@अनुरोध@
अबधेश सहनी (निषाद)
समाचार नपाएर होकि
आजकल
हावा-हावा अनि बेमतलबको खबर देख्छु
पत्रिकाभरि,
सामाजिक संजाल भरि,
देख्छु टेलिभिजन भरि
र सुन्छु रेडियो भरि ।
अरे पत्रकार महोदय
समाचार चाहिए गरीबको घर भित्र पस्नुहोस
हेर्नुहोस छानो कति चुहुँदै छ
खोज्नुहोस सरकारले सित्तैमा दिएको रासन पाउँदैछन की छैनन
महसूस गर्नु उनिहरुका आँखा अनिदो पो छन की ?
हजुर
समाचार चाहिए
घुम्नुहोस शहर बजारको सुनसान
गल्लीहरुमा
घुम्नुहोस गाउँ-गाउँमा
सुन्न लायक र सुनाउन लायक
भेटिन्छन कथाहरु ।
महोदय
समाचार चाहिए
सरकारी कार्यलय भित्र पस्नुहोस
टेबलमुनी धन्दा चलिरहेछ की छैन
पहिरो पीड़ित, भूकम्प पीड़ित, बाड़ी पीड़ितले राहत पाए कि पाएनन,
ए ! हजुर
समाचार चाहिए
अस्पतालमा पस्नुहोस
रोगी जाच्ने डाक्टर छन की छैनन
छन त कति रोगी जाच्नलाई कति डाक्टर छन
पत्तो लाउनुहोस
रोगी स्याहार्ने नर्स
रोगिलाई औषधि दिदैछन की
अल्झिरहेका छन
संजालको व्यस्ततामा
जाच्नुहोस रोगीले सुत्नलाई खाट पाए कि पाएनन ।
अरे मिस्टर
समाचार चाहिए
तोड़नुहोस ब्यारिकेट र पस्नुहोस प्रहरी चौकी
र बुझ्नुहोस कुरा
की ठुला बड़ाको छोराछोरी र आफन्तले
गलतीको संजाय पाए कि पाएनन
निर्दोषले संजाय पाएको भए
आवाज उठाउनुहोस र जनता सामु पुर्याउनुहोस ।
पत्रकार महोदय
समाचार त तपाईको वरिपरि यथिष्ट छन
नियाल्नुहोस
खोजी तलासी गर्नुहोस ।
बिन्ती हजुर बिन्ती छ
समाचार बिक्री गर्नुहोस
तर पत्रकारको पहिचान र सिद्धान्त अनि स्वाभिमान
कतै बिक्री नगर्नुहोस ।।
धन्यवाद !!
ठेगाना :- रामनगर गाउँपलिका -३ सर्लाही
सम्पर्क न.:-९८४५००१२९३
No comments:
Post a Comment