कौडेना गाउँपालिकाको इनर्वामा बलवान प्राविको नयाँ भवन उद्घाटन

कौडेना गाउँपालिकाको इनर्वामा बलवान प्राविको नयाँ  भवन उद्घाटन

लोकतन्त्र समाचारदाता---

सर्लाही,जेष्ठ १५

      मधेस प्रदेश सांसद कौशल किशोर राय तथा कौडेना गाउँपालिकाका प्रमुख रुपेश कुमार रायले संयुक्तरूपमा  कौडेना गापा-२ इनर्वा स्थित श्री बलवान प्राविको नवनिर्मित भवनको उद्घाटन गरेका छन् ।

  गाउँपालिका कोषबाट बनाइएको उक्त प्राविको नयाँ भवनको उद्घाटन  कार्यक्रममा स्थानीय जनप्रतिनिधि ,कर्मचारी ,शिक्षक, विद्यार्थी तथा अभिभावकहरु लगायत स्थानीय शिक्षाप्रेमी समाजसेवीहरुको उपस्थिति रहेको थियो।

   आइतवार सम्पन्न भएको कार्यक्रमको आयोजना श्री बलवान प्रावि इनर्वाले गरेका थिए।