गम्हरियामा टी–ट्वान्टी क्रिकेट प्रतियोगिता सम्पन्न
लोकतन्त्र समाचारदाता---
सर्लाही ,चैत १९
सर्लाहीको सदरमुकाम मलंगवा नगरपालिका वडा न-१२ गम्हरिया स्थित बडी पल्सीटोल निवासी स्थानीय एक युवा अहमद रेजा अन्सारी र गम्हरिया निवासी चन्दन साहको संयुक्त आयोजनामा बिहिवार गम्हरिया स्थित खेल मैदानमा टि-ट्वान्टी क्रिकेट प्रतियोगिता सम्पन्न भएको छ ।
१४ वटा टिमको सहभागीता उक्त प्रतियोगिताको उपाधी जमुनिया टिमले हात पारेको छ भने किंग्स 11 उपविजेता भएको आयोजक अन्सारीले जानकारी दिए ।
स्थानीय स्तरका युवा खेल प्रतिभाहरुलाई उजागर गरी जिल्ला तथा राष्ट्रिय स्तरमा चिनाउन खेलको आयोजना गरिएको अन्सारीले बताए ।
प्रतियोगिताको विजेता टिमलाई नगद रु.२५ हजार र उपविजेता टिमलाई नगद १५ हजार रुपैयाँ पुरस्कार स्वरुप प्रदान गरिएको छ ।विजेता र उपविजेता टिमलाई वडाध्यक्ष सम्भु राय र समीर मिकरानीले संयुक्तरूपमा कप , मेडल, प्रमाणपत्र र नगद प्रदान गरेका छन् ।
No comments:
Post a Comment