रुना धामी----
सर्लाही ,कात्तिक ३०
लक्ष्मीपुजाकै दिन सर्लाहीको विभिन्न ठाउँमा आगलागी हुँदा लाखौंको धनमाल क्षति भएको छ ।
सनिवार राति सवा ७ बजे जिल्लाको ब्रहम्पुरी गाउँपालिका वडा न–१ स्थित स्थानीय निरज साहको गोठमा लक्ष्मीपुजा गर्न भनि बालिएको मैनबत्तीबाट आगो लागेको छ । उक्त आगलागीबाट साहको गोठ र गोठ भित्र बाँधेर राखेको एउटा पाडा र चारवटा बाख्रा जलेर मरेको प्रहरीले जनाएको छ । आगलागीबाट एकलाख भन्दा बढीको क्षति भएको प्रहरीले जनाएको छ ।
त्यसैगरी सोही राती साढे ८ बजे बागमती नगरपालिका वडा न–१, डुमाजोर स्थित सुनिल तामाङको घरमा बालेको मैनबत्तीबाट आगो सल्किँदा लाखौंको क्षति भएको छ । आगलागीबाट तामाङको दुई तले कच्ची घर तथा घर भित्र भएका लत्ताकपडा, अन्नपात, फर्निचर लगायत नष्ट भएको जिल्ला प्रहरी कार्यालय सर्लाहीका प्रवक्ता एवं डिएसपी मदन कुवँरले जनाएको छ ।उक्त आगलागी स्थानीयबासी तथा सुरक्षाकर्मीले हरिवन नगरपालिकाबाट मगाएको दमकलको सहायताले समयमै नियन्त्रणमा लिएकोले थप ठूलो क्षति हुनबाट जोगिएको स्थानीयबासीहरुले बताएका छन् ।
त्यसैगरी लक्ष्मीपुजा मनाउने क्रममै सनिबार राती ८ बजे बरहथवा नगरपालिका वडा न–७ स्थित बरहथवा बजारमा रहेको आरसी कम्प्लेक्समा मोहम्मद मफुज आलमले संचालन गरेको जुत्ताचप्पल पसलमा आगलागी हुँदा १० लाख मुल्य बराबरको क्षति भएको प्रहरीले जनाएको छ । प्रहरीका अनुसार बरहथवा नगरपालिका वडा न–९ निवासी स्थानीय मनोज कुशवारको गन्तब्य शू सेन्टरमा विद्युत सर्ट भई आगलागी भएको हो ।
यस्तै सनिवार साँझ सवा ७ बजे गोडैता नगरपालिका वडा न–८ मा रोकी राखेको ना. ७ ख ३५१५ नम्बरको बसमा रहेको ब्याट्रीको करेन्ट सर्ट भई आगो लाग्दा झण्डै १० लाख मुल्य बराबरको क्षति भएको प्रहरीले जनाएको छ ।
No comments:
Post a Comment