चन्द्रनगरमा करेन्ट लागेर एक पुरुषको मृत्यु

 

लोकतन्त्र समाचारदाता---

सर्लाही ,भदौ १३

       आज बिहान(आइतवार) सर्लाहीको चन्द्रनगर गाउँपालिकामा करेन्ट लागेर एक पुरुषको मृत्यु भएको छ ।

चन्द्रनगर गाउँपालिका वडा न–६ बस्ने वर्ष ५० को नागेन्द्र मण्डलको करेन्ट लागेर मृत्यु भएको हो ।

      बिहान १० बजे तिर आफ्नै घरमा धाराको कल चलाउँदा त्यसमा जडान गरेको मोटरको तार सर्ट भई करेन्ट लागेर  घाइते भई उपचारको लागि मलंगवा स्थित जिल्ला अस्पतालमा ल्याएकोमा चिकित्सकले मण्डललाई मृत घोषणा गरेको जिल्ला प्रहरी कार्यालय सर्लाहीले जनाएको छ। 

    मण्डलको  शव परीक्षणका लागि जिल्ला  अस्पतालमा राखिएको छ ।