खुटौनामाओवादी केन्द्रको प्रथम वडा भेला सम्पन्न, अध्यक्षमा इम्ताज मिकरानी

लोकतन्त्र समाचारदाता---

सर्लाही,भाद्र ४

    नेपाल कम्युनिष्ट पार्टी (माओवादी केन्द्र) मलंगवा नगरपालिका वडा न-६ को वडा भेला सम्पन्न भएको छ । सनिवार सम्पन्न भएको भेलाले इम्ताज मिकरानीको अध्यक्षतामा वडा समिती गठन गरेको छ ।

    सफिउल्ला खानको अध्यक्षया तथा पार्टीका केन्द्रीय सदस्य एवं  सर्लाही जिल्ला इन्चार्ज अचुतम काफ्लेको प्रमुख आतिथ्यतामा मलंगवा नपा वडा न-६,खुटौनामा आयोजना भएको भेलाबाट उपाध्यक्ष,कोषाध्यक्ष ,सचिव र सह-सचिवमा क्रमशः सियाराम राय, 

बसिर खान,पन्नेलाल राय,पर्मेश्वर साह 

 लगायत २९ सदस्यीय वडा समिती गठन गरिएको छ।

   आउँदो प्रतिनिधि सभा र प्रदेश सभा सदस्यको निर्वाचनलाई समेत मध्येनजर गरेर उक्त वडामा समिति गठन गरिएको पार्टीले जनाएको छ।

    कार्यक्रममा विशिष्ट अतिथि केन्द्रीय सदस्य  सावित्री बुधाथोकी,महिला सगंठन सर्लाहीकी जिल्ला इन्चार्ज  बिनीत दहाल तथा अतिथिहरु,मलंगवा नपाका नगर अध्यक्ष लक्ष्मी नारायण  चौधरी, नन्द किशोर राय,लगायत क्षेत्र ,जिल्ला र नगर स्तरका नेताहरुको उपस्थिति रहेको कैमुल हुसैनले जनाएको छ।

    कार्यक्रमको संचालन पन्नेलाल रायले गरेका थिए।