गोडैता नगरपालिकाको प्रशासनिक भवन शिलान्यास, भवन सेवाग्राहीमैत्री र सबै सुविधा सम्पन्न हुने

 गोडैता नगरपालिकाको  प्रशासनिक भवन शिलान्यास, भवन सेवाग्राहीमैत्री र सबै सुविधा सम्पन्न हुने 

लोकतन्त्र समाचारदाता---

सर्लाही,जेष्ठ १०

       सर्लाहीको गोडैता नगरपालिकाले आगामी डेढ वर्षभित्रमा आफ्नै  प्रशासनिक भवन निर्माण गर्ने भएको छ । वडा न-७ मा निर्माण हुन लागेको उक्त भवनको  बुधबार एक समारोहका बिच नगरप्रमुख देवेन्द्र यादवले शिलान्यास गरेका हुन। 

    ६ करोड ३९ लाख रुपैयाँको लागतमा  निर्माण हुन लागेको  ३ तल्लाको प्रशासनिक भवन सेवाग्राहीमैत्री र सबै सुविधा सम्पन्न हुने नगरप्रमुख यादवले जानकारी दिनु भएको छ । आफू निर्वाचित भएदेखिनै नगरपालिकाको भवन निर्माणलाई पहिलो प्राथमिकता राखेको तर, केही प्राविधीक कारणले ढिला भएको यादवले बताउनु भएको छ । 

   हाल गोडैता नगरपालिकाको प्रशासनिक कार्य भाडाको घरबाट संचालन हुँदै आइरहेको छ।

     शिलान्यास समारोहमा उपप्रमुख अन्जना कुशवाहा ,प्रमुख प्रशासकीय अधिकृत रमेश प्रसाद यादव,विभिन्न वडाका वडाअध्यक्ष,कार्यपालिका सदस्य ,विभिन्न शाखाका प्रमुख ,कर्मचारी लगायत स्थानीयबासीहरुको उपस्थिति रहेको सूचना अधिकारी अरबिन्द कुमार साहले जनाएको छ।