गोडैताका कोरोना प्रभावितहरुको लागि उद्यमशिलता बिकास तालिम सम्पन्न

गोडैताका कोरोना प्रभावितहरुको लागि उद्यमशिलता बिकास तालिम सम्पन्न

लोकतन्त्र समाचारदाता---

सर्लाही,पुस १५

   सर्लाहीको गोडैता नगरपालिकामा कोरोना प्रभावितहरुका लागी संचालित उद्यमशिलता बिकास तथा व्यवसायिक योजना निर्माण सम्बन्धि ४ दिने तालिम सम्पन्न भएको छ ।

     राष्ट्रिय रोजगार प्रर्बद्धन केन्द्रको आयोजना, सेसी नेपालको सहयोग तथा गोडैता नगरपालिकाको समन्वयमा १२ गते मंगलबारदेखी १५ गते शुक्रवारसम्म उक्त तालिम संचालन भएको हो।गोडैता स्रोत केन्द्रमा संचालित उक्त तालिममा  गोडैता न.पा र कौडेना गाउँपालिकाका  २५ जना सहभागीहरु रहेका थिए ।ब्यवसाय सुरुवात गर्नका लागी प्रशिक्षण गर्ने उद्देश्यका साथ उक्त तालिमको आयोजना गरिएको आयोजकले जनाएको छ।

    तालिम लिइसकेका सहभागीहरुलाई व्यवसाय संचालन गर्नका लागी संस्थाले समेत सहयोग गर्ने  केन्द्रकी अध्यक्ष गायत्री देवी महतोले बताउनुभयो। यस संस्थाले स्थानीय स्तरमा रोजगार तथा स्वरोजगा प्रर्बद्धनका लागी कोरोना प्रभावित घरधुरीको पुर्नउत्थानमा समेत सहयोग गर्दै आईरहेको र आगामी दिनमा समेत बिभिन्न निकायको सहयोगमा कार्यक्रमहरु मर्फत स्थानीय जनसमुदायलाई सहयोग पुर्याइरहने संस्थाका कार्यकारी निर्देशक शिवजी प्रसाद साहले बताए।