सुवास नेम्वाङको अन्त्येष्टिको दिन सार्वजनिक बिदा दिने सरकारकाे निर्णय
काठमाडौं।
संविधान सभाका अध्यक्ष सुवास नेम्वाङको अन्त्येष्टिको दिन सार्वजनिक बिदा दिने सरकारले निर्णय गरेको छ। सिंहदरबारमा मंगलबार बिहान बसेको मन्त्रिपरिषद्को आकस्मिक बैठकले नेम्वाङको अन्त्येष्टिको दिन सार्वजनिक बिदा दिने निर्णय गरेको पर्यटनमन्त्री सुदन किराँतीले जानकारी दिए।
संविधान निर्माण प्रक्रियामा नेम्वाङले गरेको योगदानप्रति सम्मान प्रकट गर्दै सरकारले राजकीय सम्मान दिने निर्णय गरेको उनले बताए।बालुवाटारस्थित घरको शौचालयमा बेहोस भएपछि एमाले उपाध्यक्ष एवम् संसदीय दलका उपनेता नेम्वाङलाई शिक्षण अस्पताल महाराजगञ्ज लगिएपनि मंगलबार बिहान १ बजेर ४० मिनेटमा निधन भएको अस्पतालले घोषणा गरेको थियो। एमाले पार्टी कार्यालयमा श्रद्धाञ्जलीपछि मुन्धुम संस्कृतिअनुसार नेम्वाङको पूजाआजा गरेर अन्तिम संस्कार गरिने छ।
@लोकपाटी न्युज
x
No comments:
Post a Comment