एसिसी एसिया कप नेपाल भारतसँग १० विकेटले पराजित

काठमाडौ ,भाद्र १९

    एसिसी एसिया कपमा नेपाल भारतसँग १० विकेटले पराजित भएको छ । श्रीलंकाको पालेकले अन्तर्राष्ट्रिय क्रिकेट रंगशालामा सोमबार सम्पन्न खेलमा नेपाल डकवर्थ लुइस पद्धतिको आधारमा भारतसँग १० विकेटले पराजित भएको हो । 

   नेपाल यसअघिको खेलमा पाकिस्तानसँग पराजित भएको थियो । दुवै खेलमा पराजित नेपाल अंकविहीन बन्यो । आजको जितसँगै दुई खेलमा तीन अंक जोडेको भारतले समूह ‘ए’ बाट सुपर चारमा स्थान बनायो । 

   पहिलो खेलमा नेपालले पाकिस्तानसँग २ सय ३८ रनको हार बेहोरेको थियो । भारत र पाकिस्तानबीचको खेल भने वर्षाका कारण रद्द भएपछि दुवैले अंक् बाँडेका थिए । 

   सोमबार नेपाल र भारतबीचको खेल वर्षाका कारण करिब २ घण्टा रोकिएको थियो । त्यसपछि २३ ओभरमा झारिएको खेलमा भारतले १ सय ४५ रनको नयाँ लक्ष्य पाएके थियो । भारतले २०.१ ओभरमा कुनै पनि विकेट नगुमाइ लक्ष्य भेट्टायो ।     कप्तान रोहित शर्माले ५९ बलमा ६ चौका र पाँच छक्काको मद्दतमा सर्वाधिक ७४ रनको योगदान गरे । शुभमन गिलले ६२ बलमा आठ चौका र एक छक्काको मद्दतमा ६७ रन बनाए ।   यसअघि टस हारेर ब्याटिङको निम्तो पाएको नेपालले ४८.२ ओभरमा सबै विकेट गुमाउँदै २ सय ३० रनको योगफल तयार पारेको थियो ।