रौतहटमा एमसीसीको विरोधमा आईटी आर्मीको चन्द्रपुरमा प्रदर्शन
दिपेश कुमार साह।
रौतहट ,भदौ २६
रौतहटमा मिलिनियम च्यालेन्ज कर्पोरेसन (एमसीसी) को विरोधमा आईटी आर्मीले प्रदर्शन गरेको छ । आइटी आर्मीले एमसीसी सम्झौता राष्ट्रघाती भएकाले यसलाई तुरुन्त खारेज गर्नुपर्ने माग गर्दै रौतहटको चन्द्रपुरमा प्रदर्शन गरेका छन् ।
आइटीआर्मिका जिल्ला अध्यक्ष नरेस साह को प्रमुख अथिती नियुबर्तमान सांसद कुन्दन कुशवाहा नेतृत्वमा चन्द्रनिगाहपुरमा शुक्रबार प्रदर्शन गरिएको हो । सो क्रममा हात हातमा तुल ब्यानर लिएका युवाहरुले MCC कुनै हालतमा लागू हुनुहुदैंन भन्दै सरकार विरुद्ध चर्का नारा लगाएका थिए ।गाउँ गाउँ बाट जम्माभै चन्द्रनिगाहपुर स्थित गौतम होटेल छेउ बाट मुख्य सडक हुँदै बजार परिक्रमा गरेका थिए ।
पर्दर्शन पछि चन्द्रनिगाहपुरको मध्यभागमा पार्क नजिकै आयोजित कोणसभामा आईटीआर्मिका जिल्ला अध्यक्ष नरेस साह,गजरा नगरपालिकामा मेयर प्रत्यासी पलट चौधरी र लालबाबु साहले संबोधन गरेका थिए ।
MCC देशको लागि घातक भएकोले कुनैपनि हालतमा लागुहुन नदिने बताएका थिए ।एमसीसी सम्झौता राष्ट्रघाती सम्झौता भएकाले यसले मुलुकलाई अस्थिरता तर्फ लगि विनाशको बाटोमा पुर्याउने हुँदा कुनै पनि शर्तमा यो सम्झौता लागू गर्न नहुने आईटी आर्मीको जिल्ला संयोजक तुरहाले बताए ।MCC लागुभएपछी नेपालको अवस्था अफगानिस्तान जस्तै हुनेभएकाले यसलाई रोक्न सबै युवा एकजुट हुनुपर्ने उनिहरुले माग गरेका थिए । देशमा रोजगारीको अभावमा बिदेशिएका युवाले रेमिटान्स मार्फत बर्षको ९ सय ६१ अरब ५० करोड रुपैया पठाउने गर्दछन । तर मात्र ५० अरब रुपैयाको लागि प्रधानमन्त्री शेर बहादुर देउवाले अमेरिका संग देशको अस्मिता बेच्न नपाईने कोणसभाका बक्ताहरुले बताएका थिए । प्रधानमन्त्री देउवाले बल प्रयोग गरेर जबर्जस्ती MCC को सम्झौता गरेमा देशमा ठुलो अशान्ति हुने चेतावनी दिएका थिए ।उनले अहिले सत्ताधारी गठबन्धन र कठपुतली सरकारले सदनबाट एमसीसी पास गर्न तर्फ अग्रसर भएकाले त्यस्तो दुस्साहस नगर्न सरकारलाई चेतावनी दिँदै त्यसो गरेमा राष्ट्रव्यापी सशक्त आन्दोलन गर्ने घोषणा गरे ।
बिरोध कार्यक्रममा सैयौं मानिसको सहभागिता रहेको थियो। कार्यक्रम उग्र हुन नदिन चन्द्रनिगाहपुर स्थित चौक चौकमा शुक्रबार बिहानै देखि बाकलो सुरक्षाकर्मी परिचालन गरिएको थियो ।
आइटि आर्मीको कटहरिया नगरपालिका को नगर अध्यक्ष कृष्णा यादव ले जनाए युवाहरु सुरुमा मोटरसाइकल रैली गर्न खोज्दा प्रहरीले गर्न दिएनन् ।
No comments:
Post a Comment