जबर्जस्त करणीकाे आरोपमा नर्सिङ कलेज मलंगवाका २ जना पक्राउ १ जना फरार ,पिडित २ छात्रा सोही कलेजमा अध्यनरत

लोकतन्त्र समाचारदाता---

सर्लाही १३ असाेज 

   सर्लाहीको सदरमुकाम मलंगवा नगरपालिका वडा न २ कृष्णा चौकमा रहेकाे संत अल्पमाई राम नारायण यादव नर्सिङ कलेजमा अध्यनरत २ जना छात्रा माथि जबर्जस्ती करणी गर्न खोजेको  आरोपमा २ जना युवक पक्राउ परेका छन् ।

   पिडित छात्राहरूले जिल्ला प्रहरी कार्यालय मलंगवामा दिएको जाहेरीको आधारमा उनीहरूलाई पक्राउ गरिएको प्रहरी प्रवक्ता एवं डिएसपी दिपेन्द्र पंजियार थारुले जानकारी दिएका छन् ।तीनजना माथि जाहेरी परेपनि एकजना भने फरार रहेको पंजियारले जानकारी दिएका छन् ।

   पक्राउ पर्नेहरुमा धनुषा जिल्ला घर भइ हाल मलंगवा बस्दै आएका अनिकेत यादव र मलंगवामै बस्दै आएका पर्सा जिल्लाका सुजित चाैधरी रहेका छन् ।

पक्राउ परेकाे यादव र चौधरी सँग आवशयक छानबिन भईरहेकाे प्रहरीले जनाएकाे छ ।