विष्णु गाउँपालिकामा राहत वितरण सुरु

सर्लाही ,बैशाख ११ ।
    सर्लाहीको पश्चिम दक्षिण क्षेत्रमा पर्ने नेपाल भारत सिमावर्ती विष्णु गाउँपालिकामा विपन्न , दलित तथा श्रमिक नागरिकहरुमा राहत वितरण सुरु भएको छ ।
    कोरोना भाइरसको संक्रमणलाई रोक्न सरकार द्वारा लागू गरिएको लकडाउनका कारण पिडित भएका दलित, विपन्न तथा श्रमिक जनताहरुलाई विष्णु गापा का अध्यक्ष जवाहर लाल यादवले बुधबारदेखि २५ किलो चामल,५ किलो दाल, ५ किलो चिउरा,१ लिटर तेल,१ किलो नुन,१ किलो चिनी लगायतका खाद्यान्न तथा एक एक पिस नुहाउने साबुन वितरण गर्न सुरु गरेको लेखापाल सुशील यादवले जनाएको छ ।