गोली लागेर घाइते सुन्दरपुर सुखचैनाका राउतलाई राहत प्रदान 

 

लोकतन्त्र समाचारदाता---

सर्लाही,साउन ३२

    गोली लागेर घाइते भएका सर्लाहीका एक युवकलाई राष्ट्रिय बजरंग दल नेपालले राहत  प्रदान गरेको छ। सर्लाहीको चक्रघट्टा गाउँपालिका वडा न-२ ,सुन्दरपुर सुखचैना निवास राजेश राउतलाई बिहिवार उनकै निवासमा एक कार्यक्रमको आयोजना गरि खाद्यान्न लगायतका सामाग्री राहत स्वरु प्रदान गरिएको छ ।

    राउत  केही दिन अगाडि जिल्लाकै गोडैता बजारमा मुश्लिम समुदायको मुहर्रम पर्व नमाउने क्रममा भएको झडपमा गोली लागि घाईते भएका थिए। परिवारको आर्थिक अवस्था निकै कमजोर भएको राउतको भएको दुई  धुर जग्गा पनि उपचारको लागि साहुसंग कर्जा लिन बन्धकी राखि सकिएकोले परिवारलाई हातमुख जोड्न समस्या भइरहेको जानकारी पाएपछि केही थोरै भएपनि राहत प्रदान गरेको बजरंग दल नेपालले जनाएको छ।