मलंगवाको वडा न-९ मा आँखा पाक्ने Eye Flue को निःशुल्क जाँच शिविर सम्पन्न
मलंगवाको वडा न-९ मा आँखा पाक्ने Eye Flue को निःशुल्क जाँच शिविर सम्पन्न
लोकतन्त्र समाचारदाता---
सर्लाही,भाद्र ३
मलंगवा नगरपालिका वडा न-९ को वडा कार्यालयको आयोजना तथा मलंगवा नेत्रालय आँखा अस्पताल र गोडैता आँखा उपचार केन्द्रको प्राविधिक सहयोगमा मलंगवामा संचालित एकदिने नि:शुल्कआँखा जाँच शिविरबाट १५० जना भन्दा बढी नागरिकहरु लाभान्वित भएका छन् ।
हाल नेपालभरी फैलिरहेको आँखा सम्बन्धि महामारी Eye Flu मलंगवामा पनि देखा परेकोले सो को निदान गर्ने उदेश्यले यो शिविरको आयोजना गरेको वडाअध्यक्ष चन्देश्वर यादवले बताए । मलंगवा न.पा वडा न-९ को वडा कार्यालयमा आयोजना गरिएको शिविरमा वडा न-९ लगायत नगरपालिका क्षेत्र भित्रका अन्य वडामा बसोबास गर्ने बालबालिका ,महिला,पुरुष, ज्येष्ठ नागरिक तथा अन्य स्थानीय नागरिकहरु लाभान्वित भएका थिए ।
शिविरमा आँखा रोग विशेषज्ञ डा.मनिष प्रसाद साह,डा.एकनाथ झा तथा सहयोगी स्वास्थ्यकर्मीहरु खगेश कुमार साह र संगम कुमारी साह लगायत ४ जनाको समूहले आँखाको जाँच गरेका थिए ।
आँखामा संक्रमण देखिएका बिरामीहरुलाई नि:शुल्क रुपमा औषधि समेत वितरण गरिएको थियो।
No comments:
Post a Comment