लोकतन्त्र समाचारदाता---
सर्लाही ,मंसिर १५
सर्लाहीको सदरमुकाम मलंगवामा महिला मैत्री स्वास्थ्य सेवा र स्वास्थ्य परामर्शको बिषयमा एकदिने अन्तरक्रिया सम्पन्न भएको छ । महिला पुनस्थार्पना केन्द्र (ओरेक)ले सरोकारवालाहरुसंग अन्तरक्रिया सम्पन्न गरेको हो ।
मलंगवा नगरपालिकाका उपमेयर शान्ती सबनम मिकरानीको प्रमुख आतिथ्यतामा सोमवार भएको कार्यक्रममा महिलाहरु उपर हुने विभिन्न किसिमका घरेलु हिंसा,महिलाहरुमा प्रजनन स्वास्थ्य ,मनोविमर्श सेवा केन्द्र र महिला परामर्श सेवाका बारेमा सरोकारवालाहरु बीच छलफल तथा अन्तरक्रिया गरिएको संस्थाकी मनोविमर्शकर्ता दिवानी घिमिरेले जानकारी दिए ।
मलंगवा वडा न-८ स्थित बिरबलको खिचडी होटलको सभाहलमा आयोजना भएको कार्यक्रममा मलंगवा नपा अन्तर्गतका वडा का वडाध्यक्ष, महिला वडा सदस्य लगायत सरोकारवाला संघसंस्था प्रमुख तथा प्रतिनिधिहरुको सहभागीता रहेको थियो ।
No comments:
Post a Comment