महिला तथा नवजात शिशुहरुको लागि मलंगवा नगरपालिका द्वारा प्रादेशिक अस्पताललाई न्यानो झोला हस्तान्तरण

 

महिला तथा नवजात शिशुहरुको लागि मलंगवा नगरपालिका द्वारा प्रादेशिक अस्पताललाई न्यानो झोला हस्तान्तरण 

लोकतन्त्र समाचारदाता---

सर्लाही,साउन ८

    सर्लाहीको सदरमुकाम मलंगवा  नगरपालिकाले पालिकामा रहेका स्वास्थ्य चौकीमा सुत्केरी हुने महिला तथा नवजात शिशुहरुको लागि न्यानो झोला प्रदान गर्ने कार्यक्रम सुरु गरेको छ। 

  मलंगवा न.पा क्षेत्र भित्र रहेका प्रादेशिक अस्पताल, स्वास्थ्य चौकी तथा स्वास्थ्य इकाइमा बच्चा जन्माउने आमा र नवजात शिशुका लागि नगरपालिकाले न्यानो झोला दिन  थालेको हो ।उक्त कार्यक्रमको सुरुवात गर्दे नगर प्रमुख नागेन्द्र प्रसाद यादवले प्रादेशिक अस्पताल मलंगवा सुत्केरी भइ भर्ना भएका सुत्केरी महिलाहरुलाई एक-एक थान न्यानो झोला वितरण गर्नुभएको छ। साथै उहाँले प्रादेशिक अस्पतालका मेडिकल सुपरिटेन्डेन्ट डा.नवल किशोर झा लाई सुत्केरी महिला र नवजात शिशुहरुको लागि एकमुष्ट  १हजार १सय १३ थान न्यानाे झाेला  हस्तान्तरण गर्नुभएको नगरपालिकाका सूचना अधिकृत राजकुमार अधिकारीले जनाएको छ।