प्रदेश न-२ मै पहिलो पटक भारत्तोलन(power lifting) प्रतियोगिता सर्लाहीको ईश्वरपुरमा सम्पन्न
मनोज यादव--
सर्लाही ,भदौ २०
प्रदेश न-२ मै पहिलो पटक सर्लाहीको ईश्वरपुरमा जिल्ला स्तरीय पावर लिफ्टिंग (भारत्तोलन) प्रतियोगिता सम्पन्न भएको छ ।गोल्ड फिटनेस सेन्टर ईश्वरपुरको आयोजनामा पुरुष तर्फ जुनियर,सबसिनियर ,सिनियर र मास्टर्स तहको प्रतियोगिता सनिवार सम्पन्न भएको छ ।
ईश्वरपुर नगरपालिका वडा न-६ बयलबासमा आयोजना भएको प्रतियोगितामा आयोजक क्लब सहित राइजिंग युवा क्लब मलंगवा ,युनाइटेड फिटनेस सेन्टर लालबन्दी र तराई बुल्स जिम क्लबका खेलाडीहरुले भाग लिएका थिए ।प्रतियोगितामा मास्टर्स तर्फ प्रथम विकास श्रेष्ठ , दुतिय संदेश लामा र विक्रम पाख्रिन तृतीय भएका छन् ।यस्तै सिनियर तर्फ प्रथम,दुतिय र तृतीय क्रमशः निखिल कुमार झा , निरज सर्राफ र डिक बहादुर मगर भएका छन् ।यसैगरि सबसिनियर तर्फ सत्यमन लोप्चन,नयन जेना र देवेन्द्र श्रेष्ठ भएकाछन ।यसैगरी जुनियर तर्फ सन्तोष साह,धर्मेन्द्र राम र रंजित मगर क्रमश प्रथम दुतिय तृतीय भएको आयोजक संस्थाका इभेन्ट मेनेजर चाँद मिकरानीले जानकारी दिएको छ ।
कार्यक्रमलाई सम्बोधन गर्दै प्रमुख अतिथि तथा ईश्वरपुर नपाका नगरप्रमुख मनोज देवकोटाले विद्यालय, खेलकुद क्लब तथा पालिकाहरुले अन्य सबैखाले खेलकुद प्रतियोगिताहरुको आयोजना गर्दै आएको भएपनि प्रदेश न-२ मै पहिलो पटक यस किसिमको प्रतियोगिताको आयोजना सर्लाहीको ईश्वरपुरमा आयोजना गरिएकोले आगामी दिनमा पनि यसलाई निरन्तरता दिन सुझाव दिंदै आयोजक कमिटीले तथा बिजेता खेलाडीहरुलाई बधाई दिएका थिए ।
प्रतियोगितालाई परी हार्डवेयर,नव प्रयास बचत तथा सहकारी संस्था ,मनोज आचार्य फाउन्डेसन र ईश्वरपुर मनकामना इंग्लिस स्कुलले प्रायोजन गरेर प्रतियोगितालाई सफल बनाउन सहयोग गरेका थिए ।
पहिलोपटक भारत्तोलन प्रतियोगिता प्रत्यक्षरुपमा हेर्न पाउँदा दर्शकहरु निकै उत्साहित देखिएका थिए ।
No comments:
Post a Comment