असोज महिनामा १५ सय सवारीसाधन कार्यवाहीमा , १५ लाखभन्दा बढी राजश्व संकलन

 

लोकतन्त्र समाचारदाता---

सर्लाही ,कात्तिक ९

     सर्लाही ट्राफिक प्रहरीले चालु आर्थिक वर्ष २०७८/०७९ को असोज महिनामा १५ लाख भन्दा बढी राजश्व संकलन गरेको छ ।

     बस, ट्रक, जिप,भ्यान, कार ,ट्याक्टर , मोटरसाइकल लगायतका १ हजार ५ सय वटा सवारीसाधनहरुलाई कार्यवाही गरि जरिवाना गराउँदा १५ लाख ४२ हजार ५ सय रुपैया राजश्व संकलन भएको जिल्ला ट्राफिक प्रहरी कार्यालय सर्लाहीका प्रमुख प्रहरी निरिक्षक केदारमान दोङले जानकारी दिएको छ ।ट्राफिक प्रहरी प्रमुख दोङका अनुसार असोज महिनामा २ वटा बस,७५९ ट्रक ,३८१ वटा जिप,कार तथा  भ्यान,२९६ वटा मोटरसाइकल र ६२ वटा ट्याक्टरहरुलाई कार्यवाही गरिएको हो ।

    चालु आ.व कै भदौ महिनामा १४ लाख ६५ हजार तथा साउन महिनामा १८ लाख ४४ हजार ५ सय रुपैयाँ राजश्व संकलन भएको थियो ।

    असोज महिनामात्र ४२ वटा सवारी दुर्घटनाहरु भएको जिल्ला  ट्राफिक प्रहरी कार्यालय सर्लाहीले जनाएको छ ।