राष्ट्र सेवकहरुले सम्पन्न गरे आफ्नो सहकारीको १४ औं वार्षिक साधारणसभा
राष्ट्र सेवकहरुले सम्पन्न गरे आफ्नो सहकारीको १४ औं वार्षिक साधारणसभा
लोकतन्त्र समाचारदाता----
सर्लाही,पुस ९
राष्ट्र सेवक श्रृण सहकारी संस्था लिमिटेड सर्लाहीको १४औं वार्षिक साधारण सभा शनिबार सर्लाहीको सदरमुकाम मलंगवामा सम्पन्न भएको छ ।
कार्यक्रममा प्रस्तुत भएको लेखा परिक्षण प्रतिवेदन अनुसार आर्थिक वर्ष २०७८/०७९ सम्ममा संस्थाले ७ लाख २४ हजार ३ सय ४४ रुपैया खुद नाफा आर्जन गरेको छ।
जिल्ला समन्वय समितिको सभा हलमा सम्पन्न भएको साधारण सभाको उद्घाटन प्रमुख अतिथि जिसस प्रमुख कौशल किशोर सिंहले गरेका थिए। सहकारीका अध्यक्ष रविन्द्र प्रसाद सिंहको अध्यक्षतामा सम्पन्न साधारण सभामा विशिष्ठ अतिथि भूमि व्यवस्था ,कृषि तथा सहकारी मन्त्रालय मधेस प्रदेशका प्रतिनिधि विजय कुमार यादव र रामपृत यादव,आमन्त्रित अतिथि लेखा परिक्षक राजेन्द्र राय यादव तथा संचालक समितिका पदाधिकारी लगायतको उपस्थिति रहेको थियो।
कार्यक्रममा संस्थाका अध्यक्ष सिंहले आ.व २०७८/०७९ को वार्षिक कार्यक्रम, अनुमानित आय-व्यय तथा कार्ययोजनाहरुको बारेमा जानकारी गराएका थिए।
No comments:
Post a Comment