लाइफ लाइट कोचिङ्ग सेन्टरले खेलकुद तथा शैक्षिक क्रियाकलाप प्रतियोगिता गरि बाल दिवस मनाए

 

लोकतन्त्र समाचारदाता---

सर्लाही ,भदौ ३१

    सर्लाहीको मलंगवा नगरपालिका वडा न-५ भाँडसर स्थित लाइफ लाइट कोचिङ्ग सेन्टरले “सुखी नेपाली, समृद्ध नेपाल, बाल अधिकार सबैको सरोकार” भन्ने मूल नाराका साथ खेलकुद तथा शैक्षिक क्रियाकलाप गरि बाल दिवस मनाएका छन् ।

    कोचिङ्ग सेन्टरका शिक्षक ललन झाको अध्यक्षता एवं समाजसेवी  विश्वेश्वर महतोको प्रमुख आतिथ्यामा दिवस मनाइएको हो ।

जुगेश्वर राउत,जय कृष्ण महतो,राम बहादुर महरा रंजु देवी महरा,  राम आधार यादव, स्थानीय बुद्धिजीवी , भद्रभलादमी कोचिङ्ग सेन्टरमा अध्यनरत विद्यार्थीहरु लगायतको सहभागीतामा मनाइएको दिवसको अवसरमा खेलकुद तथा शैक्षिक क्रियाकलापमा भाग लिइ विजेता भएका छात्रछात्राहरुलाई कार्यक्रममा उपस्थित अतिथिहरुको हातबाट पुरस्कार प्रदान गरिएको कार्यक्रम निर्देश एवं कोचिङ्ग संचालक  कामेन्द्र महराले जानकारी जनाएको छ ।