सर्लाही ,बैशाख १० ।
भारतसँग सिमाना जोडिएको सर्लाही जिल्लामा लुकीछिपी आवतजावतलाई रोक्न सीमा क्षेत्रमा उच्च निगरानी बढाइएको छ ।
पछिल्लो समय भारतमा कोरोना संक्रमितको संख्या बढ्दै गइरहेका बेला सिमाबाट लुकिछिपि हुन सक्ने आवतजावतलाई रोक्न सशस्त्र प्रहरी र नेपाल प्रहरीको टोलीले कडाइका साथ निगरानी सुरु गरेको छ सीमा क्षेत्रमा शसस्त्र प्रहरी र नेपाल प्रहरीले चौबीसै घण्टा सुरक्षा दिइरहेका छन् ।भारतीय नागरिकहरु जिल्लाको चोर नाका हुँदै भित्रिन सक्ने भएकाले सीमामा स्थाई चेक पोष्ट सँगै दर्जनौं अस्थाई चेक पोष्ट खडा गरेर 'हाई अलर्टका साथ निगरानी बढाएको हो । सर्लाहीको मलंगवा बजार भित्रने छोटी भन्सार , भेडियाही, खुटौना, भाँडसर, सिमरा,बहादुरपुर, बलरा, त्रिभुवननगर , नारायणपुर, सखुअवा, पर्सा र संग्रामपुरबाट मानिसहरूको आवातजावत हुने गर्दछ ।
सशस्त्र प्रहरी मलंगवाका सशस्त्र प्रहरी निरिक्षक संजित कुमार सिंहले सीमा क्षेत्रमा भएका मुख्य तथा सहायक सडक ,गोरेटो र पुलहरू सबै शिल गरिएको जानाकारी दिए।
No comments:
Post a Comment