कविलासी नपामा राहत वितरण शुरु ,४ हजार ४ सय ९४ घरधुरी लाभान्वित

लोकतन्त्र समाचारदाता-----
सर्लाही ,बैशाख १७ ।

 बिश्वब्यापी महामारी रूपमा फैलिएको नोबेल कोरोना भाइरस कोभिड -१९ को सक्रमण रोकथाम तथा नियन्त्रणको लागि गरिएको लकडाउनबाट प्रभावित अति विपन्न परिवारको लागि प्रदेश २ अन्तरगत सर्लाहीको कविलासी नगरपालिकाले राहत वितरण कार्यक्रम शुरु गरेको छ। नगरपालिका भित्रका अति विपन्न ४४९४ घर धुरिको लागि राहत वितरण कार्यक्रम मंगलवारदेखी शुरु गरेको हो।

राहत वितरण कार्यक्रम अन्तरगत अति विपन्न प्रत्येक घरपरिवारलाई २५ केजि मन्सुली चामल ,३ केजि मसुरो दाल,१ लिटर खानेतेल ,१केजि नुन वितरण गरिएको थियोे ।

राहत कार्यक्रमबाट  नगरपालिका वाड नम्बर १ मा ४१३ घर धुरी , वाड नम्बर २ मा ४५६ घर धुरी, वाड नम्बर ३ मा ४५४ घर धुरी, वाड नम्बर ४ मा ४४४ घर धुरी, वाड नम्बर ५ मा ३५० घर धुरी, वाड नम्बर ६ मा ४०५ घर धुरी, वाड नम्बर ७ मा ५४८ घर धुरी,वाड नम्बर ८ मा ६५० घर धुरी,वाड नम्बर ९ मा ४३३ घर धुरी, वाड नम्बर १० मा ३४१ घर धुरिका सदस्यहरु लाभान्वित हुने नगरपालिका प्रमुख कौशल किशोर यादवले जानकारी दिनुभयो।