सर्लाहीमा ५ वर्षदेखि १२ वर्षसम्मका बालबालिकालाई फाइजर खोप लगाइँदै

लोकतन्त्र समाचारदाता---

सर्लाही,भाद्र ७

     सर्लाहीको २० वटै पालिकाहरुमा ५ वर्षदेखि १२ वर्ष उमेर समूहका बालबालिकालाई कोरोना भाइरस विरुद्धको फाइजर खोप लगाइँदै छ।

   अस्ति सोमबार नै सबै पालिकाहरुमा खोप पठाइ मंगलबारदेखि लगाउन थालेको स्वास्थ्य कार्यालय मलंगवाका प्रमुख डा. नवलकिशोर झाले जानकारी  गराएको छ। डा.झाका अनुसार जिल्लामा १ लाख ४० हजार डोज खोप आइपुगेको र सो खोप कार्यक्रम संचालन गर्न केही दिनअघि स्वास्थ्यकर्मी र शिक्षकहरुलाई अभिमुखिकरण तालिम प्रदान गरिएको थियो ।

   खोप कार्यक्रममा खटिएका स्वास्थ्यकर्मीले ५ देखि १२ वर्षसम्मका २ सयजना विद्यार्थीहरु रहेको विद्यालयमै गएर खोप लगाइदिने यदी सो संख्या नपुगेको अवस्थामा नजिकै रहेको विद्यालयमा समावेश गरि खोप लगाउने व्यवस्था गरिएको डा.झाले बताए ।