बाटो तथा तटबन्ध निर्माणको लागि राजाबाबुले गरे सर्लाही र रौतहट जिल्लालाई जोड्ने बागमती पुलको निरिक्षण

 

लोकतन्त्र समाचारदाता---

सर्लाही,भाद्र १५

     नेपालकै सबैभन्दा कान्छो गाउँपालिका प्रमुख  रामनगर गा.पा का अध्यक्ष राजाबाबु यादव आफ्नो पालिकाको विकास निर्माणको काममा जोडतोडका साथ लागिपरेका छन्।सोही क्रममा उहाँले बुधबार 

    बुधबार प्राविधिकहरु सहितको टोलीलाई लिएर  जिल्लाको रामनगर गापा र रौतहट जिल्लाको दुर्गाभगवती गा.पासँग जोड्ने बागमती  नदीमा बन्दै गरेको पुलको अनुगमन गर्नुभएको छ।

    उक्त पुलको निर्माणकार्य अन्तिम चरणमा रहेकोले सो को बाटो लगायत तटबन्ध निर्माणका लागी उहाँले  सोल परिक्षण समेत गर्नुभएको छ।

   वर्षा याममा बागमती नदीमा बाढी आउँदा आवतजावत बन्द रहने उक्त क्षेत्रमा  पुलको निर्माणकार्य सम्पन्न भएर  सुचारु भएपछि  जस्तोसुकै बाढी आउँदा पनि दुवै जिल्लाका स्थानीय  बासिन्दाहरुलाई आवतजावतमा सुविधा हुने भएकोले सवारीसाधन समेत गुडाउन सजिलो होस् भनेर रामनगर गा.पा भित्र पुलसम्म जोड्ने सडकको निर्माण तथा मर्मत सम्भार गर्ने  यादवले बताए ।