सर्लाही ,बैशाख ११
सर्लाहीमा पनि एकजनामा कोरोना भाइरसको संक्रमण देखिएको छ ।सर्लाहीको धनकौल गाउँपालिकामा राखिएका सोही ठाउँका १४ वर्षिय बालक राहुल कुमार महतोमा कोरोना भाइरसको संक्रमण भएको काठमाडौं स्थित टेकु अस्पतालले पुष्टि गरेको छ ।
केही दिन अगाडी उनको RDT टेष्ट गर्दा पोजेटिभ रिपोर्ट आएपछि निजको थप जाँच गर्न जनकपुर स्थित प्रादेशिक अस्पताल पठाइएको थियो। दोस्रो पटक PCV टेष्ट को रिपोर्ट नेगेटिभ आएको थियो । तर पुनः तेस्रो पटक टेकु अस्पतालमा परिक्षण गर्दा बालकको रिपोर्ट पोजेटिभ आएको अस्पतालले पुष्टि गरेको छ ।काेराेना भाईरस लागेकाे थाह भएपछि उक्त स्थानलाई शिल गरिएकाे जिल्ला प्रशासन कार्यालय सर्लाहीले जनाएकाे छ ।
कोरोना पोजेटिभ देखिएका बालक गएको चैत २३ गते भारतको राजधानी दिल्लीबाट आफ्नो गाउँ धनकौल आएका थिए । भारतबाट आएको जानकारी सुरक्षाकर्मीले पाएपछि ती बालकलाई घर नपुग्दै क्वारेन्टाइनमा लगेर राखिएको थियो ।
No comments:
Post a Comment