लोकतन्त्र समाचारदाता----
सर्लाही ,कात्तिक १८
सशस्त्र प्रहरी बल नेपाल बोर्डर आउट पोस्ट त्रिभुवननगरले प्रतिबन्धित लागुऔषध सहित एकजना लाई पक्राउ गरेको छ । सोमबार बेलुका ४ बजेको समयमा ब्रम्हपुरी गाउँपालिका वडा न-४ दशगजा बोर्डर इलाका अन्तर्गत शेख टोल नाकाबाट बिओपी त्रिभुवननगरबाट सशस्त्र प्रहरी सहायक निरिक्षक सखिचन मोचीको कमाण्डमा खटिएको ६ जनाको पैदल गस्ती टोलीले चेकजाँच गर्ने क्रममा सिमापारी भारतबाट अवैध रुपमा प्लास्टिकको झोलामा राखि नेपालतर्फ ल्याउँदै गरेको Cufcure DC १०० ml-११ थान, Wincirex १०० ml-१४० थान ,Replin १०० ml-५० थान र Nitravet-10 tablet-७ पत्ता(१५० पिस)नामक लागूऔषध बरामद गरेको कार्यालय प्रमुख तथा सशस्त्र प्रहरी निरीक्षक संजित सिंहले जानकारी दिए ।
लागूऔषध ल्याउने हरिवन नगरपालिका वडा न-११ बालुवाटार बासाटोल बस्ने शम्भु गिरीका छोरा अन्दाजी १५-१६ वर्षका अजय गिरीलाई पनि नगद रुपैया २ हजार ४ सय ७२ र एकथाना I phone 6 सहित नियन्त्रणमा लिएर थप आवश्यक कार्यवाहीको लागि जिल्ला प्रहरी कार्यालय मलंगवाको हिरासतमा पठाएको स.प्र.निरीक्षक सिंहले जानकारी दिए ।
सीमानाकामा सामान्य आवातजावत खुला भएसँगै लागुऔषध तस्कर सक्रिय भएपछि नाकामा कडाइ गरिएको छ ।
No comments:
Post a Comment