कोरोनाबाट सर्लाहीमा २० जनाको मृत्यु, सक्रिय संक्रमितहरुको संख्या ६८५ पुग्यो

 

लोकतन्त्र समाचारदाता---

सर्लाही ,जेष्ठ ३ 

    सर्लाही जिल्लामा दोस्रो भेरियन्टको  कोरोना भाइरस(कोभिड-१९) बाट मृत्यु  हुनेहरुको संख्या लगातार रुपमा बढ्दै गएको छ ।

    जिल्ला स्वास्थ्य  कार्यालय सर्लाहीका स्वास्थ प्रमुख श्रवण नायकका अनुसार जिल्लामा आज(सोमबार)सम्म  कोरोना भाइरसको संक्रमणबाट २० जनाको मृत्यु भएको छ भने ६८५ जना सक्रिय संक्रमित रहेका छन्  ।

       अहिले जिल्लामा कोभिड-१९ सम्बन्धि उपचारको लागि १९० बेड र १४७ वटा अक्सिजन सिलिन्डर सहितको ९ वटा अस्पतालहरु संचालनमा रहेका छन् । मलंगवा अस्पतालमा १० वटा आसियु बेड र ४ वटा भेन्टिलेटर संचालनको तयारीमा रहेको जिल्ला  अस्पताल मलंगवाले जानकारी गराएको छ।