समावेशी तथा दिगो ग्रामीण खानेपानी सेवा परियोजनाको समग्र समीक्षा तथा सिकाई आदान प्रदान कार्यक्रम सम्पन्न
समावेशी तथा दिगो ग्रामीण खानेपानी सेवा परियोजनाको समग्र समीक्षा तथा सिकाई आदान प्रदान कार्यक्रम सम्पन्न
मनोज यादव---
सर्लाही,पुस १४ ।
SNV नेपाल र ग्रामीण नारी उत्थान संघ हरिपुर सर्लाहीद्वारा संचालित समावेशी तथा दिगो ग्रामीण खानेपानी सेवा परियोजना(BFL)अन्तर्गत जिल्ला स्तरीय परियोजनाको समग्र समीक्षा तथा सिकाई आदान प्रदान कार्यक्रम बिहीबार सर्लाहीको सदरमुकाम मलंगवामा सम्पन्न भएको छ।
ग्रामीण नारी उत्थान संघका अध्यक्ष गोमा देवी न्यौपानेको अध्यक्षता तथा जिल्ला समन्वय समिति सर्लाहीका प्रमुख कौशल किशोर सिंहको प्रमुख आतिथ्यतामा सम्पन्न भएको कार्यक्रममा परियोजना संयोजक मदन कुमार वर्माले कार्यक्रमको लागि विनियोजित बजेट प्रस्तुत गर्दै सन् २०१९ देखि सन् २०२२ सम्म संचालित परियोजनाको उपलब्धि,भावी कार्यक्रमको रणनीति तथा योजनाहरुको बारेमा जानकारी गराउनु भएको थियो।कार्यक्रममा सहभागी भएका जिल्लाको पर्सा,रामनगर,कौडेना र चन्द्रनगर गाउँपालिका कर्मचारी तथा प्रतिनिधिहरुबाट सुझावहरु संकलन गरि उहाँहरुकै सुझावको आधारमा पालिका स्तरको GESI योजनाको निर्माण समेत गरिएको थियो।
कार्यक्रममा SNV नेपालकी जिल्ला संयोजक श्री अम्बिका यादवले परियोजना संचालनको क्रममा प्राथमिकता दिनुपर्ने पक्षहरुको बारेमा जानकारी गराउनुभएको थियो।उहाँले पालिका प्रमुखहरुलाई आ-आफ्नो पालिका स्तरमा जलवायु उत्थानशील खानेपानी आपुर्ती रणनीति कार्यान्वयन,खानेपानीको गुणस्तर परिक्षण सेवालाई निरन्तरता दिने,मानव श्रोत र बजेटको व्यवस्था गर्ने,खानेपानी सुविधा सुधारलाई निरन्तरता दिएर खानेपानी सुरक्षा योजना लागू गराउने,अपाङ्गता सहायता सेवा निरन्तर संचालन गर्न,अपाङ्गता संजालको क्षमता अभिवृद्धि गर्न,महिला उद्यमीहरु परिचालन गर्न र विद्यालय तथा स्वास्थ्य संस्था मार्फत स्वच्छता सम्बन्धि बानी व्यवहार प्रबर्द्धन गर्न रणनीति लागू गर्न सुझाव दिनुभएको थियो।
प्रमुख अतिथि एवं जि.स.स प्रमुख सिंहले चारवटै पालिकामा संचालित परियोजना उपलब्धि मुलक रहेको बताउँदै जिल्लाको बिसवटै पालिकाहरु मध्येबाट स्थापना नभएको पालिकामा अपाङ्गता भएकाहरुको लागि अपाङ्गता सहायत कक्षको निर्माण गर्ने जानकारी गराउनु भएको छ।
मलंगवा स्थित महेन्द्र होटलको सभा हलमा सम्पन्न भएको कार्यक्रममा विशिष्ठ अतिथि जिसस उपप्रमुख जितेन्द्र कुशवाहा,चन्द्रनगर गापा प्रमुख राज कुमार महतो,जिल्ला समन्वय अधिकारी होमनाथ सुवेदी,अम्बिका यादव लगायत रामनगर,पर्सा,कौडेना र चन्द्रनगर गापा का कर्मचारी, प्रतिनिधि तथा पत्रकारहररुको उपस्थिति रहेको थियो।
No comments:
Post a Comment