नेशनल प्याब्सनको जिल्ला स्तरीय नृत्य प्रतियोगितामा मलंगवाको साउथ प्वाइन्ट स्कुल प्रथम

नेशनल प्याब्सनको जिल्ला स्तरीय नृत्य प्रतियोगितामा मलंगवाको साउथ प्वाइन्ट स्कुल प्रथम 

लोकतन्त्र समाचारदाता-----

सर्लाही,पुस ८

    राष्ट्रिय निजी तथा आवासीय विद्यालय एसोसिएसन नेपालले  सर्लाहीको सदरमुकाम मलंगवामा आयोजना गरेको जिल्ला स्तरीय नृत्य प्रतियोगितामा मलंगवाको साउथ प्वाइन्ट माद्यामिक आवासीय विद्यालय प्रथम भएको छ।

   एन.प्याब्सनको वार्षिकोत्सबको अवसरमा वडा न-१० स्थित शिवम इंग्लिस बोर्डिङ स्कुलमा शुक्रवार आयोजना भएको जिल्ला स्तरीय नृत्य प्रतियोगितामा संगठनमा आबद्ध सर्लाही जिल्लाभरीका ८ वटा विद्यालयहरु सहभागी भएका थिए ।जसमध्येबाट लालबन्दी-५ को क्याम्बर वेल स्कुल दृतिय र मलंगवा-६ खुटौनाको ब्लु स्काई एकेडेमी तृतीय भएका छन् ।

    एन.प्याबसनका सर्लाही जिल्ला अध्यक्ष युवराज भुजेलको अध्यक्षतामा आयोजित कार्यक्रममा  विजयी प्रतियोगी तथा विद्यालयलाई प्रमुख अतिथि एन.प्याब्सनका मधेस प्रदेश उपसचिव के.एस फिगिसन र विशिष्ठ अतिथि मधेस प्रदेश सह-कोषाध्यक्ष सन्तु प्रसाद जैसवालले पुरस्कार तथा प्रमाणपत्र वितरण गरेका थिए।

   सनफ्लावर बोर्डिङ स्कुल मलंगवा -४,साउथ प्वाइन्ट मलंगवा-३,विद्या सागर अ.आ.वि मलंगवा-४,ब्लु स्काई एकेडेमी खुटौना,शिवम इ.बो.स्कुल मलंगवा-१०,बेबिलोन एकेडेमी बागमती न.पा-११,क्याम्बर वेल लालबन्दी न.पा-५ र युनिक चन्द्रज्योती बरहथवा न.पा-७ लगायतका विद्यालयहरुको सहभागीता रहेको उक्त कार्यक्रममा एन.प्याबसनका मलंगवा नगर संयोजक विरेन्द्र कुमार सिंह,नगर कोषाध्यक्ष अखिलेश्वर प्रसाद यादव,सदस्य राम आधार यादव,जिल्ला सचिव रबी कुमार राय,जिल्ला सदस्य विनोद प्रसाद यादव ,नगर सह-संयोजक शत्रुधन प्रसाद साह लगायत शिक्षक तथा विद्यार्थीहरुको उपस्थिति रहेको थियो।