गाउँपालिका प्रमुखको अगुवाइमा हुलाकी सडक निर्माणका लागि पर्सा गाउँपालिकामा मापदण्ड भित्रका भौतिक संरचनाहरु हटाइए

 

गाउँपालिका प्रमुखको अगुवाइमा हुलाकी सडक निर्माणका लागि पर्सा गाउँपालिकामा मापदण्ड भित्रका भौतिक संरचनाहरु हटाइए

लोकतन्त्र समाचारदाता---

सर्लाही,पुस १३

   सर्लाहीको पर्सा गाउँपालिकाले वडा न-५ र ६ मा रहेको सडक  अतिक्रमण हटाका छन् ।

   जिल्लाको हुलाकी राजमार्ग अन्तर्गत पर्ने पर्सा गापाको वडा न-५ र ६ मा सडक अतिक्रमण गरेर बनाइएका भौतिक संरचनाहरुका कारण बिगत ३ महिना देखि हुलाकी राजमार्गको निर्माणकार्यमा अवरोध हुँदै आरहेको र पालिका द्वारा पटकपटक खाली गरिदिन भनि स्थानीयहरु सँग  अनुरोध गर्दा समेत खाली गर्न नमानेपछि हुलाकी राजमार्ग प्रयोग गर्ने जिल्लाबासी र सम्बन्धित निकायको कडा निर्णय पश्चात् गापा अध्यक्ष धिरेन्द्र यादव विस्पतले आफ्नै  अगुवाइमा सम्बन्धित वडाका वडाअध्यक्षहरुको उपस्थिति र नेपाल प्रहरी तथा सशस्त्र प्रहरी बलको साहयतामा जेसिवी स्काभेटर लगाएर मापदण्ड भित्र पर्ने भौतिक संरचनाहरु हटाएर सडक खालि गराएका हुन ।

    उक्त पालिकाको वडा न-५ र ६ मा रहेको अतिक्रमणका कारण  राष्ट्रिय गौरवको योजनाको रुपमा रहेको हुलाकी राजमार्गको निर्माणमा  बारम्बार अवरोध उत्पन्न भइ ढिलाई हुँदै आइरहेको थियो।हुलाकी राजमार्ग अन्तर्गत पर्ने पर्सा गापाको ३ किलोमिटर सडक यहाँका बासिन्दाहरुले वर्षौंदेखि अतिक्रमण गरेर राखेका कारण हुलाकी राजमार्गको निर्माणकार्यमा अवरोध उत्पन्न हुँदै आएको थियो। कच्ची तथा क्षतिग्रस्त सडकका कारण दैनिकजसो सवारी दुर्घटनाहरु हुँदै आएको र सडकमा उड्ने धुलोले सडक छेउछाउका बासिन्दाहरु विभिन्न रोगको सिकार समेत बन्दै आएकोले हुलाकी सडक अन्तर्गतका बासिन्दाहरु बाध्य भएर सडकको निर्माणकार्य चाँडोभन्दा चाँडो पूरा गर्नुपर्ने माग राखेर कयौंपटक सडक अवरुद्ध गरि आन्दोलन गरिसकेका छन् । 

  सोही कुराहरुलाई मध्येनजर गर्दै पर्सा गापा का प्रमुख यादव हुलाकी राजमार्गको निर्माणकार्यमा सघाउ पुर्याउन आफै लागिपरेका छन। यस कार्यमा सम्बन्धित वडाका वडाअध्यक्ष,स्थानीयबासी लगायत सुरक्षाकर्मीहरुले समेत सहयोग गरिरहेको प्रमुख यादवले बताए ।   पहिलेका पदाधिकारी तथा  राजनीतिकर्मीहरुले आफ्नो पार्टीको मान्छेको घर कसरी भत्काउने र चुनावको बेला भोंट नपाउने डरले अतिक्रमण हटाएका थिएनन् । तर ती सब कुराहरुको पर्वाह नगरि यस पालिकाका प्रमुख यादवले अतिक्रमण गरेर बनाइएका सबै भौतिक संरचनाहरु भत्काइ दिएका छन् ।

    अतिक्रमणहरु हटाइएकोले अबको केही दिनमै हुलाकी सडकको काम सुरु गरि दृत गतिमा निर्माणकार्य सम्पन्न गर्ने ठेकेदार कम्पनीले बताएका छन् ।आफुहरुको काममा सघाइ दिएको भन्दै ठेकेदार कम्पनीले पर्सा गापा का प्रमुख यादवलाई धन्यवाद दिएका छन्।