सर्लाही ,कात्तिक २२
सर्लाहीको लालबन्दी नगरपालिकामा शुक्रवार साँझ मोटरसाइकल दुर्घटना हुँदा एकजना पैदलयात्री सहित ३ जना ब्यक्ति घाइते भएका छन्।
जिल्लाको नवलपुर-मलंगवा सडक खण्ड अन्तर्गत लालबन्दी न.पा वडा न-२ स्थित जुटपानीमा नवलपुरबाट सदरमुकाम मलंगवातर्फ जाँदै गरेको प्रदेश -२-०३-००६ प ९६ नम्बरको नम्बरको मोटरसाइकले सडक पार गरिरहेको पैदल यात्री सोही ठाउँ बस्ने ५० वर्षिय बल बहादुर कार्कीलाई ठक्कर दिएपछि भएको दुर्घटनामा पैदल यात्री कार्कीसहित मोटरसाइकल चालक हरिपुर नगरपालिका वडा न-२ बस्ने २४ वर्षिय प्रमोद महतो र मोटरसाइकल पछाडि बसेका ३४ वर्षिय रामपृत साह घाइते भएको प्रहरीले जनाएको छ ।
मोटरसाइकलको ठक्करबाट टाउकोमा चोट लागेर गम्भीर घाइते भएका पैदल यात्री कार्कीलाई मोडेल अस्पताल नवलपुरमा प्राथमिक उपचार गरि थप उपचारको लागि बिरगंज पठाइ सामान्य घाइते मोटरसाइकल चालक महतो र साहको प्रहरीको निगरानीमा मोडेल अस्पताल नवलपुरमा उपचार भइरहेको जिल्ला प्रहरी कार्यालय सर्लाहीका प्रहरी प्रवक्ता एवं डिएसपी मदन कुवरले जानकारी दिएको छ ।
दुर्घटनामा संलग्न मोटरसाइकल इलाका प्रहरी कार्यालय लालबन्दीको नियन्त्रणमा राखिएको छ ।
No comments:
Post a Comment