सहाराको कारोबार ४३ अर्ब माथि
सहाराको कारोबार ४३ अर्ब माथि
मनोज यादव---
सर्लाही,पुस १०
द सहारा लोन सेभिंग्स को-आँपरेटिभ सोसाइटी लिमिटेडको २६ औं वार्षिक साधारणसभा शनिवार सर्लाहीको सदरमुकाम मलंगवामा सम्पन्न भएको छ।
संस्थाका अध्यक्ष नागेन्द्र कुमारको अध्यक्षता तथा सर्लाही क्षेत्र न-४(क) बाट निर्वाचित प्रदेश सांसद विरेन्द्र प्रसाद सिंहको प्रमुख आतिथ्यतामा कार्यक्रम सम्पन्न भएको हो।
संस्थाले साधारणसभामा पेश गरेको प्रतिवेदन अनुसार आर्थिक वर्ष २०७८/०७९ को अवधि सम्ममा कुल ४३ अर्ब १ करोड ९ लाख ५१ हजार ७ सय १५ रुपैयाको कारोबार गरेको छ।३० करोड ३८ लाख ४४ हजार ९ सय रुपैया शेयर पुँजी रहेको संस्थाले सो अवधिसम्म २ अर्ब ८५ करोड ४३ लाख २६ हजार ८ सय ६९ निक्षेप बचत गरि ३ अर्ब ४६ करोड ७८ लाख ९२ हजार १ सय ८८ रुपैया लगानी गरेको छ।संस्थाले २६ करोड ३८ लाख ४६ हजार ६ सय ७७ रुपैया खुद नाफा गरेर प्रति शेयर १ सय १७ रुपैया बोनस प्रदान गरेको छ।संस्थाले आ.व २०८०/०८१ को अवधिमा १७ अर्ब ७१ करोड ४९ लाख ५ हजारको कारोबार संचालन गरेर ४८ करोड १३ लाख ३६ हजार नाफा कमाउने लक्ष्य लिएको छ।
संस्थाले यसै अवसरमा पुर्व मन्त्री विरेन्द्र प्रसाद सिंह, जिल्ला समन्वय समिति प्रमुख कौशल किशोर सिंह,जिसस उपप्रमुख जितेन्द्र कुशवाहा,प्रहरी उपरीक्षक प्रविण पोखरेल लगायतलाई दोसल्ला ओढाएर कदरपत्रका साथ सम्मानित गरेका थिए।
कार्यक्रमको आयोजना मलंगवा नपा वडा न-८ स्थित कुशुम पार्टी पैलेसमा गरिएको थियो।
No comments:
Post a Comment