सर्लाहीमा कोरोना संक्रमित सँगै मृतकको संख्या पनि बढ्दै, ७ को मृत्यु

 

 

लोकतन्त्र समाचारदाता---

सर्लाही, वैशाख २८

    कोरोना संक्रमणबाट सर्लाहीमा थप एकजना ब्यक्तीको मृत्यु भएको छ ।यो सँगै सर्लाहीमा कोरोनाकोबाट मृत्यु हुनेको संख्या ७ पुगेको छ ।

      यस अघि जिल्लाका विभिन्न ठाउँमा गरि ६ जना ब्यक्तिको कोरोना संक्रमणबाट मृत्यु भइसकेको स्वास्थ्य कार्यालयका प्रमुख श्रवन कुमार नायकले जानकारी दिए ।

    सर्लाहीमा अहिले सक्रिय संक्रमितहरुको संख्या ३ सय ७० जना पुगिसकेको नायकले जनाएको छ  ।

   कोरोना अब सामुदायिक स्तरमा फैलिसकेकोले सजग र सुरक्षित भएर बस्न स्वास्थ्य कार्यालय प्रमुख नायकले स्थानीय जिल्लाबासीहरु सँग आग्रह गर्नुभएको छ ।