बसबरिया बजार स्थित हार्डवेयर पसलमा आगलागी

 

लोकतन्त्र समाचारदाता---

सर्लाही ,बैशाख २८

    सर्लाहीको बसबरिया गाउँपालिका-१ बजार स्थित एक हार्डवेयर पसलमा बिधुत सर्ट भएर आगलागी हुँदा ४५ हजार रुपैया बराबरको क्षति भएको छ ।

    स्थानीय नवल किशोर यादवले संचालन गरेको उक्त पसलमा सोमबार राती करिब १० बजे बिधुत सर्ट भएर आगलागी हुँदा पसल भित्र रहेका तार, स्विच एलइडी बल्ब लगायतका सामानहरु जलेर नष्ट हुँदा सो रकम बराबरको   क्षति भएको प्रहरीले जनाएको छ ।

   उक्त आगलागी प्रहरी र स्थानीयबासीहरु मिलेर आधा घण्टा भित्र नियन्त्रणमा लिएकाले थप क्षति नभएको जिल्ला प्रहरी कार्यालय सर्लाहीले जनाएको छ ।