रौतहटमा मोटरसाइकल दुर्घटनामा बिधुत कर्मचारीको मृत्यु

दिपेश कुमार साह----

रौतहट ,असोज ६       

      रौतहटको कटहरिया स्थित आफैले चलाएको मोटरसाइकल दुर्घटना हुंदा एकजना बिधुत कर्मचारीको मृत्यु भएको छ ।

    देवाही गोनाही वडा न-६ गोनाही गाउँ घर भएका २५ बर्षिय  पप्पु पटेलको आफैले चलाएको   ना ४२ प ७१४२ नम्बरको मोटरसाइकल दुर्घटना भइ गएराती मृत्यु भएको हो। मौलापुर बिधुत प्राधिकरणमा करारमा रहेका  फ्युज सेवाका कर्मचारी पटेलको कटहरियाबाट घरजाने क्रममा गएराती ९:३० बजेको समयमा बलुवा गाउँ स्थित पेट्रोल पम्प नजिक  मोटरसाइकल दुर्घटना भएको प्रहरीले जनाएको छ । 

   मृतक पटेलको शव पोष्टमार्टमको  लागि जिल्ला अस्पताल गौर पठाईएको तथा दुर्घटनाको कारण हालसम्म खुल्न नसकेको ईलाका प्रहरी कार्यालय कटहरियाका प्रमुख सई बिरेन्द्र यादवले जानकारी दिएका छन ।