सर्लाहीमा ट्याक्टर दुर्घटना हुँदा चालकको मृत्यु

 

प्रतीक फोटो

लोकतन्त्र समाचारदाता---

सर्लाही ,असोज ३

      ट्रेक्टर दुर्घटना हुँदा सर्लाहीमा एकजनाको मृत्यु भएको छ ।पुर्व-पश्चिम राजमार्ग अन्तर्गत जिल्लाको लालबन्दी नगरपालिका वडा न–१, नवलपुर स्थित बागवानी केन्द्र नजिक सनिवार राती ट्याक्टर दुर्घटना ट्रेक्टर चालक लालबन्दी  नगरपालिका वडा न–११, हीरापुर बस्ने  २७ वर्षीय सुकेश्वर राय यादवको मृत्यु भएको प्रहरीले जनाएको छ।

        जिल्ला प्रहरी कार्यालय सर्लाहीका अनुसार सनिवार राती करिब ८ बजेतिर  लालबन्दी तर्फबाट  खेत जोतेर नवलपुर फर्किदै गरेको प्रदेश २–०२–००१ त १३७९ नम्वरको ट्याक्टर आफै अनियन्त्रित भई पल्टिँएर गम्भीर घाइते भएको चालक यादवको उपचारका क्रममा नमूना अस्पताल हरिवनमा मृत्यु भएको हो ।

    मृतक यादवको शव पोष्टमार्टमका लागि जिल्ला अस्पताल मलंगवामा ल्याइएको छ भने ट्रेक्टर इलाका प्रहरी कार्यालय लालबन्दीको  नियन्त्रणमा रहेको छ ।