मलंगवाको अस्पतालमा शिशु छाडेर भारतीय महिला फरार |
प्रतीक फोंटो |
लोकतन्त्र समाचारदाता---
सर्लाही,पुस १२
सर्लाहीको सदरमुकाम मलंगवा नगरपालिका स्थित प्रादेशिक अस्पतालको शौचालयमा सोमबार दिउँसो एक भारतीय महिलाले बच्चा जन्माएर शिशुलाई त्यहीँ छाडेर फरार भएकी छिन ।
जिल्ला प्रहरी कार्यालय सर्लाहीका प्रवक्ता एवं डिएसपी बिजय यादवका अनुसार भारतको विहार राज्य सितामढी जिल्ला सोनवर्षा बस्ने अन्दाजी २२ वर्षकी सैयम कुमारी गर्भवती भई उपचारको लागि प्रादेशिक अस्पताल मलंगवामा आएको अवस्थामा दिउँसो करिब १ बजे सोही अस्पतालको शौचालयमा गई सुत्केरी भई बच्चा जन्माई शिशुलाई त्यहीँ छाडेर भागेकी थिइन्।सो घटनाको खवर पाउना साथ बच्चालाई ओ.सि.एम.सी संस्थाको जिम्मा लगाई महिलाको खोजतलास भइरहेको प्रवक्ता यादवले जनाएको छ।
बच्चा छोरा रहेको र अवस्था सामान्य रहेको छ।
