विद्युतिय पासाेमा परी बलरामा एक पुरूषकाे मृत्यु

 

विद्युतिय पासाेमा परी बलरामा एक पुरूषकाे मृत्यु

लोकतन्त्र समाचारदाता---

सर्लाही, चैत-९

  सर्लाहीको  बलरा नगरपालिकामा  जङ्गली जनावरको लागि  थापिएको विद्युतिय पासाेमा परी एक पुरुषको मृत्यु भएको छ । मृत्यु हुनेमा बलरा नगरपालिका–५, कोइरी टोलका ५० वर्षीय रामअक्षय महतो कोइरी रहेको प्रहरीले जनाएको छ।

    राति पिसाब फेर्न निस्किएका रामअक्षय छिमेकीको मकै बारी थापिएको विद्युतीय पासाेमा परि  घटनास्थलमै मृत्यु भएको जिल्ला प्रहरी कार्यालय मलंवाले जनाएको छ ।

   मृतक रामअक्षयको शव प्रादेशिक अस्पताल मलंगवामा पोस्टमार्टमपछि परिवारले बुझेर लगेका जिल्ला  प्रहरी कार्यालय सर्लाहीका प्रहरी एपी नरेशराज सुवेदीले  जानकारी दिए ।