माइती नेपाल सर्लाहीले गरे भारतबाट ६ बालकहरुको उद्धार
लोकतन्त्र समाचारदाता----
सर्लाही,बैशाख १४
६ जना बालकहरुलाई भारतको मुम्बईबाट उद्दार गरी नेपाल ल्याइएको छ । सर्लाहीको माइती नेपाल शाखाको पहलमा मुम्बई स्थित बाल कल्याण समिति(CWC) नामको संस्थाको सहयोगमा उद्दार गरि ल्याइएको हो ।
उद्दार गरिएका बालकहरु सर्लाही ,रौतहट र बारा जिल्लाका रहेका छन् । उनीलाई CWC संस्था सँग समन्वय गरि सुरक्षित रुपमा सर्लाहीको सदरमुकाम मलंगवा ल्याएर माइती नेपाल सर्लाही शाखा संयोजक अमीत कुमार यादवको नेतृत्वमा बिहिवार सकुशल परिवारको जिम्म्मा लगिएको माइती नेपाल सर्लाही शाखाले जनाएको छ।
विगत ३० वर्ष लामो समयदेखि महिला तथा बालबालिकाहरुको हक र अधिकार स्थापनाको लागि क्रियाशील रहदै आएको यस संस्थाले यसअघि पनि यस्ता कयौं बालबालिका र महिलाहरुलाई भारतको विभिन्न स्थान बाट उद्धार गरि सकुशल रुपमा परिवार सँग पुनर्मिलन गराइसकेको संयोजक यादवले जनाएको छ।
No comments:
Post a Comment