रुना धामी --------
सर्लाही ,मंसिर ६
सर्लाहीको हरिवन नगरपालिका वडा न- २ अत्रौली स्थित बेलचौतारामा शुक्रबार राती ट्याक्टर दुर्घटनामा परि चालकको मृत्यु भएको छ ।
सिन्धुलीबाट घरको पुरानो काठहरु लिएर आउँदै गरेको ना ६ त ३०९३ नम्बरको ट्याक्टर राती करिब ९ बजेतिर सडकबाट झण्डै ३० फिटजति तल खोँचमा अनियन्त्रित भइ खसेर पल्टिँदा चालक हरिवन नगरपालिका वडा न- २ बेलचौताराकै ४१ वर्षीय कामी सिंह घलानको मृत्यु भएको जिल्ला प्रहरी कार्यालय सर्लाहीका प्रवक्ता एवं डिएसपी मदन कुवँरले जनाएको छ ।ट्याक्टरमा च्यापिएर घटनास्थलमै मृत्यु भएको घलानको शव रातभर घटनास्थमै रहेको थियो ।
मृतकको शव पोष्टमार्टमका लागि सदरमुकाम मलंगवा स्थित जिल्ला अस्पतालमा राखिएको प्रहरीले जनाएको छ।
No comments:
Post a Comment