वैदेशिक रोजगारीमा ज्यान गुमाएका मृतक परिवारलाई सहयोग

 

मनोज यादव---

सर्लाही ,बैशाख ७

मृतक राजारामका ६ जना छोराछोरी 

      वैदेशिक रोजगारीको क्रममा मलेसियामा मृत्यु भएका सर्लाहीको विष्णु गाउँपालिका वडा न-३ मधुवनगोठका राजाराम बैठाको परिवारलाई सदरमुकाम मलंगवामा रहेकोे स्तुति सौम्या हेल्थ केयर अस्पतालले मृतकका सन्तानको उपचारमा लाग्ने औषधि बाहेकको खर्च नलिने घोषणा गरेको छ ।हेल्थ केयरका संचालक एवं डाक्टर गुणेश्वर झाले आफ्नो बुवाको किरियामा बसेका राजारामका एकमात्र नाबालक छोरालाई तत्कालका लागि नगद  ५ हजार रुपैयाँ सहयोग प्रदान गर्न क्रममा डा. झाले यस्तो घोषणा गर्नु भएको हो ।

राजाराम बैठा

   ५ वटी छोरी र १ वटा छोरा मात्र रहेको मृतक राजारामको आर्थिक अवस्था नाजुक रहेको छ ।घरमा कमाउने एकजना उनी मात्र  थिए ।४ वर्ष पहिले वैदेशिक रोजगारीकोलागि उनी मलेशिया गएका थिए ।उनको मृत्यु त्यही भएको थियो ।उनको मृत्यु पश्चात् टुहरा भएका नाबालक-नाबालिक छोराछोरीको सहारा राजारामको बृद्ध आमाबुवा मात्र रहेकोले उनको परिवारलाई सहयोग गरिदिन डा.झाले आग्रह गर्नु भएको छ ।