ट्याक्टर र मोटरसाइकल ठोक्किँदा सर्लाहीमा दुइ जनाको मृत्यु

लोकतन्त्र समाचारदाता ---

  सर्लाही,चैैत ३१     सर्लाहीको बागमती नगरपालिका–८, गाजली चोकमा आज (मंगलबार) दिउँसो ट्याक्टर र मोटरसाइकल एकआपसमा  ठोक्किँदा दुई जनाको घटनास्थलमै मृत्यु भएको छ ।मृत्यु हुनेमा बरहथवा नगरपालिका वडा न-१५, पिप्राभित्ता बस्ने  ५० वर्षीय भिखारी साह र  भारतीय नागरिक ४० वर्षीय प्रकाश सहनी रहेका छन् ।

     दिउँसो करिब  २ बजेतिर गाजली चोक स्थित नव जनजागरण मा.वि को छेउमा रहेको चौबाटोमा उत्तरबाट दक्षिणतर्फ गईरहेको बीआर ३० एम ३४५२ नम्वरको मोटरसाइकललाई  पूर्वतर्फ रहेको बागमती खोलाबाट बालुवा लिएर आउँदै गरेको ज. १ त १५७४ नम्वरको ट्याक्टरले ठक्कर दिँदा मोटरसाईकलमा सवार दुईजनाको घटनास्थलमै मृत्यु भएको प्रहरीले जनाएको छ । 

    दुर्घटना भए लगत्तै ट्याक्टर चालक फरार भएको प्रहरीले बताएको छ। 

     मृतकहरुको शव पोष्टमार्टमका लागि जिल्ला अस्पताल मलंगवामा राखिएको छ ।