल्ला समिति सर्लाहीको आयोजनामा बिहीबार  जिल्ला समन्वय समितिको हलमा कार्यक्रम सम्पन्न भएको हो।

   कार्यक्रमका प्रमुख अतिथि जिल्ला समन्वय समितिका प्रमुख कौशल किशोर सिंहले सार्वजनिक सिक्षाको गुणस्तर खस्किंदै गएकोमा चिन्ता व्यक्त गरेका थिए। उनले यसलाई सुधार गर्न स्थानिय पालिकाले नियमित रुपमा अनुगमन गर्नुपर्ने बताए । यस्तै कार्यक्रमका विशिष्ठ अतिथि प्रमुख जिल्ला अधिकारी कोमल प्रसाद धमलाले अधिकांश लैंगिक हिंसाका घटनाहरु  घर ,स्कुल तथा कार्य स्थलमा हुने गरेकोले यसलाई न्युनिकरण गर्न आ-आफ्नो स्तर र ठाउँबाट लाग्न सुझाव दिए।

    अभियानका जिल्ला संयोजक राजेश पासवानको अध्यक्षतामा सम्पन्न भएक कार्यक्रममा नागरिक  समाज सर्लाहीका महासचिव शिवचन्द्र चौधरी ,महिला अधिकारकर्मी ममता साह ,मानव अधिकार कर्मी मुकेश मिश्र , समाजिक  अभियन्ता सुन्दर श्याम यादव ,बिरेन्द्र गुप्ता ,रन्जना देउवा ,शुसिला ठाकुर ,राम गुलाम मा बि भाँडसरका प्राधानाध्यापक मनोज कुमार कुशवाहा लगायत पत्रकारहरुको उपस्थिति रहेको थियो।

   

     

   

 तलब नपाएको भन्दै चन्द्रनगरका शिक्षक तथा कर्मचारहरु धर्नामा

मनोज यादव----

सर्लाही,मंसिर १३

       चन्द्रनगर गाउँपालिकाका अन्तर्गतका सामुदायिक विद्यालयका शिक्षक तथा कर्मचारीहरु बिगत चार महिना देखिको तलब नपाएको भन्दै धर्ना दिएका छन् । उनीहरुले गाउँपालिका कार्यालयको मुल गेटमा धर्ना दिएका हुन् । 

   गाउँपालिका भित्रका १२ वटै सामुदायिक विद्यालयका शिक्षक तथा पालिकामा कार्यरत कर्मचारीहरु आर्थिक वर्ष २०८०/०८१ को श्रावण महिनादेखि हालसम्म साथै दशै,तिहार र छठ जस्तो पर्वमा समेत गाउँपालिकाले तलब भत्ता उपलब्ध  गराउन नसकेको तथा विद्यालय संचालनको लागि आवश्यक पर्ने दिवा खाजा लगायतका विभिन्न शिर्षकहरुको रकम निकासा नगराएको र यसका लागि पटकपटक मौखिक छलफल गर्दा पनि हालसम्म कुनै निकासा नगरिएकोले बाध्य भएर धर्मा दिनु परेको नेपाल शिक्षक महासंघ चन्द्रनगर गाउँ समितिका अध्यक्ष सरोज कुमार सिंहले बताए ।

    तलब नपाउँदा घर व्यवहार चलाउन निकै समस्या भइरहेको धर्नामा बसेका शिक्षक तथा कर्मचारीहरुले बताएका छन् । यसबाट शिक्षक,कर्मचारी तथा बालबालिकाहरुमा मनोबैज्ञानिक ,आर्थिक तथा शैक्षिक रुपमा प्रतिकुल असर परिरहेको मासिक रुपमा पाउनुपर्ने तलब भत्ता,दिवा खाजा लगायतका विभिन्न शिर्षकका रकमहरु अविलम्ब निकासा गर्न उनीहरूले जोडदार माग गरेका छन् ।

   शिक्षकहरुको आन्दोलनमा स्थानीय तह तदर्थ समिति चन्द्रनगरले पनि एकबद्धता जनाएका छन् । मंसिर १२ गतेबाट सुरु भएको धर्ना कार्यक्रम समस्याको सामाधान नहुन्जेलसम्म जारी रहने ने.शि.महासंघ चन्द्रनगर गाउँ समितिका अध्यक्ष सिंहले जनाएको छ।

 

 मधेश प्रदेश अन्तर्गत सर्लाहीको पर्यटकीय तथा धार्मिक  नाढीमन तालको अवस्था दयनीय  

मनोज यादव---

सर्लाही,मंसिर १२

   मधेश प्रदेश अन्तर्गत सर्लाहीको चन्द्रनगर गाउँपालिका वडा न-६ मा रहेको प्रशिद्ध धार्मिक तथा पर्यटकीय स्थल नाढीमन ताल अहिले गौचरनमा परिणत भएको छ । ५२ बिगहामा फैलिएको १२ फिट गहिराइको यो ताल पुरै सुकेर अहिले बालबालिकाहरुको लागि खेल मैदान र बस्तुभाउहरुको लागि चरण स्थल बनेको छ।

    केही महिना अगाडीसम्म नाढी ताल आन्तरिक तथा बाह्य पर्यटकहरुको लागि आकर्षणको केन्द्र रहेको थियो। सिजनमा मात्र नभइ अन्य सिजनमा पनि पिकनिक खाने र घुमफिर गर्नेहरुको घुइँचो लाग्ने गरेको थियो।तर ताल सुकेदेखि पर्यटकहरु आउन छाडेकाले यहाँको व्यापारमा समेत गिरावट आएको छ।  ताल क्षेत्रमा देखिंदै आएका  विभिन्न प्रजातिका जीवजन्तु तथा चराचुरुङ्गीहरु समेत लोप भएका छन् ।

    नाढी ताललाई पर्यटकीय क्षेत्रमा विकास गर्न नेपाली सेनाले २०७२ साल चैत महिनामा ताल क्षेत्रमा  विभिन्न पर्यटकीय संरचनाहरु निर्माण गरी तत्कालीन ताल संरक्षण समितिलाई हस्तान्तरण गरेको थियो । समितिले ताल  क्षेत्र पर्यटकहरुको लागि खुल्ला गरेपछि  डुंगा चढेर तालको सयर गर्न ,अवलोकन गर्न र पिकनिक मनाएर रमाइलो गर्न सर्लाहीसहित महोत्तरी ,धनुषा तथा रौतहट जिल्ला र छिमेकी भारतबाट दैनिक हजारौंको संख्यामा मानिसहरु आउने गरेका थिए।ताल क्षेत्रमा खोलिएका पसल तथा होटलहरुमा ग्राहकहरुको भिड लाग्ने गरेको थियो।तर अहिले सुनसान बनेको छ। घुमफिर गर्ने मानिसहरु त परै जावोस् स्थानीय बासिन्दाहरु समेत आउन छाडेका छन् । अतिक्रमणको चपेटामा परेर तो ताल अहिले  ५२ बिगहाबाट घटेर ३२ मा खुम्चिएको छ ।

    यसअघि तालमा पानी हुँदा नाढीमन क्षेत्र आसपास गाउँका स्थानीय बासिन्दाहरु तालको वरिपरि सयौंको संख्यामा घाटहरु बनाएर छठ पुजा गर्दै आएका थिए। तर यसपटक भने ताल पुरै सुकेकोले कृतिम नहर खनेर छठ पुजा गर्नु परेको स्थानीयहरुले बताएका छन् ।

   चन्द्रनगर गाउँपालिकाका वडा न-३ का वडाअध्यक्ष सिताराम महतोले ताल आफै सुकेको नभइ माछा पालनको लागि ठेक्का लिएको ठेकेदारले सुकाएको बताएका छन् ।ताल सुकेपछि नजिकै रहेको अधवारा खोलामा बाँध बाँधेर तालमा पानी पुर्याउन सकिन्थ्यो तर गाउँपालिका अध्यक्ष राजकुमार महतोको कमि कमजोरी र लापरबाहीका कारण खोलाको पानी तालसम्म नपुर्याइएकोले तालको अवस्था अहिले यस्तो भएको वडाअध्यक्ष महतोले आरोप लगाए।

    लोप हुने अवस्थामा पुगिसकेको नाढी तालाई पुनः पहिलेकै अवस्थामा ल्याउन स्थानीय तहसहित प्रदेश सरकार, पर्यटन मन्त्रालय र पुरातत्व विभागले पहल गर्नुपर्ने स्थानीयहरुको भनाइ छ ।

जनप्रतिनिधिहरु बिचको आन्तरिक द्वन्द्वका कारण चन्द्रनगर गाउँपालिकाले चालू आ.व को वार्षिक बजेट,नीति तथा कार्यक्रम ल्याउन सकेन

 

जनप्रतिनिधिहरु बिचको आन्तरिक द्वन्द्वका कारण चन्द्रनगर गाउँपालिकाले चालू आ.व को वार्षिक बजेट,नीति तथा कार्यक्रम ल्याउन सकेन

मनोज यादव---

सर्लाही,मंसिर १२

   जनप्रतिनिधिहरु बिचको आन्तरिक द्वन्द्वका कारण सर्लाहीको चन्द्रनगर गाउँपालिकाले चालू आर्थिक वर्षको वार्षिक बजेट,नीति तथा कार्यक्रम ल्याउन सकेको छैन । गाउँपालिकाले चालु आर्थिक वर्षको ४ महिना पुरा हुँदा समेत वार्षिक बजेट,नीति तथा कार्यक्रम ल्याउन सकेको छैन् ।गाउँपालिका अध्यक्ष र उपाअध्यक्ष जनप्रतिनिधिहरु बिचको विवादका कारण यस्तो समस्या आएको हो।

   गाउँकार्यापालिकामा १५ जना जनप्रतिनिधिहरु रहेका भएपनि १२ जना जनप्रतिनिधिहरु गाउँपालिका उपा अध्यक्ष गीता देवी महतोको पक्षमा छन् भने  विपक्षमा अध्यक्ष राज कुमार महतो सहित ३ जना जनप्रतिनिधिहरु रहेका छन्। त्यस्तै,३९ जना गाउँ सभा सदस्यहरु मध्य ३० जना गाउँ सभा सदस्यहरु गापा उपा अध्यक्ष गीतादेवीको पक्षमा छन् भने ९ जना गाउँ सभा सदस्यहरु मात्र  गाउँपालिका अध्यक्ष महतोको पक्षमा रहेका छन् ।

    उपाध्यक्ष गीता देवीले आइतवार पत्रकार सम्मेलन गर्दै अल्पमतमा रहेको अध्यक्ष महतोले बहुमतलाई वेवास्था गर्दै आफुखुसी निर्णयहरु गर्दै भ्रष्टाचार गर्ने र आफुखुसी निर्णय गर्न नपाए कार्यक्रमहरु गर्न नदिने र त्यसको आरोप आफु उपर लगाउने गरेको बताएकी छिन्। चन्द्रनगर गाउँपालिका वडा न-३ का वडा अध्यक्ष सिताराम महतोले आफुहरु रहरले नभई बाध्य भएर अध्यक्ष महतोको विपक्षमा बोल्नु परेको बताए ।

चालु आर्थिक वर्षको वार्षिक बजेट,नीति तथा कार्यक्रमहरु असार १० गते नै गाउँसभा गरेर ल्याउनुपर्नेमा अध्यक्ष महतोले गाउँपालिकालाई कब्जा गरी आफ्नो स्वार्थ शिद्ध नहुँदा सम्म गाउँ सभा हुन नदिएको  उपा अध्यक्ष गीतादेवीले पत्रकारहरुलाई बताईन् । उनका अनुसार गाउँपालिका अध्यक्ष महतोले आफुहरु बहुमतमा रहेको भएपनि कुनै सल्लाह नगरी आफुखुुसी काम गर्ने गरेका कारण विरोध गर्नु परेको हो ।

गाउँ सभा नहुँदा गाउँपालिकाका सबै कर्माचारीहरु एवम शिक्षकहरुले तलब भत्ता खान नपाएका,सामाजिक सुरक्षा भत्ता लिन नपाएका,उपभोक्ताहरुको करिब ६ करोड भुक्तानी गर्न बाँकी रहेको साथै गाउँपालिकाको सबै विकास निर्माणका कामहरु ठप्प भएको अवस्थामा आफुहरुले पटक पटक गाउँ सभा गर्न आग्रह गरेको भएपनि गाउँपालिका अध्यक्ष महतोले अनाकानी गरि रहेको उपा अध्यक्ष महतोले बताईन्।

गाउँ सभा गर्न बहुमत जनप्रतिनिधिहरुले ४ पटक निवेदन दर्ता गराएको भएपनि अध्यक्ष महतोले गाउँपालिकालाई बन्धी बनाएको उपाध्यक्ष गीता देवीको आरोप छ।  आर्थिक वर्ष २०७९/०८० को हिसाब माग्दा असार २७ गते दिने बताएका गाउँपालिका अध्यक्ष महतोले हाल सम्म पनि हर हिसाब नदिएको वडा न-३ का वडाअध्यक्ष महतोले बताए । विकास निर्माणको कामको कार्यादेश  प्रमुख प्रशासकीय अधिकृतले दिनु पर्ने प्रावधान भएपनि गाउँपालिका अध्यक्ष महतोले सो अधिकार आफैले प्रयोग गरेको उनले बताए ।

   गापाअध्यक्ष महतोले आर्थिक वर्ष २०७९/०८० को वार्षिक बजेटमा कुन योजनाका लागि कति रकम छ ?भन्ने कुरा गाउँपालिका उपाअध्यक्ष गीतादेवी सहित कुनैपनि वडा अध्यक्षहरुलाई जानकारी नै नगराई आफुखुसी गरेको,आर्थिक वर्ष २०७९/०८० को गाउँपालिकाको वार्षिक बजेट,नीति तथा योजना समेटिएको पुस्तक हाल सम्म पनि प्रकाशन नगरिएको,वडा अध्यक्षहरुको अधिकार हनन् गर्न लागि परेका,संघिय कानुनसंग बाँझिने गरी ऐन नियमावाली कार्यविधि तथा संघिय सरकारले विकास निर्माणको काम गर्दा गाउँपालिका अध्यक्ष महतोसंग पुर्व स्विकृत लिनु पर्ने बाध्यकारी कानुन बनाएको,गाउँपालिकामा स्थायी कर्माचारीहरु हुँदा हुँदै आसेपासेलाई पोस्न करारका कर्माचारीलाई योजना शाखाको जिम्मा दिएको,आफ्नो स्वमीत्वमा राखेको रकम कुन कुन शिर्षकमा खर्च गरे भन्ने हर हिसाब देखाउन नसकेको उपाध्यक्ष गीता देवीले पत्रकार सम्मेलन मार्फत जानकारी गराएकी छिन् ।

    गाउँपालिकालाई गैर सरकारीकरण गर्न लागेका गाउँपालिका अध्यक्ष महतोले ८ करोड भन्दा बढी बजेट कुनुकुन काममा खर्च गरे,जनतासंग कुरा नामक कार्यक्रममा ७ लाख,धामी सम्मेलनमा १० लाख,सोहजन वितरणमा २२ लाख,पत्रपत्रिका खर्च ५७ लाख तथा १ वर्षमा ४ सय ७२ वटा कार्यक्रमहरु सञ्चालन गरेको भन्दै रकम सकाउने र भ्रष्टाचार गर्ने काम गरेको र सो रकमको हर हिसाब जनतालाई स्पष्ट रुपमा देखाउन आफुहरुले माग गर्दा आफुले भ्रष्टाचार गरेको फर्दाफाँस हुने भएपछि अध्यक्ष महतो अतालिएको वडा न-३ का वडा अध्यक्ष महतोले बताए ।उनले एक वर्षमा अध्यक्ष महतोले गरेको इन्धन खर्च नै भ्रष्टाचारको प्रमाण रहेको बताएका छन् ।

राष्ट्रिय योजना आयोगबाट आएको रु १ करोड र गाउँपालिकाको विकासको लागि आएको रकमबाट रु २२ लाख गरी गाउँपालिका अध्यक्ष महतोले “सोहजन आन्दोलन”को नाममा १ करोड २२ लाख अनियमितता गर्न खोजेका चन्द्रनगर गाउँपालिका वडा न-७ का वडा अध्यक्ष दिपेन्द्र कुमार चौधरीको भनाई छ ।आफुहरु चन्द्रनगर गाउँपालिकाको विकास गर्न निर्वाचित भएको र सबैको ध्यान तेता तिर जानुको सट्टा गाउँपालिका अध्यक्ष महतोको ध्यान अनियमितता तिर गएका कारण आफुहरुले विरोध गर्नु परेको चन्द्रनगर गाउंपालिका ४ का वडा अध्यक्ष राजिव सिंह दनुवारले बताए ।

मलंगवामा नवौं उद्योग दिवस मनाइयो

 

मलंगवामा नवौं उद्योग दिवस मनाइयो

५ जना उत्कृष्ट उद्योगी व्यवसायीहरु सम्मानित

लोकतन्त्र समाचारदाता---

सर्लाही,मंसिर १०

     ‘स्वदेशी उत्पादन अभियान,उद्यमीको सम्मान ’ भन्ने मुल नाराका साथ घरेलु तथा साना उद्योग कार्यालय सर्लाहीले  नवौं उद्योग दिवस मनाएको छ।कार्यालय प्रमुख जितेन्द्र किशोर गुप्ताको अध्यक्षता तथा उद्योग वाणिज्य संघ मलंगवाका सदस्य नविन कुमार झाको प्रमुख आतिथ्यतामा  मलंगवा नगरपालिका वडा न-८ स्थित कार्यालयको प्राङ्गणमा एक समारोहको आयोजना गरि उद्योग दिवस मनाइएको हो।

    दिवसको अवसरमा जिल्ला भरीबाट छानिएका ५ जना उत्कृष्ट उद्योगी,उद्यमी,व्यवसायी तथा लघु उद्यमीहरुलाई सम्मान गरिएको थियो।उनीहरूलाई कार्यालय प्रमुख गुप्ताले गमछ र टिसर्टका साथ टीका लगाएर सम्मान गरेका थिए।

   आर्थिक वर्ष २०७९/०८० मा यस घरेलु तथा साना उद्योग कार्यालय मलंगवामा सबैभन्दा बढी कृषि तथा बन जन्य उद्योग र सबैभन्दा कम निर्माण सम्बन्धि उद्योग दर्ता भएका छन।  कृषि तथा बन जन्य उद्योग ५९१,सेवामूलक २३०,उत्पादन मुलक ९६ र निर्माण सम्बन्धि ३ वटा गरि जम्मा ९२० वटा उद्योग व्यवसाय दर्ता भएको प्रमुख  गुप्ताले जनाएको छ।

 नगरपालिका स्तरीय बालश्रम शोषण तथा मानव बेचबिखन समितिको बैठक सम्पन्न 

लोकतन्त्र समाचारदाता---

सर्लाही,मंसिर ९

नगरपालिका स्तरीय बालश्रम शोषण तथा मानव बेचबिखन समितिको बैठक मलंगवामा सम्पन्न भएको छ।युनिसेफको सहयोग तथा एटविन र संरक्षण नेपालको सहकार्य तथा मलंगवा नगरपालिकासँगको समन्वयमा बालश्रम शोषण रोकथाम स्थागमन तथा मानव बेचबिखन बिरुद्ध क्षमता तथा निगरानी सुदिक्क्षण परियोजना अन्तरगत नगरपालिका स्तरीय रोकथाम समितिको बैठक सम्पन्न भएको हो।

     नगर उपप्रमुख सकुन्तला देवी साहको अध्यक्षतामा शुक्रवार सम्पन्न भएको उक्त बैठकमा रोकथाम समितिका सदस्यहरु बिचको छलफलबाट साना ठूला सबैखाले सार्वजनिक सवारीसाधनमा सन्देशमुलक स्टिकर टाँस्ने ,बालश्रमिकको पहिचानका लागि बजार अनुगमन गर्ने र नगरभित्रका विद्यालयमा गएर बालश्रम तथा मानव बेचबिखनको विषयमा  विद्यार्थीहरुलाई जानकारी गराउने निर्णय गरिएको छ।

     कार्यक्रममा चन्द्र किशोर साह,शिवचन्द्र चौधरी ,नगीना राय,माइती नेपालका प्रतिनिधि ,गोरखकाली प्रहरी चौकी मलंगवाका प्रमुख बिनोद ब.थापा,विष्णुकान्त साह,रामनाथ ठाकुर लगायत समितिका सदस्यहरुको उपस्थिति रहेको थियो।

रास्वपा का राष्ट्रिय अध्यक्ष रवि लामिछाने मलंगवा आउँदै

 

रास्वपा का राष्ट्रिय अध्यक्ष रवि लामिछाने मलंगवा आउँदै

लोकतन्त्र समाचारदाता---

सर्लाही,मंसिर ९

    राष्ट्रिय स्वतन्त्र पार्टीका राष्ट्रिय अध्यक्ष सभापति रबि लामिछाने सर्लाहीको सदरमुकाम मलंगवा आउने भएका छन् ।

    लामिछाने आज(शनिवार) मंसिर ९ गते साँझ ६ बजे मलंगवा स्थित महेन्द्र होटलमा पत्रकार सम्मेलन गर्ने पार्टीले जनाएको छ । सोही कार्यक्रममा सहभागिताकालागि जिल्लाभरीका  पत्रकारहरुलाई पार्टीले बोलाएका छन्  छ ।

गरिमा विकास बैंकले मनायो १७औं वार्षिकोत्सव ,मावि औरहीका विद्यार्थीहरुलाई स्कुल बैग वितरण

 

गरिमा विकास बैंकले मनायो १७औं वार्षिकोत्सव ,मावि औरहीका विद्यार्थीहरुलाई स्कुल बैग वितरण 

लोकतन्त्र समाचारदाता---

सर्लाही,मंसिर ८

   गरिमा विकास बैंक १७ औं वर्षमा प्रवेश गरेको अवसर पारेर सो बैंकको मलंगवा स्थित शाखाले  विद्यार्थीहरुलाई स्कुल ब्याग वितरण गरेको छ । 

   बैंकले आफ्नो सामाजिक उत्तरदायित्वअन्तर्गत बिहिवार  एक कार्यक्रमको आयोजना गरि सर्लाहीको चक्रघट्टा गाउँपालिका वडा न-८ औरहीमा रहेको श्री जनता माध्यमिक विद्यालयको बाल विकास कक्षा र कक्षा १ मा अध्यनरत ८४ जना विद्यार्थीहरुलाई स्कुल ब्याग वितरण गरेको हो।

बैंकले नेपालको विभिन्न सहरी तथा ग्रामिण जिल्लामा आफ्नो शाखा कार्यालय, एक्स्टेन्सन काउन्टर र एटीएमबाट बैंकिङ कारोबार गर्दै आएको मलंगवा शाखाका शाखा प्रमुख राम एकवाल साहले जनाएको छ।

   यस अधि सर्लाहीको सदरमुकाम मलंगवामा रहेको सहारा विकास बैंक गरिमा विकास बैंकसँग मर्ज भइसकेको छ।सोही साविक सहारा विकास बैंकका अध्यक्ष संजय गुप्ताको अध्यक्षता तथा जनता मावि औरहीका प्राधानाध्यापक लक्ष्मी कान्त यादवको प्रमुख आतिथ्यता र गरिमा विकास बैंकको मधेस प्रदेश प्रमुख नवीन प्याकरेलको विशिष्ठ आतिथ्यतामा भएको ब्याग वितरण कार्यक्रममा विद्यालय व्यवस्थापन समितिका सदस्य राधाकृष्ण राय,गरिमा बैकको लालबन्दी शाखाका प्रमुख कृष्णप्रसाद चापागाईं,प्रावि औरहीका प्रअ राम कैलाश राउत,स्थानीय समाजसेवी रामआश्रे राय,बैंकका सेयर सदस्यहरु प्रेम प्रसाद गुप्ता ,तपेश्वर चौधरी ,बैंकका कर्मचारीहरु लगायत विद्यालयका शिक्षक ,शिक्षिका तथा विद्यार्थीहरुको उपस्थिति रहेको थियो।

नेपालमा पाइने जडिबुटीबाट आयुर्वेदिक औषधि बनाएर अन्य देशहरुमा निर्यात गर्न सकिने अन्तर्राष्ट्रिय आयुर्वेद विज्ञहरुको सुझाव

 नेपालमा पाइने जडिबुटीबाट आयुर्वेदिक औषधि बनाएर अन्य देशहरुमा निर्यात गर्न सकिने 

अन्तर्राष्ट्रिय आयुर्वेद विज्ञहरुको सुझाव 

मनोज यादव---

सर्लाही,मंसिर ७   

     मधेस प्रदेशको राजधानी जनकपुरधाममा ग्लोबल आयुर्वेदको विषयमा सम्पन्न भएको तीन दिवसीय अन्तर्राष्ट्रिय सम्मेलनको विषयमा जानकारी गराउन सर्लाहीको सदरमुकाम मलंगवामा पत्रकार सम्मेलन सम्पन्न भएको छ। ब्रम्हभूमी अस्पताल मलंगवाका डा.राकेश कुमार सिंहले पत्रकार सम्मेलन मार्फत धनुषाको जनकपुरधाम स्थित महेन्द्र नारायण निधी मिथिला संस्कृति केन्द्रमा गत कात्तिक २२ गतेदेखि कात्तिक २४ गतेसम्म संचालन भएको अन्तर्राष्ट्रिय सम्मेलनमा आयुर्वेद सम्बन्धि  भएका कुराहरुको विषयमा जानकारी गराएका थिए।

    उक्त सम्मेलनमा नेपालसहित भारत,बंगलादेश ,श्रीलंका ,मरिसस, जापान र युरोप आदी  देशबाट करिब ९ सयभन्दा बढी बिज्ञहरु भाग लिएका थिए।ती सबै बिज्ञहरु बिचको छलफलबाट नेपालको भौगोलिक बनोट र खनिजहरुको उपलब्धताले नेपाललाई आयुर्वेदको बिकासको क्षेत्र बनाउन सकिने निस्कर्ष निकालेको र सोही अनुसार नेपालम पाइने खनिज तथा जडिबुटीबाट आयुर्वेदिक औषधि बनाएर अन्य देशहरुमा निर्यात गर्न सकिने सुझाव आएको कार्यक्रमका संयोजक  डा.सिंले पत्रकारहरुलाई जानकारी गराएका थिए।

      नेपाल एउटा आर्थिक रुपले कमजोर देश भएको र यहाँका अधिकांश नागरिकहरु गरिबीको रेखा मुनि पर्ने गरेकाले ब्रम्हभुमी अस्पतालमा उपचारका लागि आउने बिरामीहरुलाई नेपाल सरकारले निर्धारण गरिदिएको ओपिडी शुल्क जनकपुरधाममा भएको सम्मेलनबाट फर्किएदेखि लिन छोडेको  डा.सिहले सोही कार्यक्रम मार्फत जानकारी गराएका थिए।साथै उनले जिल्लाका सम्पूर्ण पत्रकारहरुको नि:शुल्क रुपमा होल बडी जाँच समेत गरिदिने घोषणा गरेका थिए।

   मलंगवा नगरपालिका वडा न-३ स्थित महेन्द्र होटलको सभा हलमा सम्पन्न भएको कार्यक्रममा राष्ट्रिय तथा स्थानीय संचार गृहमा कार्यरत करिब दुई दर्जन भन्दा बढी पत्रकारहरुको उपस्थिति रहेको थियो।

 छठको तेश्रो दिन सर्लाहीका छठी घाटहरुमा अस्ताउँदो सूर्यलाई अर्घ दिइयो

      

मनोज यादव----

सर्लाही,मंसिर ३ 

     छठ पर्वको तेस्रो दिन आइतवार अस्ताउँदो सूर्यलाई अर्घ दिइएको छ । सर्लाहीको सदरमुकाम मलंगवासहित जिल्लाका विभिन्न स्थानका नदी, पोखरी तथा तलाउहरूको छठ घाटहरूमा अस्ताउँदो सूर्यलाई अर्घ दिइएको हो ।

    सदरमुकाम मलंगवास्थित जनसागर पोखरी,शिवसागर पोखरी,झण्डा बजार पोखरी, मुसैली पोखरी, गम्हरिया पोखरी तथा  सर्लाही भएर बग्ने झिम नदी, लखनदेही नदी र बागमती नदी लगायत

 दर्जनौं पोखरी तथा तलाउका घाटहरू छठ पूजाका लागि सम्बन्धित ठाउँका स्थानीय बासिन्दा र युवा क्लवहरुले टेन्ट र पण्डाल लगाएर सजाएका छन् । सो घाटमा राखिएका प्रसाद सामग्री व्रतालुले षष्ठी देवीलाई अराधना गर्दै अस्ताउँदै गरेको भगवान सूर्यलाई अर्घ दिएका हुन्।

    सोमबार (भोलि) बिहान सप्तमी तिथिका दिन उदाउँदो सूर्यलाई अर्घ दिएर पारणसँगै छठ पूजा सम्पन्न हुनेछ । कात्तिक शूक्ल चतुर्थीदेखि सुरु हुने यो पर्व कार्तिक शूक्ल सप्तमी तिथिका दिन सम्पन्न हुन्छ । यो पर्वमा षष्ठी देवीका साथै सूर्यदेवको उपासना गरिन्छ । 

    यो पर्व गरिब, धनी, दलित एवम् उच–नीचको ख्याल नगरी समाजमा रहेका सबै वर्ग एकसाथ मिलेर मनाउँछने गरेका छन्  । अर्‍घ दिने ब्रतालु ३६ घण्टासम्म पानी पनि नखाई उपवास बस्ने गर्दछन् । छठ पर्वमा सूर्य भगवान अर्थात् दिनानाथलाई अर्घ दिन तयार गरिने परिकारहरू अत्यन्तै नियम निष्ठापूर्वक गर्नुपर्ने भएकाले छठलाई निष्ठा र कठोर पर्वको रूपमासमेत लिइन्छ ।

    नियम निष्ठा पुर्वक छठ पर्व गर्नाले चर्मरोगबाट मुक्ति पाइने, निः सन्तानले सन्तान प्राप्त गर्ने, परिवारमा सुख शान्ति भित्रिने, आपसमा भाइचारा कायम हुने र इच्छाएको मनकामना पूरा हुनेजस्ता जनविश्वास समाजमा चली आएको छ। 

     केही वर्ष अगाडीसम्म तराई मधेशमा मात्र मनाइँदै आएको छठ पर्व पछिल्लो समय राजधानी काठमाडौंसहित देशका मध्यपहाडी जिल्लामा पनि मनाउन थालिएको छ।कतिपय ठाउँमा मुस्लिम समुदायले पनि छठ पूजा गरेको पाइएको छ। कतिपय ठाउँमा घाट स्थलमा मेला समेत लागेको छ।

     

केन्द्रीय सदस्य डा.गुणेश्वर झा को अगुवाइमा सलेमपुरका १ सय जना बढी ब्यक्तिहरु जनमत पार्टीमा प्रवेश

 

केन्द्रीय सदस्य डा.गुणेश्वर झा को अगुवाइमा सलेमपुरका १ सय जना बढी ब्यक्तिहरु जनमत पार्टीमा प्रवेश

लोकत

न्त्र समाचारदाता----

सर्लाही,मंसिर २

   सर्लाहीको कबिलासी नगरपालिका अन्तर्गत सलेमपुरका एक सय जना  जना बढी ब्यक्तिहरु केन्द्रीय सदस्य डा.गुणेश्वर झा को अगुवाइमा जनमत पार्टीमा प्रवेश गरेका छन् । हिन्दुहरुको महान पर्व छठ पूजाको अवसरमा सलेमपुरमा (आज)शनिवार पार्टीका  केन्द्रीय सदस्य डा.झा को अध्यक्षतामा आयोजना भएको शुभकामना आदानप्रदान  कार्यक्रमका बिच उक्त गाउँका नागरिकहरु जनमत पार्टीमा प्रवेश गरेका हुन ।

  कार्यक्रममा पार्टीका केन्द्रीय सदस्य डा.झा ले नवप्रवेशी सदस्यहरुलाई अबिर र माला लगाएर पार्टीमा स्वागत गरेका थिए ।

    छठको शुभकामना दिंदै डा.झा ले यसैगरी जनताको साथ र समर्थन पाए सर्लाहीका जनताहरुको  सुख सुबिधा र जिल्लाको बिकासमा हरपल हरक्षण तत्पर भएर लाग्ने बताउनुभयो ।सर्लाहीका अधिकांश जनताहरु गरिबीको रेखामुनि रहेकाले सिपमुलक तालिम र रोजगारको व्यवस्था गर्ने डा.झा ले प्रतिबद्धता व्यक्त गर्नुभयो ।साथै उहाँले मुख्य केन्द्रबिन्दु कृषिमा पनि विशेष रुपमा ध्यान दिने बताउनुभयो ।

    केन्द्रीय सदस्य डा.झा ले  कार्यक्रममा उपस्थित स्थानीयबासी तथा नवप्रवेसी सदस्यहरुलाई जनमत पार्टीको एजेन्डाहरुको बारेमा समेत जानकारी गराएका थिए।

 सर्लाहीमा ईट्टा उद्योग धारासायी बन्दै गएको उद्योगी व्यवसायीहरुको गुनासो 

मनोज यादव---

सर्लाही,मंसिर २

    पछिल्लो समय सर्लाहीको ईट्टा उद्योग धारासायी

बन्दै गएको उद्योगी व्यवसायीहरुले गुनासो गरेका छन् ।कोरोना संक्रमणको बेला भएको लामो लकडाउन,बेमौसमी वर्षा र उद्योग संचालनका लागि  बैंक तथा साहु महाजनबाट श्रृण नपाउँदा ईट्टा उद्योग धारासायी बन्दै गएको उनीहरूले बताएका छन् ।

    सर्लाहीको लालबन्दी नगरपालिका वडा न-१ नवलपुरमा सर्लाही ईट्टा व्यवसायी संघको जिल्ला कार्यालयको उद्घाटन कार्यक्रममा उपस्थित भएका ईट्टा उद्योगीहरुले एउटा ईट्टा उत्पादन गर्न १२ रुपैया खर्च लागेपनि  लागत मुल्यमा ईट्टा बेच्न नपाएको बताएका छन् । 

   सर्लाही जिल्लामा १३० वटा ईट्टा उद्योगहरु घरेलु तथा साना उद्योगमा दर्ता भएका छन् ।जसमध्ये आधा जति उद्योगहरु लकडाउनकै बेला बन्द भइसकेका छन् ।अहिले जिल्लामा ६५ वटाको हाराहारीमा ईट्टा उद्योगहरु मात्र संचालनमा रहेको सर्लाही ईट्टा व्यवसायी संघका अध्यक्ष जगन्नाथ रायले बताएका छन् ।

    संविधान सभाका सदस्य एवं पुर्व राज्यमन्त्री शम्भुलाल श्रेष्ठको प्रमुख आतिथ्यता तथा व्यवसायी संघका अध्यक्ष रायको अध्यक्षतामा सम्पन्न भएको उद्घाटन कार्यक्रममा पुर्व संघीय सांसद प्रमोद साह,मधेश प्रदेश सभा सदस्य बेची लुंगेली,नेपाल ईट्टा उद्योग महासंघका प्रथम उपाध्यक्ष एवं धनुषाको नगराईन नगरपालिकाकाका मेयर विनय कुमार यादव,महासंघको मधेश प्रदेश अध्यक्ष बिक्रम साह,ईट्टा व्यवसायी संघका पुर्व जिल्ला अध्यक्ष मेथुर चौधरी ,हरिवन नगरपालिकाका मेयर कमल बुढाथोकी ,विष्णु गाउँपालिकाका अध्यक्ष जवाहरलाल यादव लगायत सर्लाहीसहित महोत्तरी र धनुषा जिल्लाका ईट्टा उद्योगी व्यवसायीहरुको उपस्थिति रहेको थियो। 

 दिपावली सम्पन्न भए लगत्तै तराई मधेशमा छठ पर्वको तयारी सुरु

मनोज यादव----

सर्लाही,कात्तिक ३० 

     दीपावली सम्पन्न भएसँगै सर्लाहीलगायत तराई मधेशका जिल्लाहरूमा छठ पर्वको तयारी सुरु भएको छ ।तराई मधेशमा  दीपावली अर्थात् लक्ष्मी पूजा भव्य रूपमा मनाए लगत्तै  छठ पर्वको तयारीमा सर्वसाधारणहरु जुटेका छन् । 

    सहर तथा गाउँका बजारहरुमा छठ पर्वमा प्रयोग हुने माटा तथा बाँसका पूजा सामग्रीहरु बिक्री हुन थालेको छ।पुरुषहरु छठ घाटको सरसफाइ र शृङ्गारको काममा जुटेका छन् भने महिलाहरु प्रसाद पकाउनको लागि आवश्यक पर्ने माटोको चुल्हो बनाउने काममा लागेका छन् । छठ घाटको सरसफाइ र शृङ्गारको काममा सम्बन्धित पालिका र विभिन्न सामाजिक  संस्थाहरू पनि जोडतोडका साथ लागेका छन् ।  

    तिहार र छठ दुवै पर्वले समग्र तराई मधेशको अर्थतन्त्रलाई चलायमान बनाएको छ। । यी दुवै पर्वमा पूजा सामग्री देखि लिएर नयाँ कपडा, जुत्ता, बाँस तथा माटाका सामाग्री र फलफूलको विक्री वितरण तीव्र रूपमा हुने गर्दछ । 

 नेपाली क्रिकेट टोलीका अलराउण्डर खेलाडी मलंगवाबासी गुल्सन झा लाई नेपाल पत्रकार महासंघ सर्लाही शाखाद्वारा गृह जिल्लामा अभिनन्दन 

मनोज यादव---

सर्लाही,कात्तिक २८

   नेपाली क्रिकेट टोलीका अलराउण्डर युवा खेलाडी गुल्सन झा लाई नेपाल पत्रकार महासंघ सर्लाही शाखाले सोमबार एक समारोहका बिच अभिनन्दन गरेको छ।

   सर्लाहीको चक्रघट्टा गाउँपालिका वडा न-७ सगरदिनामा जन्म भई सदरमुकाम मलंगवा नगरपालिका वडा न-८ मा बस्दै आएका क्रिकेटर झा लाई पत्रकार महासंघ सर्लाही शाखाका अध्यक्ष टंक क्षेत्रीको अध्यक्षतामा आयोजना भएको कार्यक्रममा प्रमुख अतिथि जिल्ला समन्वय समितिका प्रमुख कौशल किशोर सिंहले कदरपत्रसहित दोसल्ला ओढाएर अभिनन्दन गरेका हुन।

   घरेलु मैदानमा युएई सँग भएको एसिया कप छनोटको प्रतियोगितामा अलराउण्ड प्रदर्शन गरेका गुल्सन नेपाली खेलाडीहरुमाझ उत्कृष्ट घोषित भएका छन्। मिडल ओभरमा कसिलो बलिङ गर्दै विकेट लिने, अनि टिमलाई चाहिएको बेला जुनसुकै पोजिसनमा गएर ब्याटिङ गर्न सक्ने झा नेपाली क्रिकेट टिममा  पर्फेक्ट अलराउण्डरको रुपमा रहेका छन्। १७ वर्षका झा ले पहिलो पटक २०७७ मा भएको मेयर्स कपमा सबैको ध्यान तानेका थिए । नेपाल पुलिस क्लबबाट खेलेका उनले फाइनलमा सशस्त्र प्रहरी विरुद्ध उत्कृष्ट  बलिङ गर्दै नेपालका तत्कालीन प्रशिक्षकको ध्यान आफूतिर तानेका थिए ।

     उनी राष्ट्रिय टिममा परेपछि नेपाली टोलीले पछिल्लो एक वर्षमा पाएको अभूतपूर्व सफलतामा अभिन्न अंग बनेका छन् । लिग टुमा पछिल्ला १२ मध्ये ११ खेलमा जित तथा  हालै एसिया कपमा भारत र पाकिस्तान जस्ता बलिया टोलीसँग सम्मानजनक प्रदर्शनमा उनले राम्रो प्रदर्शन गरेर सबैको ध्यान आफु तिर तानेका छन् । गत असारमा जिम्बाव्वेमा भएको एकदिवसीय विश्वकप छनोटमा ब्याटिङ र बलिङ दुवैमा उत्कृष्ट प्रदर्शन गर्दै गुल्सनले ५० ओभरको खेलमा अलराउण्डरको संकेत देखाइसकेका झा ले अहिले टी–२० विश्वकप छनोटमा पनि उस्तै खालको प्रदर्शन गरेका थिए ।

     अलराउण्डर क्रिकेटर झा ले आफ्नो खेल कौशल द्वारा सर्लाही जिल्लाको नाम नेपालमा मात्र नभइ  विश्वभरी चिनाउन सफल भएकोमा उनलाई थप हौसला प्रदान गर्न सम्मान स्वरुप अभिनन्दन गरिएको महासंघ सर्लाहीका अध्यक्ष क्षेत्रीले बताए ।

  जिल्ला समन्वय समितिको सभाहलमा आयोजना भएको उक्त कार्यक्रममा विशिष्ठ अतिथि प्रमुख जिल्ला अधिकारी कमल प्रसाद धमला,चन्द्रनगर गाउँपालिका अध्यक्ष राजकुमार महतो ,नागरिक समाजका अगुवा,पत्रकार महासंघ सर्लाही शाखाका पदाधिकारी लगायत संचारकर्मीहरुको उपस्थिति रहेको थियो।

 दलितको शैक्षिक सवालमा सरोकारवालाहरु सँग अन्तरक्रिया कार्यक्रम  सम्पन्न 

लोकतन्त्र समाचारदाता---

सर्लाही,कात्तिक २४

    दलितको शैक्षिक सवालमा  सरोकारवालाहरु सँग नीतिगत पैरवी र पहुँच सम्बन्धि एकदिने अन्तरक्रिया कार्यक्रम सर्लाहीको मलंगवामा सम्पन्न भएको छ ।शुक्रवार सम्पन्न भएको कार्यक्रममा  सेभ द चिल्ड्रेनको सहयोग तथा नेपाल राष्ट्रिय दलित समाज कल्याण संघको संयुक्त साझेदारीमा संचालित नेपाल छात्रवृत्ति कार्यक्रम अन्तर्गत दलित विद्यार्थीहरुलाई प्रदान गरिने छात्रवृत्ति ,बीचमै पढाइ छाड्ने प्रवृत्ति ,विद्यालयमा दिइने दिवा खाजा र विद्यालयमा दलित विद्यार्थीहरु माथि हुने विभेद लगायतका विषयहरुमा सरोकारवालाहरु सँग अन्तरक्रिया गरिएको हो ।

  नेपाल राष्ट्रिय दलित समाज कल्याण संघ मलंगवा सर्लाहीका अध्यक्ष राजेश पासवानको अध्यक्षता तथा पुर्व राष्ट्रिय सभा सदस्य रामपृत पासवानको प्रमुख आतिथ्यतामा मलंगवा स्थित जिल्ला समन्वय समितिको सभाहलमा सम्पन्न भएको कार्यक्रममा सहभागी भएका मधेस प्रदेश सभा सदस्य श्यामपरी देवी राम,सकुन्ती देवी महरा,जिल्ला समन्वय समिति प्रमुख कौशल किशोर सिंह, कबिलासी नगरपालिकाकी उपमेयर पुनम कर्ण ,नेपाल उत्पिडित जातिय मुक्ति समाजका केन्द्रीय सदस्य गोविन्द पासवान ,राष्ट्रिय दलित आयोगका पुर्व सदस्य राम लखन दास,मलंगवा नगरपालिकाका राम पुकार यादव,RRPK का ईन्द्र कुमार साह,ओरेल नेपालका ममता साह,बाल कल्याण समाजका अध्यक्ष सुन्दर श्याम रायलगायतका अतिथिहरुले दलितको शैक्षिक सवालमा आआफ्नो धारणा राख्दै सुझाव दिएका थिए। 

   कार्यक्रमको संचालन संस्थाका  जिल्ला  कार्यक्रम अधिकृत गोविन्द  पासवानले गरेका थिए।