आगलागीबाट चौपायासहित अढाई लाखको क्षति
आगलागीबाट चौपायासहित अढाई लाखको क्षति
लोकतन्त्र समाचारदाता---
सर्लाही,पुस ११
सर्लाहीको कबिलासी नगरपालिका वडा न-३ बिनग्रा गाउँमा आइतवार आगलागी हुँदा २ लाख ५० हजार मूल्य बराबरको क्षति भएको छ ।
बिहान करिब पौने ३ बजेको समयमा स्थानीय बालकिशोर रायको भैंसीको गोठमा अचानक आगलागी हुँदा सो मूल्य बराबरको क्षति भएको हो।
आगलागीबाट गोठसहित गोठ भित्र झ्याल ढोका बनाउनको लागि राखिएको काठ र अन्य सरसामानहरु पुर्ण रुपमा जलेर नष्ट हुनुका साथै आगोले पोलेर २ वटा बाख्राको पाठाहरु मरेका छन् ।गोठ भित्रै बाँधिएका भैंसी र राँगा पनि घाइते भएको जिल्ला प्रहरी कार्यालय मलंगवाले जनाएको छ।
उक्त आगलागी प्रहरी र स्थानीयवासीको सहयोगमा बिहीबार साढे ३ बजेतिर नियन्त्रणमा लिइएको थियो ।
No comments:
Post a Comment