मलंगवामा २ दिने पालिकास्तरीय स्वास्थ्य सेवा सुदृढीकरण गोष्ठी सम्पन्न
मलंगवामा २ दिने पालिकास्तरीय स्वास्थ्य सेवा सुदृढीकरण गोष्ठी सम्पन्न
मनोज यादव----
सर्लाही,पुस १२
जिल्ला समन्वय समिति सर्लाहीको आयोजनामा दुई दिने क्षयरोग, मलेरिया, एचआईभी र कोभिड संक्रमणको निदान, उपचार र निदानका बारेमा पालिकास्तरीय स्वास्थ्य सेवा सुदृढीकरण गोष्ठी सम्पन्न भएको छ ।
मलंगवा स्थित जिल्ला समन्वय समितिको सभा हलमा सम्पन्न भएको गोष्ठीमा सोमबार ११ वटा नगरपालिका र मंगलबार ९ वटा गाउँपालिकाका प्रमुख, उपप्रमुख, प्रमुख प्रशासकीय अधिकृत, स्वाथ्य शाखाका प्रमुख,सामाजिक विकास अधिकृत,योजना अधिकृतहरु सहभागी भएका थिए । सेभ द चिल्ड्रेन,यु.एस र ग्लोबल फण्डको आर्थिक र प्राविधिक सहयोगमा आयोजित कार्यक्रममा क्षयरोग, एचआइभी, मलेरिया, कोभिड लगायतका संक्रामक रोगको बर्तमान अवस्थाका बारेमा जानकारी दिइएको थियो ।
कार्यक्रममा सेभ द चिल्ड्रेनका सेद द चिल्ड्रेनका बरिष्ठ कार्यक्रम प्रबन्धक हरिबोल बजगाई,सिनियर टेक्निकल को-अर्डिनेटर डा.लिला बहादुर बस्नेत,प्रमुख कार्यक्रम संयोजक चन्द्र नारायण साह र टि.बी को-अर्डिनेटर मकाबुल राईनले क्षयरोग ,मलेरिया, एचआइभी र कोभिड लगायतका रोगहरुको नियन्त्रण ,उपचार र निदानको बारेमा जानकारी दिएका थिए ।
जिसस प्रमुख कौशल किशोर सिंहको अध्यक्षतामा भएको कार्यक्रममा जिसस उपप्रमुख जितेन्द्र कुशवाहा,प्रमुख जिल्ला अधिकारी थानेश्वर गौतम,जि.समन्वय अधिकारी होमनाथ सुवेदी लगायत जिल्लाको २० वटै पालिकाका प्रमुख ,उपप्रमुख,प्र.प्र.अधिकृत,सामाजिक विकास अधिकृत,योजना अधिकृत र स्वास्थ्य शाखा प्रमुखहरुको उपस्थिति रहेको थियो।
कार्यक्रममा स्वागत मन्तव्य स्वास्थ्य कार्यालय सर्लाहीका प्रमुख डा.नवल किशोर झा दिएका थिए।
No comments:
Post a Comment