लोकतन्त्र समाचारदाता ----
सर्लाही ,मंसिर ७
सर्लाहीको दुई भिन्नाभिन्नै स्थानमा छठ पुजाको दोस्रो दिन भएको आगलागीमा ३ लाख रुपैयाँ बराबरको क्षति भएको छ ।
सनिवार राति जिल्लाको धनकौल गाउँ पालिका वडा न-४ महिनाथपुर स्थित स्थानीय दहाउर सहनीको एक तल्ले फुसको घरमा खाना पकाउन राखिएको ग्याँस सिलिन्डर अचानक लिक भई आगलागी हुँदा घर पुर्ण रुपमा जलेर नष्ट भएको प्रहरीले जनाएको छ ।उक्त आगलागीमा परि सहनीको घर भित्र रहेकोे १ थान टिभी ,१ तोला सुन , लत्ताकपडा ,१ थान साइकल,भाँडाबर्तन,२ थान मोबाइल र नगद रु ९० हजार गरि जम्मा २ लाख ६३ हजार बराबरको क्षति भएको जिल्ला प्रहरी कार्यालय सर्लाहीका प्रवक्ता तथा डिएसपी मदन कुवँरले जनाएको छ ।
त्यसैगरी सनिवार राति ९ बजेको समयमा विष्णु गाउँ पालिका वडा -५ फेन्हारा स्थित स्थानीय राजकुमार रायको काठले बनाएको घुम्ती पसलमा अचानक आगलागी हुँदा आंशिक रुपमा जलेर पसल भित्र रहेको केही सरसामान गरि करिब ७० हजार रुपैया बराबरको क्षति भएको प्रहरीले जनाएको छ ।
दुबै ठाउँमा भएको आगलागीमा कुनैपनि किसिमको मानवीय तथा चौपाया क्षति नभएको प्रहरीले बताएको छ ।आगलागी स्थानीयबासी र प्रहरीले नियन्त्रणमा लिएका थिए ।
No comments:
Post a Comment